Məqsəd Nurun "Şəhər meri" romanı Rusiyada dərc olunub.

Tanınmış yazıçı Məqsəd Nurun "Şəhər meri" romanının böyük bir fraqmenti (Udqunçu) "Nezavisimaya qazeta"nın (Rusiya) "EXLİBRİS" ədəbiyyat əlavəsində dərc olunub.
 
Azərbaycan Yazıçılar Birliyi Bədii Tərcümə və Ədəbi Əlaqələr Mərkəzinin sədri Səlim Babullaoğlu bildirib ki, əsər Roman Ağayevin tərcüməsində işıq üzü görüb (http://www.ng.ru/ng_exlibris/2014-07-03/5_major.html).
 
Onun sözlərinə görə, Məqsəd Nur yeni dövrdə ilk Azərbaycan yazıçısıdır ki, əsəri belə nüfuzlu nəşrdə dərc olunur: “Bizim gələcək fəaliyyətimizdə bu əsərin bir çox dillərə tərcüməsi və nəşrinə kömək etmək, bununla da Azərbaycan ədəbiyyatının populyarlaşdırılmasına xidmət etmək məqsədi durur. "Şəhər meri" ötən aylarda Gürcüstanın nüfuzlu ədəbiyyat nəşrlərində çap olunmuşdu və yüksək rəylər alıb. İnanıram ki, bu belə də davam edəcək. Ümumiyyətlə, təkcə Məqsəd Nur deyil, bir çox cavan və orta nəsli təmsil edən yazıçılarımız var ki, onların əsərləri dünya çapındadır. Həmin əsərləri və müəllifləri mütləq tanıtmaq lazımdır. Məsələn, Mübariz Cəfərli. Biz bütün bunlar haqqında düşünürük. İnanıram ki, bir çox işlər görəcəyik”. /APA/