Səlim Babullaoğlu “Arte” Beynəlxalq Ədəbiyyat Mükafatının təqdimetmə mərasimində iştirak edəcək.

Azərbaycan Yazıçılar Birliyinin sədri, Xalq Yazıçısı Anarın poçtuna Belqarddan, Krçedin Sənət İcmasının selektoru və baş redaktoru tanınmış serb yazarı və dramaturqu Miodraq Yakşiçdən məktub daxil olub. Məktubda deyilir: “ İcazə verin Sizi və Sizin şəxsinizdə Azərbaycanlı ədəbiyyatçıları azərbaycanlı şair Səlim Babullaoğlunun 2016-cı il üçün Serbiyanın “Arte” Beynəlxalq Ədəbiyyat Mülafatına layiq görülməsi münasibəti ilə təbrik edim.

Sizə bildiririk ki, “Arte” Beynəlxalq Ədəbiyyat Mülafatı uzun müddət ədəbi yaradıcılıqla məşğul olan, peşəkar nəşrlərdə əsərləri çap edilən, eyni zamanda yaradıcı təşkilatlar və şəxslər arasında əlaqələrin yaradılmasında xidmətləri olan ədiblərə, ədəbiyyat xadimlərinə verilir. Mükafat nizamnaməsinə əsasən laureatların serb dilində kitabları nəşr edilir və onlar Serbiyaya tədris-təbliğ səfərlərinə dəvət edilirlər...”

Məktubun davamında Səlim Babullaoğlunun mükafatın təqdimetmə mərasimində iştirak üçün iyul ayının 21-25 tarixləri arasında Serbiyaya dəvət olunması haqda məlumat da var. Bildirilir ki, ki, bu il dördüncü dəfə veriləcək mükafatı indiyə qədər Xorvatiya, Sloveniya və Rumıniyadan olan tanınmış şairlər, ədəbiyyatçılar alıblar. /Ədəbiyyat qəzeti/