İtaliyalı yazıçı və filosof Umberto Eko 85 yaşında vəfat edib. Bu barədə “La Repubblica” məlumat yayıb.

Umberto Eko semiotika sahəsində tədqiqatçı kimi məşhur idi, həmçinin tarixçi, eləcə də “Gülün adı”, “Fuko Mayatniki” və “Ərəfə adası” əsərlərinin müəllifi idi. O, həmçinin “Böyük xaç” və “Fəxri Legion” kavaleri adına layiq görülmüşdü.

Eko “açıq əsər” nəzəriyyəsinin müəllifi hesab edilir, bu nəzəriyyəyə görə, oxucu yazıçının həmmüəllifinə çevrilir. Eləcə də ədəbiyyat və fəlsəfədə posmodernizmin əsas nümayəndələrindən biridir. /oxu.az/