“Səməd Behrəngi” mükafatına əsər qəbulu davam edir.

Hörmətli yazarlar, nəzərinizə çatdırırıq ki, “Səməd Behrəngi” mükafatına əsər qəbulu yazar dostların xahişi əsasında may ayının sonuna qədər uzadılıb. Mükafatın təqdimat mərasiminin vaxtında da dəyişiklik ediləcəyi gözlənilir. Ola bilsin ki, mükafat qaliblərə Azərbaycan Yazıçılar Birliyinin qurultayı ərəfəsində təqdim olunsun.

Bir daha qeyd edirik ki, bu mükafat Azərbaycan Diaspor komitəsi və Azərbaycan Yazıçılar Birliyinin  birgə layihəsi olan “litdiaspora.az”ın təsis etdiyi mükafatdır. Bütöv Azərbaycan və bötövlük ideologiyasını özündə əks etdirəcək mövzuları işıqlandırmaq şərtiylə 5 nominassiyada qaliblər müəyyən ediləcək.

Ən yaxşı şeir, ən yaxşı hekayə, ən yaxşı publisistik məqalə, ən  yaxşı esse və ən yaxşı araşdırma nominassiyalarında ilk iki yeri tutan iştirakçılar mükafatlandırılacaq.