Avanqard.net Ziqmund Freydin bizi özümüzə tanıdan tezislərini təqdim edir.
 

Ziqmund Freyd XX əsrin psixologiya, təbabət, sosiologiya, antropologiya, ədəbiyyat və incəsənətinə təsir göstərmiş psixoanaliz elminin yaradıcısıdır. Alimin nəzəriyyəsinə maraq bu gün də böyükdür.

Zahirən qüsursuz insanın daxilində şeytanlar bir o qədər çox olur.
Bizim heç bir seçimimiz təsadüf deyil... Biz həmişə şüuraltımızda olanları seçirik.
Bədbəxtlik ucbatından susdurulmuş hisslər tələf olmur. Məcburən susur və insana təsir göstərməkdə davam eləyirlər.
İnsanı xoşbəxt eləmək dünyanı yaratmaq planlarına daxil deyildi...
Dünyaya tənha gəlir, elə tənha da gedirik.
Çoxlarını sevən qadınları tanıyır, bir nəfəri sevənin sevgisinə vaqif oluruq.
Gücü və inamı kənarda yox, özümüzdə axtarmalıyıq. Onlar həmişə elə orada olublar...
Əksəriyyət doğrudan da azadlığı istəmir, çünki azadlıq məsuliyyəti nəzərdə tutur; məsuliyyətsə adamların çoxuna dəhşətli görünür.
Məşğul adamların yanına avaralar çox nadir hallarda gəlirlər; qaynayan qazana milçəklər yaxın durmaz...
Əsrin ortalarında mənim özümü yandırardılar, indisə yalnız kitablarımı yandırırlar.
Bəzən siqar baş qatmaqdan başqa bir şey deyil.
Sevgi və iş – bəşəriyyətin məhək daşıdır.
Həsədin dağıdıcı gücü var.
Biz başqalarında güldüyümüz səhvlərdən heç də həmişə uzaq deyilik.
Xəstəliyi vecə almamaqdan qiymətli heç nə yoxdur.
Kütlələr heç vaxt həqiqət yanğısının nə olduğunu bilməyiblər. Onlar həmişə illüziya tələb eləyirlər; çünki illüziyasız yaşamaq onların işi deyil.
Həyatda insana heç nə xəstəlik və səfehlik qədər baha başa gəlmir.
Sivilizasiyanın yaradıcısı ilk dəfə daş atmaq əvəzinə söyüş söyən adamdır.
Səfehliyin ilk əlaməti utanc hissinin yoxluğudur.
Hər adamın başqalarından gizlətdiyi, hətta özünə belə etiraf eləməkdə aciz qaldığı arzusu olur.
Əli çatmadığına daha uca dəyər vermək və ona can atmaq xüsusiyyəti insana xasdır.
Özünüzü müqayisə eləməli olduğunuz adam keçmişdəki sizsiniz. Daha yaxşı olmalı adamsa indiki özünüzsüz.
İnsan heç vaxt heç nədən imtina eləmir, sadəcə zövqünü dəyişir.

"Aydın yol qəzeti"