İlk regional ədəbiyyat portal açıldı.

Azərbaycanın şimal bölgəsində ilk regional ədəbiyyat portal yaradılıb. Elyazma.org bölgədə yaranan ədəbi mətnlərin elektronlaşdırılmasına, çağdaş yazarlarla oxucu arasında təmas yaratmağa xidmət edir.

Əsasən Azərbaycanının şimal regionunda yaşayan qələm adamlarının şeir və nəsr nümunələrini təqdim edən “Əlyazma” elektron ədəbiyyat portalı ümumilikdə bütün yazarların xidmətindədir. Şairlər, yazarlar diyarı Xızıdan başlayıb tarixin mədəniyyət muzeyi olan Dəmirqapı Dərbəndədək yaşayıb yaradan ədəbiyyat adamlarının əsərlərini təqdim edəcək “Əlyazma” gələcəkdə regionun ümumi mədəniyyət mənzərəsini sərgiləməyi qarşısına məqsəd qoyur.