Dominikan Respublikasının salsa və merenqe janrlarının tanınmış ifaçısı Conni Ventura ömrünün 82-ci ilində dünyasını dəyişib.

Məlumatda bildirilib ki, ifaçının ölüm səbəbi ürəktutması nəticəsində baş verib.

Conni Ventura (Xuan de Dios Ventura Soriano) 1940-cı il martın 8-də Santo-Dominqo şəhərində dünyaya göz açıb. O, musiqi karyerasına 1959-cu ildə başlayıb. Həmin ildən ifaçı 50-ə yaxın albom buraxıb. Conni Ventura həmçinin 1994-2002-ci illər ərzində Santo-Dominqo administrasiyasında müxtəlif vəzifələrdə çalışıb.

Xatırladaq ki, 2020-ci ildə ifaçı koronavirusa yoluxmuşdu. /Azərtac/