Gənclərin İnkişaf Mərkəzi İctimai Birliyi Azərbaycan Respublikasının Prezidenti yanında Qeyri Hökumət Təşkilatlarına Dövlət Dəstəyi Şurasının maliyyə dəstəyi ilə “Problemlərin həllində vətəndaş təşəbbüslərinin dəstəklənməsi” adlı layihənin icrasını başa çatdırmışdır.

Layihənin məqsədi yerli  əhəmiyyətli sosial problemlərin müəyyənləşdirilməsində  və onların  həll edilməsində  QHT-lərin,  ictimai birlik  və təşkilatların  rolunun  artırılması modelinin  hazırlanmasına və tətbiq edilməsinə nail olmaqla sosial problemlərin həllinə dəstək verməkdən ibarət olmuşdur. Layihənin icrası Goranboy, Şəmkir, Qəbələ, Oğuz və Şəki şəhərlərinin hər birindən seçilmiş  3 bələdiyyə və məhəllə komitələrini əhatə etmişdir.

Layihənin rəhbəri Zərifə xanım bildirir ki, təhlillərimiz  belə  nəticəyə  gəlməyə  əsas  verir  ki, respublikamızda  mövcud olan ictimai- siyasi  stabillik  və vətəndaş  cəmiyyətinin  inkişaf  etdirilməsinə yaranmış əlverişli şərait hesabına məhəllə-rayon səviyyəli ictimailəşmiş sosial problemləri QHT-lərin dəstəyi ilə yerli bələdiyyələrin və ictimaiyyətin köməyi ilə həll etmək mümkündür. Dünya təcrübəsidə təsdiq edir ki, əsasən o ölkələr tərəqqiyə nail olurlar ki, orada insan resurslarından səmərəli istifadə edilir.