YU NESBÖ - QAR ADAM

Həqiqətən, ilk qarın öz füsunkarlığı var. O, sevgililəri görüşdürür, səsləri batırır, kölgələri uzadır, izləri gizlədir. Harri Hole itkin düşmüş Birta Bekkeri axtara-axtara belə bir nəticəyə gəlir ki, ilk qar yağan günü Norveçdə neçə illərdir ərli qadınlar izsiz itirlər.
 İlk dəfədir Harri silsilə qətllər törədən qatillə öz vətənində üzləşir. Qəzetlərin “Qar adam” ləqəbi verdikləri cinayətkar, sanki baş inspektora bilərəkdən sataşır, onu dəli olmaq dərəcəsinə gətirib çıxarır...

Bakı, Qanun Nəşriyyatı, 2015, 652 səhifə.
Tərcümə: Müqəddəs Şahbazov

Mario Puzonun adını tanıtdırmağa ehtiyac yoxdur. O, məşhur “Xaç atası” romanının müəllifidir. “Sonuncu Don” romanında da həmin ailənin taleyindən bəhs olunur. Lakin burada hadisələr otuz il sonra baş verir.
Qoca Don öz nəvələrinin gələcəkdə qanuna hörmət göstərən dövlətli insanlar kimi yaşamasını təmin etmək istəyir. Ancaq otuz il əvvəl baş verən hadisələr qanlı bir əks-səda kimi qəfildən ortaya çıxaraq vəziyyəti fəlakətə doğru aparır. Bu fəlakətin qarşısını təkcə Don ala bilər. Ancaq nəyin bahasına – çox, yoxsa az qurban verməklə? Axı söhbət Ailədən gedir...

Bakı, Qanun Nəşriyyatı, 2015, 688  səhifə,
Tərcümə:         Sədaqət Əhmədova







ƏHMƏD ÜMİD - SİRLƏR QAPISI

İtkin atası ilə dünyaya gətirəcəyi uşaq arasında qalmış bir qadın... Həyatın mənasını axtaran bir insan: Karen Kimya... Qapıları sirlərə açılan bir şəhər... Sirlərin möcüzələrə çevrildiyi gecələr. Möcüzələrin həqiqət sayıldığı zamanlar... Yeddi yüz əlli il öncədən eşidilən pıçıltı... Eşqi yalnız eşqlə dadanların ətirşah nəfəsi... Ölümün yox edə bilmədiyi bir sevda... İllərə dayaqlanan bir sevgi: Şəms Təbrizi və Mövlana Cəlaləddin Rumi... Günümüzdən təxminən yeddi yüz əlli il əvvələ uzanan gərginlik dolu, həyəcan yüklü, mistik bir macəra...

Bakı, Qanun Nəşriyyatı, 2015, 456 səhifə,
Tərcümə: Əziz Rzazadə