Akademik Tofiq Hacıyevin “Dədə Qorqud Kitabı”: tariximizin ilk yazılı dərsliyi” kitabı işıq üzü görüb.


MEA Folklor İnstitutu tərəfindən tanınmış qorqudşünas, akademik Tofiq Hacıyevin “Dədə Qorqud Kitabı”: tariximizin ilk yazılı dərsliyi” kitabı çap olunub.
 
İnstitutdan verilən məlumata görə, “Elm və təhsil” nəşriyyatında işıq üzü görən kitabın redaktorları AMEA-nın müxbir üzvü, fil.ü.e.d. Muxtar Kazımoğlu (İmanov) və fil.ü.f.d. Nail Qurbanovdur.
 
Kitabda “Dədə Qorqud Kitabı”, “Bədii quruluşu haqqında müxtəsər söz”, “Dədə Qorqud Kitabı” oğuz tarixinin yazılı dərsliyi kimi”, “Bir daha Qorqudun kimliyi haqqında”, “Əski türk demokratiyası “Dədə Qorqud”un gözü ilə”, “Kitabda Oğuz ailəsi”, “Dədə Qorqud dünənimizin keçmişidir”, “Şumer mifləri və “Dədə Qorqud” Kitabı”, “Dədə Qorqud Kitabı” ədəbi-bədii hadisə kimi”, “Kitab”ın dilinin iki sintaktik xüsusiyyəti”, “Həmişəyaşar Dədə Qorqud ədəbiyyatı” və s. bölümlərdən, zəngin ədəbiyyat siyahısından ibarətdir.