Ukraynanın "Vsesvit" jurnalının 90 illik yubileyi qeyd edilir.

Yubiley sayı bütünlüklə Azərbaycan ədəbiyyatına həsr olunub. 62 Azərbaycan müəllifinin əsərlərinin yer aldığı jurnala dövlət səviyyəsində təqdimat mərasimi hazırlanıb. Təqdimat mərasimi 15 yanvar taixində, saat 17:00-da Ukrayna Xarici İşlər Nazirliyinin dəstəyi ilə Diplomatik Akademiyada keçiriləcək. 500 nəfər dəvətlinin iştirak edəcəyi tədbirə Azərbaycan nümayəndə heyəti də qatılacaq. Bədii Tərcümə və Ədəbi Əlaqələr Mərkəzinin sədri Səlim Babullaoğlunun rəhbərlik etdiyi nümayəndə heyətində “Dünya ədəbiyyatı” jurnalının baş redaktoru Seyfəddin Hüseynli, Tanınmıış diktor, tərcüməçi, "Dünya ədəbiyyatı” jurnalının ictimai redaksiya şurasının üzvü Rafiq Həşimov, Azərbaycan Yazıçılar Birliyinin sədrinin müşaviri Rauf Aslanov var.

Qeyd edək ki, jurnalın üz qabığında dünya şöhrətli rəssamımız Səttar Bəhlulzadənin əsəri yer alıb. /ayb.az/