"Qanun" nəşrlər evindən yeni kitablar çap edib. "Avanqard.net" həmin kitablar haqqında məlumatları təqdim edir.

Aqata Kristi - ÜÇ PƏRDƏLİ FACİƏ

Faciə yaşlı keşiş Mister Bebbinqton və həkim ser Bartolomyu Strencin eyni formalı qətlin araşdırılmasından bəhs edir. Detektiv-yazıçı qatilin özünü məharətlə cinayətin araşdırılmasına cəlb edir... Bəs qatil kimdir?!

Dünyanın məşhur yazıçısı, 80-dən çox roman və məcmuə, onlarla səhnə əsərlərinin müəllifi Aqata Kristi qələmə aldığı “Üç pərdəli faciə”də də öz detektiv yazıçı missiyasını davam etdirib.

Bakı, Qanun Nəşriyyatı, 2015, 248 səhifə. 1000 tiraj, Tərcümə: Hökumə Həbibova






Şeril Sendberq, Nell Skovel - FƏALLIQDAN QORXMA

Biznes dünyası qadınlara indiyədək bilinməyən müəyyən qaydalar diktə edir. Zəka və iradə keyfiyyətlərini daha çox nümayiş etdirmək lazım deyildir. Karyera pilləkənində öz ambisiyalarını və irəli getmək cəhdlərini göstərməyə dəyməz. Bundan başqa, qadınları öz şəxsi, daxili maneələri ləngidir. Qadınların nə üçün karyeralarını buraxmalarının, doğrudan da, yüzlərlə ciddi səbəbləri vardır. Onlar özlərinə inamlarının kifayət qədər olmamasına, özlərinə həddən artıq diqqət yetirmələrini istəmədiklərinə görə irəli gedə bilmirlər. Nəticədə bu gün dünyanın aparıcı şirkətlərinin rəhbərlərindən yalnız 4 faizi qadınlardır.

Facebook-un əməliyyat direktoru Şeril Sendberq biznes dünyasında ən nüfuzlu simalardan biri kimi özünün professional yolunda nə kimi əngəllərlə rastlaşdığından danışır. Bu kitab qadının karyerada və biznesdə özünü göstərmək hüququnu nümayiş etdirənlərin hamısı üçün ruhlandırıcı manifest və mənbədir. Kitaba görə, ailədə münasibətlər bərabər tərəfdaşlıq əsasında qurulmalıdır. Əsər ailə ilə karyera arasında düzgün balans tapılması və qadınların irəli getməsinə mane olan qorxulara qarşı necə mübarizə aparılması haqqında əməli məsləhətlərlə doludur.
 
Bakı, Qanun Nəşriyyatı, 2015, 304 səhifə. 1000 tiraj, Tərcümə: Həmid Vəliyev





YU NESBÖ - QİSAS İLAHƏSİ

Bank kassirini güllələyən adam CCTV-də (nəzarət videomüşahidə sistemi) qeydə alınıb. Harri istintaqa başlayır, lakin köhnə tanışı olan qızla axşam yeməyindən sonra, ən azı son 12 saatı xatırlaya bilməyəcək vəziyyətdə yuxudan oyanır. Sonra qız yatağında ölü ölü olaraq tapılır. Harri hədələyici e-maillər almağa başlayır: doğrudanmı kimsə onu qızın ölümü ilə hədələməyə çalışır?













YU NESBÖ - QIZILGƏRDƏN

Osloda sammit zamanı güllə ilə vurulan amerikalı xüsusi agentlə bağlı qalmaqalı ört-basdır etmək üçün polis müstəntiqi Harri Holeni Təhlükəsizlik Xidmətinə keçirirlər. Hole orada gizli silah ticarətçiləri ilə neonasistlər qrupu arasında əlaqəni üzə çıxartmalıdır. Harri olduqca şübhəli bir əlaqənin izinə düşür: Osloda kimsə çox böyük pul ödəyərək xaricdən qaçaqmalçılıq yolu ilə optik nişangahlı killer tüfəngi almışdır. Fövqəladə intuisiyaya və məntiqə sahib olan Harrinin həmkarı Ellen Yeltenin cinayətin izinə düşməsi ona həyatı bahasına başa gəlir, lakin inspektor Harri Hole təhqiqatı davam etdirir.










YU NESBÖ ŞEYTANIN ULDUZU

Gənc qadın Oslodakı mənzilində qətlə yetirildikdə və onun göz qapaqları altında beş guşəli ulduz şəklində qırmızı brilyiant aşkar edildikdə, Harri köhnə düşməni Tom Völerlə birlikdə istintaqı aparmağa təyin olundu. Osloda seriya qətillər törədən qrup müəyyən olunduqda, Harri özünü əyyaş etinasızlığından qurtarmağa məcbur oldu.
Sakit və mürgülü Norveçdə seriya qatil mövzusunda material tapmaq demək olar ki, mümkün olmadığı halda, Yu Nesbö həyəcan və təşviş doğuran bir roman yaratmışdır. Detektivin üç baş qəhrəmanının qarşıdurması əla qurulub: öz şəxsi və psixoloji problemlərini anlamağa çalışan yüksək intellektual müstəntiq; Norveç polisinin fəxri olan polis inspektoru və hər beş gündən bir gözəl qadını qətl edən və “niyə” sualına heç bir cavab verməyən manyak. Süjetin sonu gedişatından da gözlənilməz olur və daha ciddi sirrləri ortaya qoyur.