Hörmətli cənab nazir!

Sizə məktub yazmaqda məqsədi-məlumum “Qanun” nəşrlər evi elə bağlıdır. Bəlkə də siz bu məktubu oxumayacaqsınız. Əcəba onda sual çıxa bilər ki, mən nədən zəhmətimi boş yerə sərf edirəm. Bəri başdan deyim ki, mən haqq və ədalətin yanında durmağa cəht edirəm. Bəzən buna nail oluram, bəzən də nail olmuram. Məktubatımı siz oxumasanız da, hər halda sizin nazirliyin əməkdaşlarından kimsə oxuyar.

Mən sizin işlərinizə qarışmaq və vergi yoxlamalarına münasibət bildirmək fikrindən də çox-çox uzağam.

 “Qanun” nəşrlər evinin 150 min manat dəyərində cərimə olunduğu hər kəsə məlumdur. Təbii ki, 150 min manat heç də az məbləğ deyil. Bu məbləğ nəinki müstəqil nəşriyyata, istənilən fəaliyyət sahəsinə ağır zərbə vura bilər.

Əgər nəşriyyat bu cəriməni ödəyərsə müflisləşərək, tamamilə fəaliyyətini dayandıra bilər. Mən inanıram ki, siz də nəşriyyatın fəaliyyətinin dayandırılmasının tərafdarı deyilsiniz.

Mən sizə yazar kimi müraciət edirəm.

Nəşriyyatın müflisləşməsindənsə, onun dövlət büdcəsinə vergi ödəmsi daha vacibdir. Bu da dövlətimizin, gələcəyimizin təminatçısıdır. Vergi ödəmək fəaliyyət sahəsi və ya gəlir sahəsi olan hər bir fiziki və hüqui şəxs üçün vətəndaşlıq borcudur.

İnanıram ki, Vergilər nazirliyi nəşriyatın müflis olub bağlanmağındansa, onun fəaliyyətini davam etdirib vergi ödəməsinə şərait yaradacaq.