“Məhtimqulu və Türk dünyası” adlı Beynəlxalq onlayn konfrans keçirilib
26.06.20

Türkmənistanın Azərbaycan Respublikasındakı Səfirliyinin və Azərbaycan Milli Elmlər Akademiyası Nizami Gəncəvi adına Ədəbiyyat İnstitutunun təşkilatçılığı ilə “Məhtimqulu və Türk dünyası” adlı beynəlxalq onlayn konfrans keçirilib. Məhtimqulu Fəraqinin Poeziya  günü münasibəti ilə təşkil olunan konfransda Azərbaycanla yanaşı, Türkmənistandan olan elm xadimləri də iştirak ediblər. Konfransı giriş sözü ilə AMEA-nın birinci vitse-prezidenti, Ədəbiyyat İnstitutunun direktoru, akademik İsa Həbibbəyli açaraq bildirib ki, uzun illərdir Türkmənistan Elmlər Akademiyası ilə Azərbaycan Milli Elmlər Akademiyası arasında əlaqələr inkişaf edir, bu günə qədər bir çox faydalı işlər görmüşük və bundan sonra da davam edəcəyik.

Akademik vurğulayıb ki, illərdir Türkmənistanla olan əlaqələrimizdə Türkmənistan ədəbiyyatının böyük klassiki Məhtimqulu irsini öyrənmək və təbliğ etmək istiqamətində apardığımız işləri önə çəkmişik. Bu təsadüfi deyil, Məhtimqulu Fəraqi türkmən xalqının bütün türk dünyasına və ümumən dünya mədəniyyətinə verdiyi böyük şəxsiyyətlərdəndir. Məhtimqulu Fəraqi türk dünyasında XVII-XVII əsrlərdən başlanan yeni ədəbiyyatın əsasını qoyanlardan biridir. Məhtimqulu Fəraqi həm də Türkmənistanın milli birliyinin rəmzidir. Onun Azərbaycanla bağlı səfərləri, yaradıcılığındakı Azərbaycanla bağlı səhifələr iki xalqın qardaşlığının qədim tarixə və böyük ənənələrə malik olduğunu sübut edən amillərdir. Şeirlərindən görünür ki, o, Şəkidə olmuş, Azərbaycanda gördüklərini yaradıcılığında əks etdirmişdir.

Həmçinin bildirib ki, Prezidentlərimizin apardığı işlər Türkmənistan- Azərbaycan əlaqələrinin hər gün inkişaf etməsinə yol açır, dəstək verir. Biz Məhtimqulu irsini Türkmənistanla birgə öyrənmək istiqamətində uzun illərdir birgə fəaliyyət göstəririk. Məhtimqulu bizim ortaq böyük şairimizdir. Artıq neçə ildir ki, Türkmənistanın Bakıdakı səfirliyi ilə bir yerdə hər il Məhtimqulu Fəraqiyə həsr olunmuş konfranslar təşkil edirik. Məhtimqulu Azərbaycanla-Türkmənistan arasında bir qardaşlıq, mədəniyyət və ədəbiyyat körpüsüdür. AMEA-nın arxivindən tapdığımız Məhtimqulu Fəraqinin “Divan”ı Buxaradan sonra ilk dəfə Bakıda akademiyanın vasitəsilə çap olunub. Həmin nüsxə 1914-cü ildə Buxarada daş basması ilə çap olunmuşdu. Bakıda tapılan nüsxə hər iki ölkənin alimlərinin birgə səyi ilə hazırlanıb çap edildi.

Sonra Türkmənistanın Azərbaycan Respublikasındakı Fövqəladə və Səlahiyyətli səfiri Mekan İşanquliyev də iki qardaş ölkə arasındakı əlaqələrin inkişafında belə konfransların keçirilməsinin önəmini vurğulayıb. Həm öz adından, həm də səfirliyin adından Azərbaycan Milli Elmlər Akademiyasına təşəkkürlərini bildirib. Eyni zamanda bu işə dəstək olan Türkmənistanlı alimlərin əməyini də yüksək qiymətləndirib.

Onlayn konfransda Türkmənistan Elmlər Akademiyasının elmi katibi Rəhman Əsədullayev “Müstəqil dövlətimizin tərəqqisi dövründə Türkmənistan-Azərbaycan elmi əməkdaşlığı” mövzusunda məruzə ilə çıxış edib. Ardınca Beynəlxalq Türk Mədəniyyəti və İrsi Fondunun prezidenti Günay Əfəndiyeva və Türkdilli Ölkələrin Parlament Assambleyasının Baş direktoru (ТürkPA) Altunbek Mamayusupov da çıxış ediblər. Həmçinin Türkmənistan Elmlər Akademiyası Məhtimqulu adına Dil, Ədəbiyyat və Milli Əlyazmalar İnstitutunun direktoru Davut  Orazsəhedov “Türkmənistan-Azərbaycan münasibətlərində Məhtimqulu yaradıcılığının yeri” adlı məruzəsini diqqqətə çatdırıb.

Daha sonra filologiya üzrə fəlsəfə doktoru, dosent İsmixan Osmanlı “Məhtimqulunun ədəbi irsinin Türk dünyasında nəşri tarixindən” adlı məruzə ilə çıxış edib. Şairin əsərlərinin sovet və müstəqillik illərindəki tərcümə və nəşr tarixi haqqında ətraflı məlumat verib. 2019-cu ildə AMEA-da “Məhtimqulu Fəraqi – Azərbaycan-Türkmənistan qardaşlığının rəmzi kimi” mövzusunda Beynəlxalq Elmi Konfrans keçirildiyini, tədbir çərçivəsində akademik İsa Həbibbəyli və İsmixan Osmanlının müəllifliyi ilə çap olunmuş “Məhtimqulu Fəraqi və Azərbaycan” kitabının təqdimatı olduğunu da əlavə edib.

Videokonfransda Türkmənistan Elmlər Akademiyası  Tarix və arxeologiya İnstitutunun direktoru Bayram Taqanov  “Böyük Məhtimqulu XVIII əsr türkmən elmi-intellektual dünyagörüşünün mənbəyi kimi” və Azərbaycan Milli Elmlər Akademiyası Nizami Gəncəvi adına Ədəbiyyat İnstitutunun elmi əməkdaşı, filologiya üzrə fəlsəfə doktoru Töhfə Talıbova “Məhtimqulunun əsərlərinin Azərbaycanda tədqiqi məsələləri” adlı məruzələrində mövzu ilə bağlı fikirlərini bölüşüblər. Eyni zamanda Türkmən Dövlət Universitetinin kafedra müdiri Aman Şıxnepesov “Şair Məhtimqulu yeni türkmən ədəbi dilinin banisidir” və Türkmənistan Elmlər Akademiyasının Dil-ədəbiyyat, tarix və  pedaqogika Elmləri bölməsinin müdiri Mırat Tuvakov “Məhtimqulunun yaradıcılığında humanizm ideyaları” mövzusunda məruzələrlə çıxış ediblər.

Videokonfransa Ədəbiyyat İnstitutun elmi katibi, filologiya üzrə fəlsəfə doktoru Mehman Həsənli, Təhsil şöbəsinin müdiri, sosiologiya üzrə fəlsəfə doktoru Samir Səttarov da qatılıb.

Avanqard.net

Yenililklər
13.06.24
“Divanü lüğat-it-türk”ün II və III cildləri nəşr olunub
13.06.24
“Ulduz” jurnalının may nömrəsi çap olunub
13.06.24
Azərbaycanda aparıcı teatrların siyahısı təsdiqlənib, işçilərin maaşları artırılıb
05.06.24
Özbəkistanlı şairlərin şeirləri Azərbaycan dilinə tərcümə edilərək nəşr olunub
05.06.24

Qulu Ağsəs haqqında yeni kitab çap edilib

24.05.24
Kino şirkətlərinə yeni imkan: post-prodakşna dəstək
22.05.24
Kənan Hacı - Salman Mümtaz Leninə nə deyəcəkmiş?
22.05.24
2024-cü ilin Ədəbiyyat üzrə Beynəlxalq Buker Mükafatının qalibi məlum olub
21.05.24
Professor Edmund Herziq: Nizami Gəncəvinin əlyazmalarının vahid kataloqu üç dildə nəşr ediləcək
21.05.24
Azərbaycanda iki teatrın adı dəyişdirilir və işçilərinin maaşı artırılır
20.05.24
“Linqvistik nəzəriyyənin əsasları” kitabı nəşr olunub
20.05.24
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
20.05.24
Fransada azərbaycanlı rəssamın fərdi sərgisi keçirilib
15.05.24
Ülvi Babasoyun “Ədəbiyyatda postmodernizm: oyun estetikası” kitabı təqdim olunub
09.05.24
Həcər Atakişiyeva - Məhəmməd Füzulinin poeziyasının dili və üslubi xüsusiyyətləri
06.05.24
Həmid Herisçi: Öz adıma ədəbiyyat müharibəmi bitirdim
06.05.24
Kino Agentliyi “Qızılalma” Festivalında mükafata layiq görüldü
06.05.24
Kino ictimaiyyəti narahatdır: 38 nömrəli qərar ləğv olunacaqmı?
04.05.24
Cahid Camal “Xalq Əmanəti” layihəsinin 24-cü nəşrində
03.05.24
Gülnar Səma - Ramil Mərzilinin “Qadağan olunmuş şeirlər”i
03.05.24
Asif Rüstəmlinin “Cümhuriyyət məfkürəsi” kitabı çap olunub
03.05.24
Azad Qaradərəli - Şəhid toyu
02.05.24
ARKA-nın Apellyasiya Komissiyası müraciətlərlə bağlı qərar verdi
02.05.24
“Əlyazma abidələri: ənənə və müasirlik” kitabı çapdan çıxıb
02.05.24
Məşhur yazıçı Pol Oster vəfat edib
02.05.24
Azərbaycanlı alimin beynəlxalq konqresdə məruzəsi dinlənilib
02.05.24
Türkiyənin bütün bölgələrində Azərbaycan Mədəniyyət Günləri keçiriləcək.

01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
30.04.24
Ömür gəlib keçər, qalan əməldir
29.04.24
Qulu Ağsəs - 55
29.04.24
 Yazıçı Eyvaz Zeynalovun “Nadir şah” romanı nəşr olunub
26.04.24
Mahir N. Qarayev - Mənə o dünyanı göstər, İlahi
25.04.24
Bakıda Çingiz Aytmatovun abidəsinin açılış mərasimi
25.04.24
Abbasqulu ağa Bakıxanovun “Riyazül-qüds” əsəri nəşr olunub
25.04.24
Mədəniyyət Nazirliyi “Nəşrlərin satın alınması müsabiqəsi”ni elan edir
24.04.24
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib
24.04.24
IV Kitabqurdu Müəllimlərin Oxu Marafonu elan edilir
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.