Bunu açıqlamasında “Qanun” nəşriyyatının direktoru, naşir Şahbaz Xuduoğlu hərbçilərimizin vaxtlarının səmərəli keçməsi üçün mütaliə etməsi məsələsinə münasibət bildirərkən deyib. Ş.Xuduoğlu bildirib ki, dəfələrlə kitabla bağlı əsgərlərimizdən məktublar alırlar və hər dəfəsində də onlara hədiyyə kitablar göndəriblər:

“Biz bir müddət öncə əsgərlərimizə altı min kitab hədiyyə etdik. Bizdə əsgərlərimizin oxuması üçün çox maraqlı kitablar var və bununla bağlı Müdafiə Nazirliyinə də müraciət etmişik. Nəşriyyat olaraq dəfələrlə kitabla bağlı əsgər məktubu alırıq və birbaşa onlara kitab göndəririk. Elə olub ki, mənə məktub yazan əsgərlərlə hərbi xidmətdən sonra şəhərdə də rastlaşmışıq. Nəşriyyatımızda müharibəylə bağlı yaxşı əsərlər var. Məsələn, Çin yazıçısı Sun Tzunun “Hərb sənəti” adlı kitabı var və düşünürəm ki, bu hərbçilərin stolüstü kitabı olmalıdır. Əgər təşəbbüs olarsa, biz hərbçilərimizə yenə də kitabla bağlı əlimizdən gələn köməyi edə bilərik”.

/Moderator.az, Vasif Əlihüseyn/