Yazıçı Azad Qaradərəlinin əsərlərinin çoxcildliyinin nəşrinə başlanılıb. Yazıçının verdiyi məlumata görə, əski dillə desək yazıçının külliyyatı, təxminən, 20 cilddən ibarət olacaq. Artıq 1-2-3-cü cildlər bu günlərdə çapdan çıxdı. 328 səhifədən ibarət olan 1-ci cildə yazıçının yaradıcılığının birinci mərhələsində qələmə aldığı (80-90-cı illər) hekayələr daxil edilib. İlk cildə ön sözü AMEA-nın müxbir üzvü, professor Tehran Əlişanoğlu yazıb.
    İkinci cildə “Kuma-Manıç çökəkliyi”, 3-cü cildə isə “Şəhərcik” romanları daxil edilib.
         Hər üç cildin redaktoru Sevinc Elsevər, Mübariz Örən, tərtibçisi AMEA- nın dissertantı Türkan Azadqızıdır.
        Məlumatda qeyd olunur ki, təxmini planlaşdırmaya görə, digər cildlərin beş il ərzində çap etdirməsi nəzərdə tutulur.
    Yazıçının əsərlərinin nəşri "Qanun" nəşriyyatında həyata keçirilir.