Beynəlxalq Türk Mədəniyyəti və İrsi Fondu Vaqif Poeziya Günləri çərçivəsində yeni kitabını təqdim edib
18.07.23

Heydər Əliyev Fondu, Azərbaycan Respublikası Mədəniyyət Nazirliyi və Yazıçılar Birliyinin təşkilatçılığı ilə 14-15 iyul 2023-cü il tarixlərində Şuşada Vaqif Poeziya Günləri keçirilib. Vaqif Poeziya Günləri çərçivəsində Şuşada Mehmandarovların Malikanə Kompleksində Beynəlxalq Türk Mədəniyyəti və İrsi Fondu tərəfindən nəşr olunmuş, Azərbaycanın böyük şairi Molla Pənah Vaqifə həsr edilmiş “Özü vəzir, sözü şah” kitabının təqdimatı baş tutub. Fondun bu layihəsi 2023-cü ilin Şuşa şəhərinin “Türk Dünyasının Mədəniyyət Paytaxtı” elan olunması, eləcə də Türk Dünyasının görkəmli şəxsiyyətlərinin ədəbi irsinin təbliğ edilməsi məqsədini daşıyır. Layihənin ideya və ön sözünün müəllifi Fondun prezidenti Günay Əfəndiyevadır.
Təqdimat mərasimi Beynəlxalq Türk Mədəniyyəti və İrsi Fondunun nümayəndəsi, nəşrin tərtibçisi və redaktoru, şair Fərid Hüseynin giriş sözü ilə açılıb. O, layihə ilə bağlı məlumat verərək bildirib ki, kitabda Ulu Öndər Heydər Əliyevin 14 yanvar 1982-ci ildə Vaqif məqbərəsi önündəki çıxışı və görkəmli şair haqqında söylediyi fikirləri, eyni zamanda Azərbaycan Respublikasının Prezidenti cənab İlham Əliyevin 30 avqust 2021-ci ildə Şuşa işğaldan azad edildikdən sonra ilk dəfə yenidən təşkil olunan Vaqif Poeziya Günlərinin açılışındakı çıxışı əksini tapıb.
“Molla Pənah Vaqifə həsr olunan şeirlər və nəzirələr onun öz dövrü və sonrakı zamanlar ərzində daim diqqət mərkəzində olan bir şair olduğunu sübut edir. Bu kitabda yer alan nəzm və nəsr əsərlərindən aydın görünür ki, Vaqif obrazı həm ədəbiyyat, həm də incəsənətin daim müraciət edilən mövzularından olub”, - deyə Fərid Hüseyn vurğulayıb.
Azərbaycan Yazıçılar Birliyinin Mətbuat Şurasının sədri, yazıçı, jurnalist Rəşad Məcid tədbirdə çıxış edərək, Beynəlxalq Türk Mədəniyyəti və İrsi Fondunun nəşr etdiyi “Özü vəzir, sözü şah” kitabının Vaqif Poeziya Günlərinə önəmli töhfə olduğunu bildirib. Rəşad Məcid Türk Dünyasının böyük mütəfəkkirlərinin, şair və yazıçılarının yaradıcı irsinin tədqiqinin və qorunmasının əhəmiyyətinə toxunaraq, Fond tərəfindən bu istiqamətdə aparılan işləri yüksək dəyərləndirib. O, təşkilatın yeni nəşrinin Molla Pənah Vaqifin daha dərindən öyrənilməsində əsas mənbə rolunu oynayacağına inandığını diqqətə çatdırıb.
Tədbirdə çıxış edən Fondun Qırğızıstan nümayəndəsi Nazgül Omurzakova Şuşanın “2023-cü il Türk Dünyasının Mədəniyyət Paytaxtı” elan olunması çərçivəsində şəhərin tarixi və mədəni irsinin tanıdılması məqsədilə təşkilatın müxtəlif ölkələrdə həyata keçirdiyi layihələrdən bəhs edib. O, Fond tərəfindən Türk Dünyası şəhərlərində “Şuşa Günləri”nin təşkilinin eyni zamanda türk xalqları arasında mədəni-mənəvi əlaqələrin möhkəmləndirilməsinə yönəldiyini bildirib. Nazgül Omurzakova təşkilatın Şuşanın musiqisinin, sənətinin, poeziyasının təbliği üzrə genişmiqyaslı fəaliyyəti barədə tədbir iştirakçılarını məlumatlandırıb. O, Fond tərəfindən böyük şair Molla Pənah Vaqifin həyat və yaradıcılığına həsr olunmuş yeni kitab nəşrinin Türk xalqlarının, o cümlədən Şuşanın yetişdirdiyi dahi şəxsiyyətlərin irsinin tanıdılması istiqamətindəki layihələrinin davamı olduğunu diqqətə çatdırıb.
Qeyd edilməlidir ki, “Özü vəzir, sözü şah” kitabında Molla Pənah Vaqifə həsr olunmuş Azərbaycan və əcnəbi şairlərin şeirləri, onun əsərlərinə yazılan nəzirələr, ədibin həyat və yaradıcılığı barədə Azərbaycan və dünya qələm adamlarının fikirləri toplanıb. Həmçinin nəşrdə “Vaqif” dastanı, eləcə də Səməd Vurğunun eyniadlı məşhur dram əsəri və Vaqifin Molla Vəli Vidadi ilə deyişməsi yer alır. Topluda tanınmış Azərbaycan rəssamlarının çəkdiyi və şairin təsviri sənətdəki obrazını canlandıran əsərlər, eyni zamanda, müxtəlif illərdə Azərbaycan teatrlarında səhnələşdirilən “Vaqif” tamaşalarından çəkilmiş fotolar da əks olunub.
Tədbirdə Azərbaycanın tanınmış şair və yazıçıları, mədəniyyət və incəsənət xadimləri, KİV nümayəndələri iştirak ediblər.

Yenililklər
29.09.23
Günay Əfəndiyeva Qırğız Respublikası Prezidentinin müşaviri Arslan Koiçiyev ilə görüşüb
29.09.23
Bakıda “Türkiyə-Azərbaycan Qardaşlığı: Anadoludan əsintilər” adlı sərgi açılacaq
29.09.23
Qənirə Paşayevanın vəfatı ilə bağlı Beynəlxalq Türk Mədəniyyəti və İrsi Fondunun başsağlığı verib
27.09.23
Türk xalqları tərəfindən latın əlifbasının qəbulu vahid türk dilinin inkişafı üçün olduqca vacibdir
26.09.23
Səxavət Sahil - Ölüm nəğmələri - Şeirlər
26.09.23
Mahir Qarayev: “Yesenin, Axmatova bu imiş? Bəs deyirlər, Svetayeva...” - MÜSAHİBƏ
26.09.23
“DokuBaku” VII Beynəlxalq Sənədli Filmlər Festivalı başlayıb
26.09.23
Beynəlxalq Türk Mədəniyyəti və İrsi Fondu ilə Qırğızıstan Milli Universiteti arasında əməkdaşlıq haqqında Anlaşma Memorandumu imzalanıb
24.09.23
Azad Qaradərəlinin əsərlərinin III cildliyinin təqdimat və müzakirəsi olub
23.09.23
Zərdüşt Əlizadə - Mütləq kamillik həsrəti
21.09.23
“Azərbaycan ədəbiyyatşünaslığı” jurnalının növbəti sayı çap olunub
21.09.23
“Bütöv Azərbaycan bədii təfəkküründə Şuşa” kitabı çap olunub
21.09.23
Beynəlxalq Türk Mədəniyyəti və İrsi Fondu Polşa ilə əməkdaşlığın yeni istiqamətlərini müzakirə edib
19.09.23
Beynəlxalq Türk Mədəniyyəti və İrsi Fondu Amsterdamda qədim türk yazılarına dair yeni sərgi açıb
29.08.23
Beynəlxalq Türk Mədəniyyəti və İrsi Fondu Qazaxıstanda beynəlxalq sərgi keçirib
13.08.23
Azad Qaradərəli - Vay-vayımız, Türkmənçayımız
13.08.23
Azad Qaradrəlinin əsərlərinin cildlər üzrə nəşrinə başlanıb
04.08.23
Beynəlxalq Türk Mədəniyyəti və İrsi Fondu Özbəkistanla işbirliyi əlaqələrini daha da gücləndirir
30.07.23
Azad Qaradərli - Dekadansmı, renessansmı?
22.07.23
“Ədəbi Proses – 10 il” elmi-yaradıcılıq müşavirəsinin yubiley tədbiri keçirilib
18.07.23
Beynəlxalq Türk Mədəniyyəti və İrsi Fondu Vaqif Poeziya Günləri çərçivəsində yeni kitabını təqdim edib
12.07.23
Beynəlxalq Türk Mədəniyyəti və İrsi Fondunun yeni nəşri Molla Pənah Vaqifə həsr olunub
08.07.23
Günay Əfəndiyeva Qoşulmama Hərəkatının Nazirlər görüşündə çıxış edib
05.07.23
Günay Əfəndiyeva Türkiyənin İseveçrədəki səfiri ilə görüşüb
03.07.23
 “Kitabqurdu” I Yay Oxu Marafonuna start verilib
03.07.23
Heydər Əliyevin 100 illik yubileyi münasibəti ilə İsveçrə Konfederasiyasında konsert təşkil olunub
25.06.23
Diplomatik korpusun səfir və nümayəndələri Laçına səfər edib
19.06.23
“Qədim Türk yazı mədəniyyəti” adlı beynəlxalq konfrans keçirilib
19.06.23
Beynəlxalq Türk Mədəniyyəti və İrsi Fondunun mükafatlandırılma mərasimi keçirilib
16.06.23
“Mikloş Radnoti və macar poeziyası” adlı tədbir keçirildi
16.06.23
Türkiyədə “Elçinə ərməğan” adlı kitab nəşr edildi
16.06.23
I Yay Oxu Marafonu keçiriləcək
14.06.23
Süleyman Çələbinin “Mövlud” kitabınınm təqdimat mərasimi keçirilib
14.06.23
“Hüseyn Cavid və Azərbaycan ədəbiyyatşünaslığı” kitabı işıq üzü görüb
06.06.23
Beynəlxalq Türk Mədəniyyəti və İrsi Fondu II Türk Dünyası Ədəbiyyat və Kitab Festivalında təmsil olunur
06.06.23
Günay Əfəndiyeva 21-ci Alanya Beynəlxalq Turizm və İncəsənət Festivalında iştirak edib
06.06.23
Vüqar Əhməd - Ədəbiyyatşünaslığımızın parlaq siması - Şirindil Alışanlı
01.06.23
Beynəlxalq Türk Mədəniyyəti və İrsi Fondu və Polşadakı Səfirliyimiz Varşava Beynəlxalq Kitab Sərgisində təmsil olunub
31.05.23
XI ANAİB Kitab Sərgisi keçiriləcək
31.05.23
Günay Əfəndiyeva Macarıstanın Xarici İşlər və Ticarət Nazirliyinin dövlət katibi ilə görüşüb
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.