Türkiyənin paytaxtı Ankarada Türkiyə türkcəsində Azərbaycan Ədəbiyyatında “Qarabağ hekayələri” adlı toplu işıq üzü görüb. 350 səhifəlik kitabı Türkiyənin “Yakınçağ” yayınları nəşriyyatı çap edib.

Kitabı çapa Türkiyənin tanınmış yazarı, Azərbaycan ədəbiyyatının dostu, Azərbaycan yazıçılarının əsərlərini Türkiyədə tərcümə edib yayan, tanıdan İmdat Axşar hazırlamışdır. Ön sözü Türkiyədə yaxşı tanınan, Azərbaycan Milli Məclisinin deputatı Qənizrə Paşayeva yazmışdır.

Topluda Azərbaycan yazıçılarından 21 nəfərinin əsərləri yer almışdır. Onlar aşağıdakılardı: Sabir Rüstəmxanlı, Elçin Əfəndiyev, Əjdər Ol, Elçin Hüseynbəyli, Qənirə Paşayeva, Aqil Abbas, İmdat Avşar, Günel Anarqızı, Mahir Qabiloğlu, Novruz Nəcəfoğlu, Əkbər Qoşalı, Aydın Tağıyev, Aslan Quliyev, Pərvin Nurəliyeva, Yaşar Əliyev, Eyvaz Zeynalov, Afaq Şıxlı, Məqsəd Nur, Narıngül Nadirqızı, Kamran Nəzirli, Akif Əli.