Detektiv yazar, Azərbaycan Yazıçılar Birliyinin üzvü, Prezident təqaüdçüsü Simran Qədimin "Hesab vaxtı" romanı nəşr olunub.

Psixoloji detektiv janrında yazılan romanın redaktoru Seyfəddin Hüseynlidir. Kitab "Parlaq İmzalar" nəşriyyatında çap olunub.

Kitabın  annotasiyasında bunlar qeyd olunub:

 Və... Bir gün Nicat bütün Bakını dəhşətə gətirən cinayətdə - soyğun məqsədilə bir mənzilə girib, evdəkiləri qətlə yetirməkdə ittiham edilir. Bəs onu bu işdə günahlandıran adam kimdir, ondan nə istəyir? Nicatın kimisə, heç olmasa, ən yaxınlarını özünün günahsızlığına inandırması mümkündürmü? Bu çətin vəziyyətdən necə çıxmalı? Düşdüyü mürəkkəb situasiyada təklənən Nicat çıxış yolu axtarmağa başlayır. Nəyin bahasına olursa olsun...

 “Onun tamam başqa - normal insan zəkasına sığışmayan bir məqsədi varmış. Mən bunun nə olduğunu hələ də tam şəkildə anlamamışam. Təkcə onu bilirəm ki, əsas məsələ ağlasığmaz bir oyuna start vermək və məni bu oyunun faciəvi qəhrəmanına çevirmək idi. Taleyi öncədən bəlli olan faciəvi qəhrəmana...”

 Kitab hazırda aşağıdakı ünvanlarda satışda var:

 “Ali&Nino” mağazalar şəbəkəsi; “Azərkitab”; “Akademiya Kitab Mərkəzi”; 28 May m/s yaxınlığınakı “Kitabevim.az”, “Keçid”, “Zəka”, “Elm”, “Sənin Kitabın”, “Login”; Elmlər Akademiyası m/s yaxınlığındakı “AkademKitab”, “Elmlər”, “Kitab Al”, “Book Zone”, İnşaatçılar m/s yaxınlığındakı “Lider” və digər kitab evləri.

 Roman geniş oxucu kütləsi üçün nəzərdə tutulub.