Rövşən Yerfi - Metroda erotika
10.03.14

Hekayə


BASABAS
(və ya metroda erotika)


           Adi iş günlərindən biri idi. Günortaya yaxın rəisin qəfil zəngi, telefonun dəstəyindən gələn acıqlı səsi baş mühəndisin qanını qaraltdı:
         -Haradasan, işdə, ya istırahətdə?
         -Cənab rəis, əlbəttə, işdəyəm. Nə qulluğunuz?
         -Qulluğun özünə qalsın, “dünyadan” xəbərin var? Yerbəyerdən mənə siqnallar gəlir ki, metroda aləm qarışıb bir-birinə, basabasdı. Stansiyalarda adam əlindən tərpənmək olmur. Xeyir ola, səbəb nədir ki, basırııq yaranıb? Heç maraqlanmısanmı? Təcili öyrən, mənə məruzə elə...
       Dəstəyi hirslə yerinə qoyan rəisin üstünə qışqırmasından baş mühəndisin boğazı qurumuşdu: olmaya haradasa qəza baş verib?!
       Baş mühəndis başılovlu növbə ilə stansiyaların hamısıyla əlaqə saxlayaraq, texniki vəziyyə-  tin durumu ilə maraqlandı. Ciddi-cəhdlə, nə baş verdiyini öyrənməyə çalışdı. Stansiyaların hər birində qatarların saz halda fırlanmasını, heç bir qəza şəraitinin olmamasını eşidib çox sevindı. Həm də, eyni zamanda, təəccübləndi. Əgər hər şey qaydasındadırsa, bəs niyə basabas olsun? Stansiyalarda nəyə görə adam əlindən tərpənmək mümkün olmasın? Görəsən, bu basabas nə ilə əlaqədardır?
       Baş mühəndisi fikir götürmüşdü. Gözü telefonda qalmışdı ki, yenə rəis zəng vurub bər -bəzəkli sözlərlə onu qınayacaq. Sonra da əsəbiləşib öz təbirincə desək, ”burcutmadan” ərizəsini yazmağı məsləhət görəcəkdi. Hara zəng vursa da, nə qədər çalışsa da işçılərdən heç birisi basabasın yaranmasının səbəbini aydın izah edə bilmədi.
       Yox, belə qala bilməzdi, mütləq bir səbəb tapmaq lazım idi. Elə bir səbəb ki, texniki vəziyyətə aid olmasın, günah ondan kənar olsun. Ağlına cürbəcür fikirlər gəldi. Bəlkə basabas hava şəraitinə görədir? Ola bilsin çöldə hava pisdir, ona görə də camaat metroya təpilib? Telefonla öyrəndi, dedilər xeyr, hava nə soyuq, nə də qızmar deyil və hava bürosunun məlumatına əsasən yaxın gələcəkdə havanın dəyişməsi də gözlənilmir. Bəlkə avtobuslar işləmir? Sürücülər gediş haqqını qaldırmaq üçün planı bəhanə edib tətil edirlər? Yenə telefona əl atdı, yerüstü nəqliyyatın durumunu öyrəndi. Bu ehtimal da özünü doğrultmadı. Bəs onda nə baş verib? Olmaya müxalifət - mərkəzdə, yerin üstündə mitinq keçirməyə icra hakimiyyətindən icazə ala bilmədiyindən, istəyinə çatmaq üçün yerin altında öz aksiyalarını keçirməyə qərar verib? Belə olan halda bəs, polis hara baxır? İstədi tez polis şöbəsinə xəbər etsin. Amma, bu da ağlabatan deyildi. Çünki, basabas bir yerdə yox, stansiyaların əksəriyyətində idi. Hardaydı bizim müxalifətdə elə güc, eyni anda xeyli insanı müxtəlif yerlərdə toplaya bilsin. Daha onlara inam qalmamışdı...
      Ehtimallar azaldıqca, baş mühəndisin də səbri tükənirdi. Kabinet ona dar gəlir, havası çatışmırdı. Könlündən otaqdan çölə çıxmaq keçdi, ağlına maraqlı fikir gəldi: özü də metroya gedib basabasa qarışsın. Həmışə olduğu kimi onu bu çətinlikdən yalnız o sevimli, qadasın aldığı xalq qurtara bilərdi.
      Həqiqətən metroda adam əlindən tərpənmək olmurdu. Qatarlar normal işləyirdi, işçilərin ha- mısı öz yerində idi. Hər şey qaydasında olsa da, adamlar nədənsə,metrodan çıxmağa heç tələsmirdilər. Narazılıq edən də yox idi. Xalq qəribə tərzdə səsini içinə qısıb dayanmışdı. Birdən baş mühəndis başını qaldırıb adamların nəfəs çəkmədən heyranlıqla gözlərini dikdikləri reklam üçün tavandan asılmış telemonitorlara tərəf baxdı. Heyrətindən yerindəcə dondu, ağzı açıla qaldı... Ekrandakı gənc sarışın xanımın gözəl, dar donunun kəsik yerlərindən görünən ağappaq bədəni, dayanma pozası, tamamilə açıq, qabaran gen sinəsindəki qırmızı gilələr, dalısıyca növbə ilə digər əzalarının da nümayişi baxdıqca adamın ağlını başından alırdı. Gördükləri nə qədər cəlbedici olsa belə, vəzifə borcunu xatırlayıb gözünü monitordan çəkdi. Qəzəbindənmi, yoxsa həyasındanmı sifəti pörtüb qızardı. Hirsini yaxınlıqdakı işçilərin üstünə tökdü:
        -Korsuz, nə olub mal kimi başınızı aşağı sallayıb durmusunuz? Bir başınızı qaldırıb “dünya- ya”  baxın da, ay bədbəxtlər...Yoxsa, sizə də ləzzət verir, eləmi?..
      Sən demə monitorların dispetçeri xəbəri olmadan video diski səhv salıbmış. Qadasın aldığım xalq isə nə vaxtdı ki, bütün stansiyalardakı basırıqda olan-qalan dərdlərini, kredit-nisyə borclarını unudaraq nəfəsini dərib, gözünü qırpmadan reklam əvəzinə erotikaya tamaşa edirmiş!..
 Həmin hadisədən sonra rəhbərlik gələcəkdə metroda baş verə biləcək bu sayaq basabasların miqyasını  azaltmaq üçün perronlarda asılmış reklam monitorlarının sökülüb, əvəzinə onların kiçik ölçülüsünü, daim hərəkətdə olan vaqonlarda quraşdırılmasına göstəriş verdi.
O gündən metronun az qala hər qarışında o qədər reklam yerləşdirildi ki, insanların diqqəti yoruldu. Nə göstərilməyindən asılı olmayaraq daha kimsə, başını qaldırıb heç bir monitora baxmırdı...
 

Yenililklər
05.12.23
Kənan Hacının hekayəsi - Cin qapını bağlayır
05.12.23
Elçin Hüseynbəylinin hekayəsi - Dərs
05.12.23
Yevgeni Rezniçenko - Çağdaş rus poeziyası
30.11.23
Anar Məcidzadə - Canına dərd düşsün, ayrılıq salan
29.11.23
Həmin işıqlı günlər - Cavid Zeynallının yeni hekayəsi
29.11.23
Musiqili Teatr dekabr repertuarını təqdim edib
29.11.23
Pyes müsabiqəsi qaliblərinə mükafatlar təqdim olunub
29.11.23
Beynəlxalq Türk Mədəniyyəti və İrsi Fonduna yeni prezident təyin olunub
28.11.23
Xuana İnes de la Krus - Günah keçisi kimi görürsünüz qadını
28.11.23
Mahir N. Qarayevdən iki şeir
23.11.23
Fəxri Uğurlu - Uzaqda təkbaşına dolaşan qəhrəmanlar
22.11.23
Kanadada “Yeddi gözəl” musiqi qrupunun konserti keçirilib
22.11.23
Fərid Hüseyn XIV İstanbul Beynəlxalq Ədəbiyyat və Şeir Festivalında iştirak edir
22.11.23
Bakıda Mədəniyyət və Yaradıcı Sənayelər Forumu keçiriləcək
22.11.23
Vaqif Sultanlının “İnsan dənizi” və “Ölüm yuxusu” romanları İngiltərədə yayımlanıb
22.11.23
Elnarə Qaragözova - Ali diqqət və rəğbətin dəyişməz ünvanı: Yusif Səmədoğlu
22.11.23
"Nobel mükafatına aparan yolun dərsləri: mif, reallıqlar, uğurlar və çağırışlar" beynəlxalq elmi konfrans keçirilib
22.11.23
Fərid Hüseynlə kürdəmirli oxucuların görüşü olub
06.11.23
"Mədəni diplomatiya vasitəsilə əlaqələr quraraq müxtəlif sivilizasiyaları bir araya gətirdik"
04.11.23
Astanada “Yıldız Sarayı Foto Kolleksiyasında XIX Əsr Türk Dünyasının Mədəni İrsi” adlı sərgi təşkil olunub
04.11.23
Beynəlxalq Türk Mədəniyyəti və İrsi Fondunun və Türk Akademiyasının rəhbərliyi Qazaxıstanın Xarici İşlər naziri ilə görüşüb
01.11.23
Beynəlxalq Türk Mədəniyyəti və İrsi Fondu Bern şəhərində qədim türk yazılarına həsr olunmuş sərgi açıb
31.10.23
Türkiyə Respublikasının 100 illiyi İsveçrənin Bern şəhərində qeyd olunub
27.10.23
“Netflix” “The Crown” serialının son sezonunun ilk treylerini yayımlayıb
27.10.23
Özbəkistanda Yusif Vəzir Çəmənzəminli adına Azərbaycan mədəniyyəti və ədəbiyyatı Mərkəzi açılıb
27.10.23
Bədirxan Əhmədli - Akademik Kamal Talıbzadənin portret cizgiləri üzərinə
27.10.23
Türkiyədə XX əsr Cənubi Azərbaycanda ədəbi prosesin önündə gedən şəxsiyyətlərdən bəhs edən kitab çap olunub
27.10.23
Beynəlxalq Türk Mədəniyyəti və İrsi Fondu Haaqada yubiley tədbirləri keçirib
26.10.23
Varşavada “Polşa və Türk Dünyası” mövzusunda konfrans keçirilib
25.10.23
Elman Cıvıroğlu - İbranice ve Ortak Türk Dili
25.10.23
İstanbulda görkəmli xanəndə Məşədi Məhəmməd Fərzəliyev haqqında kitabın təqdimatı olub
25.10.23
“Ulduz” jurnalının 650-ci yubiley nömrəsi işıq üzü görüb
25.10.23
Yazıçı-tərcüməçi Nəriman Əbdülrəhmanlı Qazaxıstanın “Dostluq” ordeni ilə təltif olunub
25.10.23
Osip Mandelştamın yaradıcılığına həsr olunmuş poeziya gecəsi keçirilib
25.10.23
Azərbaycanı Tədqiq və Tətəbbö Cəmiyyətinin yaradılmasının 100 illik yubileyinə həsr olunmuş tədbir keçirilib
20.10.23
Qars Kafkas Universitetində “Heydər Əliyev və Türkiyə” adlı multidisiplinar beynəlxalq elmi konfrans keçirilib
19.10.23
Elman Cıvıroğlu - Xudu Məmmədov və Ziya Gökalp
19.10.23
Akademik Kamal Talıbzadənin 100 illik yubileyinə həsr olunmuş elmi sessiya keçirilib
16.10.23
Beynəlxalq Türk Mədəniyyəti və İrsi Fondu ilə Qazax-Türk Universiteti arasında Anlaşma Memorandumu imzalanıb
05.10.23
Mədəniyyət Nazirliyinin dəstəyi ilə XVIII Bakı Beynəlxalq Caz Festivalı keçiriləcək
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.