Şəhla Aslan - Anarın yelbeyin İmanı və Yel çərşənbəsi

14.03.19

Yel çərşənbəsi də belə getdi... Elə bir hava oldu ki, babaların bu günü əbəs yerə yellə bağlamadıqları bir daha sübut oldu. İlıq külək əsil yaz havası gətirdi. Hamımız daxilimzdə hərarət, enerji oyanışı hiss etdik. Əvvəl bunu həyacan, intizarın ayağına yozdum, axı ayın axırında alacaqlarımız bir xeyli artacaq! Amma bu halın ilin hər bu günündə hiss etdiyimizi yada salıb bu mövzuda yazmaq fikrinə düşdüm.

Bəli, Yel çərşənbəsi barədə dərindən düşünmək gərəkdir. İntəhası, mənə bir şey mane olur. Məsələ belədir ki, "yel” deyən kimi Anar demişkən Yelbeyin İman yadıma düşür. Bu heç də xalq yazımısı Anarın uğurlu deyiminin təsiri deyildir. Sadəcə bu deyim yadımdan çıxmır ki, çıxmır. Yel çox yaxşı şeydir, təki qışda əsməsin! Yoxsa qışın şaxtası iliklərimizə qədər işləyir. Şükür ki, qışı birtəhər sovuşdurduq. Qazın, işığın limiti də düz həmin sazaqlı dövrdə qurtarırdı. İndi nə yaxşı ki, bu limit söhbətinə son qoyulacağı barədə müzakirələr gedir. Əgər qərar qəbul olunsa, daha qışdakı yeldən qorxumuz olmayacaq. İraq bu söhbəti də yel aparsa, onda soyuqdan yel tutmuş ayaqlarımızı zorla sürüyərək, qripdən öskürə-öskürə ağzımızdan od püskürəcəyik.Yox, əşşi söz oldu, qurtardı. Özü də yel çərşənbəsi ərəfəsində!..

Yenə də yelbeyin İman yadıma düşdü... O İman ki hamı onun başına hava gəldiyini deyirdi. Allahın işidir də, mən günaha bata bilmərəm. Allah hərəni bir cür yaradıb. İman bəzən elə sözlər deyirdi ki, başqaları yüz gün də fikirləşsə, elə sözlər deyə bilməzdi. Elə ona görə də yadımdan çıxmır. Axı niyə ona "yelbeyin” deyirdilər? Yelin bura nə dəxli var? Yel pis olsaydı, biz bir çərşənbəyə Yel çərşənbəsi deməzdik.

Yel yaxşı şeydir... Düzdür, soyuq olanda yelçəkəndə oturmaq ziyandır, amma biz onun da çarəsini tapmışıq. Ona "skvoznyok” deyirik, güya yelin bu işə aidiyyati yoxdur. Elə paytaxtımızın adının da "Küləkdöyəcləyən” mənasını verdiyini deyirlər. Yaxşı ki, ona da qısaca Bakı deyirik. Hər şeyə tolerant olan millətimiz başqa dilə qarşı da tolerantlıq göstərib burada. Yoxsa, o uzunluqda adı deməkdən dilimiz qabar bağlardı.

...Biz elə əzəldən yelsevər olmuşuq. Tam bekar qalanda hündürdən ip asıb, yelləncək düzəltmişik, başlanmışıq yellənməyə. Yuxarıdan aşağı yellənəndə adam özünü göyün yeddinci qatında hiss edir, yerin dərd-səri də yadından çıxır. İstəsəniz yoxlaya bilərsiniz, problemləri bir anlıq unutmaq üçün asan başa gələn üsuldur yelləncək!

Yenə də yelbeyin İman yadıma düşdü... Yelləncəyə zada da minməzdi. Deyirdi ki, mən onsuz da yelliyəm də, elə şeyə ehtiyac yoxdur.

Hündürdən aşağıya tərəf yeriməyə də "aşağı yellənmək” deyirlər. Yəqin yuxarıdakılar özlərini çox yüksəkdə hiss edirlər. Aşağı gələndə də özlərini yelli aparırlar. Əşşi, yox. Mən vəzifə kürsünü nəzərdə tutmuram. Onsuz da belələri gec-tez aşağı düşüb qoşulurlar müxalifətə. Həm də onlar yellənmirlər, hellənirlər!..

Yenə də yelbeyin İman yadıma düşdü.... Görəsən, niyə elələrinə "başı havalı” deyirlər? Doğrudanmı elələrinin başında beyin əvəzinə hava olur? Ona qalsa, hava hər yerdə olur da! Yekə-yekə danışanda da "havalı-havalı danışır” deyirlər. Havanın, yelin lovğalanmağa nə dəxli var, ay başınıza dönüm?.. Nə bilim, vallah, babaların da qəribə sözləri vardır.

Nə isə... Onsuz da bu yelbeyin İman söhbəti qoymadı bir fərli yazı yazım. Qısası, Yel çərşənbəsindən sonra torpaq çərşənbəsi olacaq. İnşaallah, o vaxtacan maaşlarımız, pensiyalarımızı da alarıq, artımları ilə birlikdə. Allah hökümətin ver əlini kəsməsin. Gəlirlərimiz, uğurlarımız da yellənsin böyüsün. Təki özümüz havalanmayaq!

Həyat adlı oyunda hamı qələbə çalsın. Bu dəfə Yelbeyin İmanla birlikdə bir uşaq oyunu da yadıma düşdü, - tirin hər ucunda bir nəfər oturur və növbə ilə oturub-qalxırlar. Hər birinin enib qalxması növbə ilə olur. Kaş həyatımız bu oyundakı kimi olmasın! Enməyək, yellənməyək, amma qalxaq, yüksələk! Axı buna haqqımız çatır!.. /adalet.az/

Yenililklər
05.12.23
Dünya şöhrətli rumın şairəsi Ana Blandiana Bakıya gələcək
05.12.23
Kənan Hacının hekayəsi - Cin qapını bağlayır
05.12.23
Elçin Hüseynbəylinin hekayəsi - Dərs
05.12.23
Yevgeni Rezniçenko - Çağdaş rus poeziyası
30.11.23
Anar Məcidzadə - Canına dərd düşsün, ayrılıq salan
29.11.23
Həmin işıqlı günlər - Cavid Zeynallının yeni hekayəsi
29.11.23
Musiqili Teatr dekabr repertuarını təqdim edib
29.11.23
Pyes müsabiqəsi qaliblərinə mükafatlar təqdim olunub
29.11.23
Beynəlxalq Türk Mədəniyyəti və İrsi Fonduna yeni prezident təyin olunub
28.11.23
Xuana İnes de la Krus - Günah keçisi kimi görürsünüz qadını
28.11.23
Mahir N. Qarayevdən iki şeir
23.11.23
Fəxri Uğurlu - Uzaqda təkbaşına dolaşan qəhrəmanlar
22.11.23
Kanadada “Yeddi gözəl” musiqi qrupunun konserti keçirilib
22.11.23
Fərid Hüseyn XIV İstanbul Beynəlxalq Ədəbiyyat və Şeir Festivalında iştirak edir
22.11.23
Bakıda Mədəniyyət və Yaradıcı Sənayelər Forumu keçiriləcək
22.11.23
Vaqif Sultanlının “İnsan dənizi” və “Ölüm yuxusu” romanları İngiltərədə yayımlanıb
22.11.23
Elnarə Qaragözova - Ali diqqət və rəğbətin dəyişməz ünvanı: Yusif Səmədoğlu
22.11.23
"Nobel mükafatına aparan yolun dərsləri: mif, reallıqlar, uğurlar və çağırışlar" beynəlxalq elmi konfrans keçirilib
22.11.23
Fərid Hüseynlə kürdəmirli oxucuların görüşü olub
06.11.23
"Mədəni diplomatiya vasitəsilə əlaqələr quraraq müxtəlif sivilizasiyaları bir araya gətirdik"
04.11.23
Astanada “Yıldız Sarayı Foto Kolleksiyasında XIX Əsr Türk Dünyasının Mədəni İrsi” adlı sərgi təşkil olunub
04.11.23
Beynəlxalq Türk Mədəniyyəti və İrsi Fondunun və Türk Akademiyasının rəhbərliyi Qazaxıstanın Xarici İşlər naziri ilə görüşüb
01.11.23
Beynəlxalq Türk Mədəniyyəti və İrsi Fondu Bern şəhərində qədim türk yazılarına həsr olunmuş sərgi açıb
31.10.23
Türkiyə Respublikasının 100 illiyi İsveçrənin Bern şəhərində qeyd olunub
27.10.23
“Netflix” “The Crown” serialının son sezonunun ilk treylerini yayımlayıb
27.10.23
Özbəkistanda Yusif Vəzir Çəmənzəminli adına Azərbaycan mədəniyyəti və ədəbiyyatı Mərkəzi açılıb
27.10.23
Bədirxan Əhmədli - Akademik Kamal Talıbzadənin portret cizgiləri üzərinə
27.10.23
Türkiyədə XX əsr Cənubi Azərbaycanda ədəbi prosesin önündə gedən şəxsiyyətlərdən bəhs edən kitab çap olunub
27.10.23
Beynəlxalq Türk Mədəniyyəti və İrsi Fondu Haaqada yubiley tədbirləri keçirib
26.10.23
Varşavada “Polşa və Türk Dünyası” mövzusunda konfrans keçirilib
25.10.23
Elman Cıvıroğlu - İbranice ve Ortak Türk Dili
25.10.23
İstanbulda görkəmli xanəndə Məşədi Məhəmməd Fərzəliyev haqqında kitabın təqdimatı olub
25.10.23
“Ulduz” jurnalının 650-ci yubiley nömrəsi işıq üzü görüb
25.10.23
Yazıçı-tərcüməçi Nəriman Əbdülrəhmanlı Qazaxıstanın “Dostluq” ordeni ilə təltif olunub
25.10.23
Osip Mandelştamın yaradıcılığına həsr olunmuş poeziya gecəsi keçirilib
25.10.23
Azərbaycanı Tədqiq və Tətəbbö Cəmiyyətinin yaradılmasının 100 illik yubileyinə həsr olunmuş tədbir keçirilib
20.10.23
Qars Kafkas Universitetində “Heydər Əliyev və Türkiyə” adlı multidisiplinar beynəlxalq elmi konfrans keçirilib
19.10.23
Elman Cıvıroğlu - Xudu Məmmədov və Ziya Gökalp
19.10.23
Akademik Kamal Talıbzadənin 100 illik yubileyinə həsr olunmuş elmi sessiya keçirilib
16.10.23
Beynəlxalq Türk Mədəniyyəti və İrsi Fondu ilə Qazax-Türk Universiteti arasında Anlaşma Memorandumu imzalanıb
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.