“Bizim yolumuz da birdir, hədəfimiz də...”

Bizim yolumuz da birdir, hədəfimiz də - “Ədəbiyyata xidmət”

Yenicə fəaliyyətə başlayan Manera.az saytının da uğuru bizim öz uğurumuzdur. Bu saytın yarandığı gündən bu işin içində oldum. Elə İlk gündən Maneranın bir gül olaraq torpağı necə yarıb çıxdığını və əməkdaşların ona necə qulluq edib bu ətirli hala gətirdiklərinin şahidi oldum.
Bu mehriban kollektivin ilk gündən uğur qazanmaq üçün fədakarcasına  çalışdıqlarının,  üzərilərinə düşən məsuliyyəti dərk edərək həyacan keçirdiklərinin, təqdimat gününə hazırlıq  və s. bütün bunalara şahid oldum.  Amma əminəm ki, Manera.az-ın uğurlarının şahidi və açılışına sevinəni tək mən olmayacağam.
Mən əminəm ki, Şəhlanın Aslan kimi mübarizəsi, Xanımın Aydın və düz yol şeçimində kollektivə verdiyi məsləhətlər Safuranın işləmək, Çinarənin bekar durmamaq, Afsanənin uşaq ədəbiyyatına olan sonsuz marağı, Emilin yenilik ehtirası, Turanın mədəniyyət sahəsinə vurğunluğu Manera adlı ocağı sönməyə qoymayacaq!
Dostlarıma uğurlar arzu edirəm!

P.S. 18 aprel 2015-ci il tarixdə "Fərdin Fərddən Fərqi - Fərdilikdir!" deyən ədəbiyyat və mədəniyyət saytı Manera.az-ın Bakı Slavyan Universitetində təqdimat mərasimi keçirildi.

Tədbirdə Universitetin rektoru professor Asif Hacıyev Manera.az-ın baş redaktoru BSU Yaradıcılıq Fakültəsinin tələbəsi Şəhla Aslana və rəhbərlik etdiyi manera.az-ın yaradıcı heyyətinə öz xeyir-duasını verdikdən sonra sayt açıq elan olundu.

Manaf Kərimov,
BSU, Yaradıcılıq Fakültəsinin dekan müavini