Azərbaycan Yazıçılar Birliyinə verilən 9 mənzildən 5-i satılıb.

Bu barədə məlumatı Azərbaycan Yazıçılar Birliyində ev bölgüsü ilə bağlı yaradılmış Komissiyanın sədri Rauf Aslanov deyib. Onun sözlərinə görə, Birliyə verilən 4 mənzil də yaxın vaxtlarda satılacaq: “Bu mənzillər də satılandan sonra yazıçıların bəziləri evlə təmin olunacaq”.

Qeyd edək ki, bu mənzillər AYB-ə “Abidə” MTK şirkəti tərəfindən verilib. Yazıçılara verilən 9 mənzilin hər biri 105 kvadrat metr olmaqla iki otaqdan ibarətdir. AYB isə bu mənzilləri 36 yazıçı arasında bölüşdürmək qərarına gəlib. Bu səbəbdən də mənzillər satışa çıxarılıb. /aznews.az/