Xalq yazıçısı Elçin Əfəndiyev Serbiyada mükafat alıb.

O,“Kariç qardaşları Fondu” İdarə Heyətinin qərarı ilə 2014-cü ildə “Ədəbiyyat sahəsində əldə edilmiş yüksək bədii-estetik nailiyyətlərə görə” nominasiyası üzrə “Beynəlxalq Kariç qardaşları” mükafatına layiq görülüb.

Mükafatın təqdimat mərasimi sentyabrın 30-da Serbiyanın paytaxtı Belqrad şəhərindəki Böyük Teatrda keçiriləcək. Qeyd edək ki, Elçinin əsərləri mütəmadi olaraq serb dilində çap edilir. Onun “Ölüm hökmü”, “Ağ dəvə”, “Mahmud və Məryəm” romanları oxucular tərəfindən rəğbətlə qarşılanıb. /kult.az/