Ədəbiyyat İnstitutunda “525-ci qəzet”in 30 illik yubileyinə həsr olunmuştədbir keçirilib
17.11.22

Azərbaycan Milli Elmlər Akademiyası Nizami Gəncəvi adına Ədəbiyyat İnstitutunda“525-ci qəzet”in 30 illikyubileyinə həsr olunmuş “Müstəqillik dövrünün müstəqil mətbuatı: “525-ci qəzet” adlı tədbir keçirilib.Tədbirdə AMEA-nın prezidenti, akademik İsa Həbibbəyli, Azərbaycan Mətbuat Şurasının sədri, “525-ci qəzet”in baş redaktoru Rəşad Məcid, AMEA-nın və əhatə etdiyi elmi müəssisə və təşkilatların baş direktorları, əməkdaşları, Bakı Dövlət Universitetinin Jurnalistika fakültəsinin nümayəndələri, Türkiyə və Özbəkistandan qonaqlar, şairlər, eləcə də “525-ci qəzet”in kollektivi və KİV-lər iştirak ediblər.

Tədbiri giriş sözü ilə açan AMEA-nın prezidenti,Nizami Gəncəvi adına Ədəbiyyat İnstitutunun baş direktoru, akademik İsa Həbibbəyli “525-ci qəzet”in baş redaktoru Rəşad Məcidi Akademiyanın dostu və Azərbaycanın görkəmli ziyalısı adlandırıb və onu Azərbaycan Mətbuat Şurasının sədri seçilməsi münasibətilə təbrik edib. Qeyd edib ki, Rəşad Məcidin bu vəzifəyə seçilməsi geniş mənada Azərbaycan mətbuatının, xüsusilə “525-ci qəzet”in ən böyük nailiyyətlərindən biridir. Onun sözlərinə görə, “525-ci qəzet” müstəqil Azərbaycanın müstəqillik dövrü mətbuatının ən davamlı və uğurlu nümunəsidir.

Azərbaycanın müstəqilliyini bərpasından sonra ölkəmizdə çox sayda mətbuat nümunələrinin meydana çıxdığını deyən AMEA rəhbəri bildirib ki, ötən illər ərzində onlardan bir çoxu fəaliyyətini dayandırsa da, müstəqilliyimizlə yaşıd olan “525-ci qəzet” öz missiyasını aydın şəkildə yerinə yetirməkdədir: “525-ci qəzet” müstəqil mətbuat yaratmaq istəyənlər üçün ən böyük nümunədir. Azərbaycanın dövlətçilik, müstəqillik ideyalarını qoruyan, özünəməxsus siması olan çoxprofilli mətbu orqandır. “525-ci qəzet” Azərbaycan cəmiyyətinin maraqlandığı bütün sahələr üzrə, istər ictimai-siyasi, iqtisadi, istərsə də elmi, ədəbi, mədəni, idman və digər istiqamətlərdə məqalə və xəbərləri peşəkarcasına ictimaiyyətə təqdim edir. Həmçinin müəllifləri də genişprofillidir və bir sözlə, “525-ci qəzet” Azərbaycanın müstəqillik dövrü mətbuatının flaqmanıdır”.

Akademik İsa Həbibbəyli bildirib ki, “525-ci qəzet” yarandığı gündən Azərbaycan alimləri ilə sıx əməkdaşlıq edir və AMEA-nın son 30 ildəki tarixi ilə qəzetin materiallarını oxumaqla tanış olmaq mümkündür. O qeyd edib ki, “525-ci qəzet” daim Azərbaycan cəmiyyətini, oxucusunu dolğun, qərəzsiz informasiya ilə təmin edib və çoxprofilli olub bütün istiqamətlərdə fəaliyyətini peşəkar şəkildə davam etdirməsinin başlıca səbəbi onun baş redaktoru Rəşad Məciddir. Akademikin sözlərinə görə, Rəşad Məcid ictimai-siyasi xadim, görkəmli mətbuat nümayəndəsi və əsl dost kimi özünü sübut edib və Azərbaycan mətbuatı tarixində fərqli jurnalistika məktəbi yaradıb: “525-ci qəzet” həftədə bir dəfə feysbuk sosial şəbəkəsindən seçmələri çap edir. Bu, feysbukun qəzet variantıdır. Bir sözlə, Azərbaycan mətbuatında yenilikdir. Rəşad Məcid ədəbi məktəbin sərhədlərini aşaraq müasir, çoxprofilli jurnalistika məktəbi yaradıb. Onun baş redaktoru olduğu “525-ci qəzet” isə sabaha gedən yollara rəhbərlik edən, ictimai fikrin formalaşmasında ön cərgələrdə gedən nümunəvi mətbu orqandır”.

AMEA rəhbəri çıxışının sonunda Rəşad Məcidi və qəzetin kollektivini 30 illik yubileyləri münasibətilə təbrik edib, onlara gələcək fəaliyyətlərində uğurlar arzulayıb.AMEA prezidenti üzərində Şuşa qalasının və Xarıbülbülün təsviri olan fotonu “525-ci qəzet”in baş redaktoru Rəşad Məcidə hədiyyə edib.

Tədbirdə Əlyazmalar İnstitutunun baş direktoru, akademik Teymur Kərimli “Jurnalistikada məktəb yaratmış qəzet: “525-ci qəzet” adlı geniş məruzə edib.

Riyaziyyat və Mexanika İnstitutunun baş diraktoru, AMEA-nın mübir üzvü Misir Mərdanov çıxışında vurğulayıb ki, “Akademiyanın prezidentinin şəxsən iştirakı ilə ilk dəfə bir qəzetin yubileyi qeyd olunur. Qəzetin kollektivini, Rəşad müəllim başda olmaqla təbrik edirəm. Mən bu qəzeti Təhsil Naziri vəzifəsində işlədiyim ilk illərdən tanımışam. Qəzetdəki yazılarla tanış olandan sonra bu qəzeti seçdim. Mən bu qəzetin abunəçisiyəm, bütün nömrələrini evimdə saxlayıram”.

Fəlsəfə və Sosiologiya İnstitutunun şöbə müdiri, AMEA-nın müxbir üzvü Könül Bünyadzadə,Avrasiya Yazarlar Birliyinin başqanı, “Qardaş qələmlər” dərgisinin baş redaktoru Yaqub Öməroğlu,Ədəbiyyat İnstitutunun baş elmi işçisi, Əməkdar elm xadimi, filologiya elmləri doktoru, professor Qəzənfər Paşayev, Əlişir Nəvai adına Daşkənd Dövlət Özbək dili və Ədəbiyyatı Universitetinin kafedra müdiri, filologiya elmləri doktoru, professor Nurbay Cabbarov, professorlar Şirindil Alışanlı, Cahangir Məmmədli və Ədəbiyyat İnstitutunun əməkdaşı Ülkər Hüseynova çıxışlarında “525-ci qəzet”in uğurlu fəaliyyətindən müxtəlif nüanslara toxunublar.

Sonda Milli Mətbuat Şurasının sədri, “525-ci qəzet”in baş redaktoru Rəşad Məcid çıxış edərək tədbirin təşkili üçün böyük ehtiramını, minnətdarlığını bildirib:“30 il bundan qabaq fəaliyyətə başlayanda 17 noyabr Milli Dirçəliş günü idi. Min nüsxə qəzeti meydanda paylamışdıq və ondan sonra da çox illər bunu xatırlayan insanlar var idi. On illik yubileyimizi Azərbaycanın ictimai fikrini əhatə edən insanlarla keçirmişdik. 1998-ci ilin 29 oktyabrında biz qürur duyuruq ki, o vaxt Dövlət Neft Şirkətinin birinci vitse-prezidenti İlham Əliyevin “Neft bizim üçün məqsəd yox, vəzifə olmalıdır” müsahibəsi ilk dəfə Azərbaycan mətbuatında “525-ci qəzet”də çap olunmuşdu.  “525-ci qəzet” həm ədəbiyyat-mədəniyyət hadisələrinə, həm siyasi proseslərə münasibətdə təmkinli mövqeyini qoruyub-saxlayıb.

On illiyimizdən sonra 15 və 20 illiyimizi keçirmədik. 25 illiyi Bakı Dövlət Universitetində keçirdik. Bunun da bir mənası var idi. Bizim əksəriyyətimiz BDU-nun jurnalistika fakultəsini bitirmişdik. İsa müəllim o vaxt da Ədəbiyyat İnstitutunda yubileyimizi keçirdi. Bir neçə ay bundan qabaq İsa müəllim deyirdi ki, yubileyi akademiyada keçircəyik. Onda hələ vitse-prezident idi. Bu ərəfədə də xoş bir hadisə baş verdi. İsa müəllim akademiyanın prezidenti oldu və sizin dediyiniz kimi, akademiyanın prezidenti başda olmaqla bir qəzetin yubileyi keçirilir. Buna görə sizəhədsiz minnətdarlığımı bildirirəm. Əməkdaşlarımızdan Yusif Rzayev, Seyfəddin Hüseynli, İsgəndər Həsənov, Aydın Bağırov və digər gənclərimiz buradadırlar.

Yenililklər
24.09.23
Azad Qaradərəlinin əsərlərinin III cildliyinin təqdimat və müzakirəsi olub
23.09.23
Zərdüşt Əlizadə - Mütləq kamillik həsrəti
21.09.23
“Azərbaycan ədəbiyyatşünaslığı” jurnalının növbəti sayı çap olunub
21.09.23
“Bütöv Azərbaycan bədii təfəkküründə Şuşa” kitabı çap olunub
21.09.23
Beynəlxalq Türk Mədəniyyəti və İrsi Fondu Polşa ilə əməkdaşlığın yeni istiqamətlərini müzakirə edib
19.09.23
Beynəlxalq Türk Mədəniyyəti və İrsi Fondu Amsterdamda qədim türk yazılarına dair yeni sərgi açıb
29.08.23
Beynəlxalq Türk Mədəniyyəti və İrsi Fondu Qazaxıstanda beynəlxalq sərgi keçirib
13.08.23
Azad Qaradərəli - Vay-vayımız, Türkmənçayımız
13.08.23
Azad Qaradrəlinin əsərlərinin cildlər üzrə nəşrinə başlanıb
04.08.23
Beynəlxalq Türk Mədəniyyəti və İrsi Fondu Özbəkistanla işbirliyi əlaqələrini daha da gücləndirir
30.07.23
Azad Qaradərli - Dekadansmı, renessansmı?
22.07.23
“Ədəbi Proses – 10 il” elmi-yaradıcılıq müşavirəsinin yubiley tədbiri keçirilib
18.07.23
Beynəlxalq Türk Mədəniyyəti və İrsi Fondu Vaqif Poeziya Günləri çərçivəsində yeni kitabını təqdim edib
12.07.23
Beynəlxalq Türk Mədəniyyəti və İrsi Fondunun yeni nəşri Molla Pənah Vaqifə həsr olunub
08.07.23
Günay Əfəndiyeva Qoşulmama Hərəkatının Nazirlər görüşündə çıxış edib
05.07.23
Günay Əfəndiyeva Türkiyənin İseveçrədəki səfiri ilə görüşüb
03.07.23
 “Kitabqurdu” I Yay Oxu Marafonuna start verilib
03.07.23
Heydər Əliyevin 100 illik yubileyi münasibəti ilə İsveçrə Konfederasiyasında konsert təşkil olunub
25.06.23
Diplomatik korpusun səfir və nümayəndələri Laçına səfər edib
19.06.23
“Qədim Türk yazı mədəniyyəti” adlı beynəlxalq konfrans keçirilib
19.06.23
Beynəlxalq Türk Mədəniyyəti və İrsi Fondunun mükafatlandırılma mərasimi keçirilib
16.06.23
“Mikloş Radnoti və macar poeziyası” adlı tədbir keçirildi
16.06.23
Türkiyədə “Elçinə ərməğan” adlı kitab nəşr edildi
16.06.23
I Yay Oxu Marafonu keçiriləcək
14.06.23
Süleyman Çələbinin “Mövlud” kitabınınm təqdimat mərasimi keçirilib
14.06.23
“Hüseyn Cavid və Azərbaycan ədəbiyyatşünaslığı” kitabı işıq üzü görüb
06.06.23
Beynəlxalq Türk Mədəniyyəti və İrsi Fondu II Türk Dünyası Ədəbiyyat və Kitab Festivalında təmsil olunur
06.06.23
Günay Əfəndiyeva 21-ci Alanya Beynəlxalq Turizm və İncəsənət Festivalında iştirak edib
06.06.23
Vüqar Əhməd - Ədəbiyyatşünaslığımızın parlaq siması - Şirindil Alışanlı
01.06.23
Beynəlxalq Türk Mədəniyyəti və İrsi Fondu və Polşadakı Səfirliyimiz Varşava Beynəlxalq Kitab Sərgisində təmsil olunub
31.05.23
XI ANAİB Kitab Sərgisi keçiriləcək
31.05.23
Günay Əfəndiyeva Macarıstanın Xarici İşlər və Ticarət Nazirliyinin dövlət katibi ilə görüşüb
28.05.23
Gülşən Behbud - Sözü yaşayan və sözüylə yaşadan xanım
28.05.23
Hökumə Billuri (Həkimə İbrahim qızı Billuri) “Xalq Əmanəti” layihəsinin 23-cü nəşrində
26.05.23
Macarıstanda Xurşidbanu Natəvana həsr olunmuş “Şuşanın tək incisi” filmi nümayiş olunub
25.05.23
Beynəlxalq Türk Mədəniyyəti və İrsi Fondu Oşda VII Beynəlxalq "Dünya xalqlarının dastanları" Festivalının əsas təşkilatçılarındanbiri olub
25.05.23
Xalq yazıçısı Elçinin 80 illik yubileyi münasibətilə elmi sessiya keçirilib
19.05.23
Beynəlxalq Türk Mədəniyyəti və İrsi Fondu ilə Macarıstan arasında əməkdaşlıq genişlənir
18.05.23
AMEA-da Mir Cəlalın 115 illik yubileyinə həsr olunmuş elmi sessiya keçirilib
17.05.23
Azad Qaradərəli - Avdının şairliyi
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.