Etibar Salmanlı - “Allahverən” və “arvad bişirən”
11.03.14

İki-üç gün əvvəl redaksiyadan çıxıb müsahibəyə getmişdim. Müsahibə çox maraqlı keçmişdi və mən evə qayıdırdım. Metrodan çıxıb avtobusa mindim. Axşam saatları olduğu üçün avtobusda adam çox az idi. Az deyəndə bir-iki boş oturacaq var idi və sürücünün düz arxasındakı oturacağın arxasında dayanıb, xalqımızı müşahidə etməyə başladım.

Avtobusda iki xalanın söhbəti diqqətimi cəlb etdi. Xalanın birinin əlində qırmızı lent ilə bağlanmış üç-dörd şokolad qutusu var idi və yanındakı ikinci xala ilə söhbət edirdilər.

­Ağəz, bu şokoladları təzə gəlinin üçün almısan?
Hə ye, oğlumun ikinci “arvad”ına almışam.
Bəs, birinci nə oldu?
Qız karyera üçün oğlumdan uşaq doğmaq istəmirdi, ayırdım. Kənddən qız almışam, bu yaxınlarda toylarıdır.
Allah xoşbəxt eləsin, yaxın zamanlarda sənin də qucağında nəvəni görək.
Amin!
Söhbəti ikinci xalanın avtobusdan enməsi kəsdi. Anidən ürəyimdən keçdi ki, gedib xalanın üzünə tüpürüm. Yaxşı ki, fikrimdən vaz keçdim.

Bir az arxada cavan bir qız öz oyuncaq ayısı ilə əyləşmişdi. Ayı o qədər iri idi ki, qızın yanındakı oturacağı da zəbt etmişdi.

Avtobusdakı digər qız-gəlinlər o qıza elə həsədlə baxırdılar ki. Hamı özünü o qızın yerində görmək istəyirdi.

O qız da özünü dünyanın ən xoşbəxt qızı kimi hiss edirdi. Hətta aradabir ayısının yanağını çimdikləyərək, digərlərinə özünü və ayısını göstərirdi.

Sanki demək istəyirdi ki: “Baxın mənim “ayım” mənə özüm boyda “ayı” alıb”.

Nə demək olar, bəzən insanlara yaşamaq üçün ayı da lazımdır.

Arxa sıralarda isə işdən gələn zəhmətkeş kişilər əyləşmişdi. Demək olar ki, hamısının da əlində irili-xırdalı hədiyyələr var idi.

Bir neçəsinin əlində özlərinə aldıqları hədiyyələr də vardı. Ağır iş günündən sonra evdə “Allahverən” ilə “arvad bişirəni” içmək üçün bir neçəsi araq da almışdı.

Xalqımıza sevinmək, bayram etmək üçün səbəb lazımdır. Sadə insanların bu xırda sevinclərini, artıq daha yaxşı anlayıram.

“Maraqlı hadisələr maraqlı insanların başına gəlir”– deyə hardansa oxumuşdum. Elə də oldu. Sürücü avtobusun radiosunu işə saldı. Sonradan bildiyim qədər “Burç FM”-ə qulaq asmağa başladıq.

Qonaq: Mən sizin radionun köməkliyilə bildirmək istəyirəm ki, ayağının altında ölum, qulun-kölən olum. Nə olar məni qəbul et. Mən sənsiz yaşamaq istəmirəm. Məni qəbul et. Yalvarıram sənə.

Aparıcı: Xanım, mən öz təcrübəmdən deyə bilərəm ki, mənim ən yaxınım da olsa, qanı qanımdan, canı canımdan da olsa, əgər məni qəbul etməsə, mən ona yalvarmaram. Siz kimə yalvarırsız?

Qonaq: Mən anama yalvarıram. Uşaq vaxtı məni internata atıb, böyüyəndən sonra isə mən onun yanına qayıtmaq istəməmişəm. Düzdür, mən də uşaqlarımı indi internata qoymuşam. Ancaq onları sevirəm.

Aparıcı: Siz niyə ananızın səhvini təkrarlamısız?

Qonaq: İşləmirdim, evim yox idi, ona görə. İndi özümü tuturam, yaxın illərdə uşaqlarımı yanıma gətirəcəm. Ana, bilirəm sən Burç Fm-ə qulaq asırsan, nə olar məni qəbul et. Hər namazda sənin yanında olmaq üçün dua edirəm.

Aparıcı: Xanım, yəqin ki, ananız sizi eşitdi. Çox sağ olun bizə zəng etdiyiniz üçün. Başqa bir istəyiniz varmı bizdən?

Qonaq: Bəli, zəhmət olmasa, Davut Güloğludan “Ay nurcanım” mahnısını səsləndirərsiz. Anam çox sevir o mahnını.

Aparıcı: Baş üstə çalışacayıq.

Bu dialoqdan sonra məni gic gülmək tutdu. Çünki aparıcı hardasa iki dəqiqə xalqa sevin, sevilin, mesajları verdi, ardınca isə “Bu akşam ölürüm” mahnısını səsləndirdi.

Siz indi bu yazını oxuyub yazdığıma inanmaya bilərsiniz. Ancaq səhv etmirəmsə Moem deyirdi: “Yazıçı oxucuya yazdığının həqiqət olduğunu inandırmaq məcburiyyətində deyil”.

Ancaq nə etmək olar ki, mən on dəqiqəlik avtobus səyahətimdə bu hadisələrlə rastlaşdım.

Avtobus evimin yanından keçən sürücüdən nəzakətlə dayanacaqda saxlamasını xahiş edib, gediş haqqını ödəyib, evimə doğru addımlamağa başladım.

Ps. “Azərsu” məhlədəki evlərə yeni sayğac qoyacaq deyə, bütün məhləni qazıb və hər yan palçıqdır. Mən yenə evin girişini palçıq edəcəyəm... /1937.az/

Yenililklər
05.12.23
Kənan Hacının hekayəsi - Cin qapını bağlayır
05.12.23
Elçin Hüseynbəylinin hekayəsi - Dərs
05.12.23
Yevgeni Rezniçenko - Çağdaş rus poeziyası
30.11.23
Anar Məcidzadə - Canına dərd düşsün, ayrılıq salan
29.11.23
Həmin işıqlı günlər - Cavid Zeynallının yeni hekayəsi
29.11.23
Musiqili Teatr dekabr repertuarını təqdim edib
29.11.23
Pyes müsabiqəsi qaliblərinə mükafatlar təqdim olunub
29.11.23
Beynəlxalq Türk Mədəniyyəti və İrsi Fonduna yeni prezident təyin olunub
28.11.23
Xuana İnes de la Krus - Günah keçisi kimi görürsünüz qadını
28.11.23
Mahir N. Qarayevdən iki şeir
23.11.23
Fəxri Uğurlu - Uzaqda təkbaşına dolaşan qəhrəmanlar
22.11.23
Kanadada “Yeddi gözəl” musiqi qrupunun konserti keçirilib
22.11.23
Fərid Hüseyn XIV İstanbul Beynəlxalq Ədəbiyyat və Şeir Festivalında iştirak edir
22.11.23
Bakıda Mədəniyyət və Yaradıcı Sənayelər Forumu keçiriləcək
22.11.23
Vaqif Sultanlının “İnsan dənizi” və “Ölüm yuxusu” romanları İngiltərədə yayımlanıb
22.11.23
Elnarə Qaragözova - Ali diqqət və rəğbətin dəyişməz ünvanı: Yusif Səmədoğlu
22.11.23
"Nobel mükafatına aparan yolun dərsləri: mif, reallıqlar, uğurlar və çağırışlar" beynəlxalq elmi konfrans keçirilib
22.11.23
Fərid Hüseynlə kürdəmirli oxucuların görüşü olub
06.11.23
"Mədəni diplomatiya vasitəsilə əlaqələr quraraq müxtəlif sivilizasiyaları bir araya gətirdik"
04.11.23
Astanada “Yıldız Sarayı Foto Kolleksiyasında XIX Əsr Türk Dünyasının Mədəni İrsi” adlı sərgi təşkil olunub
04.11.23
Beynəlxalq Türk Mədəniyyəti və İrsi Fondunun və Türk Akademiyasının rəhbərliyi Qazaxıstanın Xarici İşlər naziri ilə görüşüb
01.11.23
Beynəlxalq Türk Mədəniyyəti və İrsi Fondu Bern şəhərində qədim türk yazılarına həsr olunmuş sərgi açıb
31.10.23
Türkiyə Respublikasının 100 illiyi İsveçrənin Bern şəhərində qeyd olunub
27.10.23
“Netflix” “The Crown” serialının son sezonunun ilk treylerini yayımlayıb
27.10.23
Özbəkistanda Yusif Vəzir Çəmənzəminli adına Azərbaycan mədəniyyəti və ədəbiyyatı Mərkəzi açılıb
27.10.23
Bədirxan Əhmədli - Akademik Kamal Talıbzadənin portret cizgiləri üzərinə
27.10.23
Türkiyədə XX əsr Cənubi Azərbaycanda ədəbi prosesin önündə gedən şəxsiyyətlərdən bəhs edən kitab çap olunub
27.10.23
Beynəlxalq Türk Mədəniyyəti və İrsi Fondu Haaqada yubiley tədbirləri keçirib
26.10.23
Varşavada “Polşa və Türk Dünyası” mövzusunda konfrans keçirilib
25.10.23
Elman Cıvıroğlu - İbranice ve Ortak Türk Dili
25.10.23
İstanbulda görkəmli xanəndə Məşədi Məhəmməd Fərzəliyev haqqında kitabın təqdimatı olub
25.10.23
“Ulduz” jurnalının 650-ci yubiley nömrəsi işıq üzü görüb
25.10.23
Yazıçı-tərcüməçi Nəriman Əbdülrəhmanlı Qazaxıstanın “Dostluq” ordeni ilə təltif olunub
25.10.23
Osip Mandelştamın yaradıcılığına həsr olunmuş poeziya gecəsi keçirilib
25.10.23
Azərbaycanı Tədqiq və Tətəbbö Cəmiyyətinin yaradılmasının 100 illik yubileyinə həsr olunmuş tədbir keçirilib
20.10.23
Qars Kafkas Universitetində “Heydər Əliyev və Türkiyə” adlı multidisiplinar beynəlxalq elmi konfrans keçirilib
19.10.23
Elman Cıvıroğlu - Xudu Məmmədov və Ziya Gökalp
19.10.23
Akademik Kamal Talıbzadənin 100 illik yubileyinə həsr olunmuş elmi sessiya keçirilib
16.10.23
Beynəlxalq Türk Mədəniyyəti və İrsi Fondu ilə Qazax-Türk Universiteti arasında Anlaşma Memorandumu imzalanıb
05.10.23
Mədəniyyət Nazirliyinin dəstəyi ilə XVIII Bakı Beynəlxalq Caz Festivalı keçiriləcək
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.