Salman Ruşdi Fransanın “L’Express” jurnalına yeni müsahibə verib. Müsahibədə başqa dillərdə çıxan Qərb mətbuatının da diqqətini cəlb edən fikirlər deyib.

Məsələn, onun dediyinə görə, əgər “Şeytan ayələri” kitabı bu gün - “Charlie Hebdo” terrorundan sonra çıxsaydı, ədəbi elita onu müdafiə etməzdi.

“Biz “Şeytan ayləri” kitabı ətrafında baş verənlərdən yanlış dərs çıxarmışıq”. İran lideri Ayatollah Khomeini 1989-cu ildə fitva çıxarandan sonra “biz söz və ifadə azadlığına edilən hücumlara qarşı mübarizə aparmaqdansa, kompromisə və barışığa gəlməli olduğumuzu düşünməklə səhv etmişik”.

Rüşdi bu konfliktin ədəbiyyat dünyasında “dərin parçalanmaya” yol açmasından danışıb, bir çox yazıçıları adlarını çəkməklə ittiham edib. /oxuzali.az/