Cəlil Cavanşir - Kitabsız olmayaq!
07.03.14

Ötən ilin noyabr ayının birində Vergilər Nazirliyinin 20 nəfər əməkdaşından ibarət qrup və özlərinin seçib gətirdiyi öyrədilmiş “şahidlər”  “Qanun” nəşriyyatının ofisinə gələrək nəşriyyatın kompüterlərini, mühasibatlıqda olan bütün sənədləri zorla götürüb apardı. Bütün bu hadisələr gözlərimin önündə baş verib.

Hadisənin şahidi kimi, İqtisad məhkəməsində ifadə vermişəm. Və ilk şoku elə məhkəmə prosesində yaşamışam.

Vergilər Nazirliyinin əvvəlcədən hazırlanmış “gənc şahidləri” məhkəməyə verdiyi ifadədə gözlərimlə gördüyüm həqiqətləri elə təhrif edirdi ki, dilim-dodağım tutuldu. Prosesin gedişindən anlaşılırdı ki, Vergilər Nazirliyinin məqsədi “Qanun” Nəşriyyatının işinə mane olmağı qarşısına məqsəd qoyub. Proses zamanı çəkilmiş və həqiqəti əks etdirən videolar da məhkəmənin qərarına təsir etmədi. Deyəsən, qərar proses başlamamışdan şifahi olaraq verilmişdi.

Hadisələr isə getdikcə dramatikləşməyə başladı. “Qanun” Nəşriyyatının hüququ müstəvidə apardığı mübarizə effekt vermədi. Zorla götürlümüş sənədlər və sənəd hesab edilməyən qaralama halındakı  qeydlər əsasında Vergilər Nazirliyi yanında Vergi Auditi Departamenti yoxlama apararaq nəşriyyata 150 min manat məbləğində cərimə müəyyən edən qərar çıxardı.

İllərdir Azərbaycan ədəbiyyatına töhfə verən bir nəşriyyat, sadə səbəblərlə, qaralama qeydlər əsasında yüksək məbləğdə cərimələndi. 50-dən çox əməkdaşa, onlarla korrektora, redaktora, tərcüməçiyə zəhmət haqqı verməli olan nəşriyyatın “əli qolu bağlandı”.

Soyuqda, qarda, yağışda, yandırıb-yaxan istidə küçələrdə kitab satan “Qanun” əməkdaşları böyük bir ümidsizliyə yuvarlandı.  “Qanun” Nəşriyyatının direktoru

Şahbaz Xuduoğlunun da dediyi kimi, “150 min manatlıq cərimə, nəşriyyat üçün ölüm hökmüdür”.

“Qanun” Nəşriyyatı bu qərardan şikayət etsə də, buna məhəl qoyulmadan dərhal cinayət işi başlanıb, nəşriyyatın bütün işçiləri, nəşriyyatla əməkdaşlıq edən yazıçılar, tərcüməçilər, redaktorlar, korrektorlar, ümumilikdə yüzə qədər yaradıcı və texniki heyət cinayət təqibinə məruz qalıb.

Dünən Azadlıq Radiosunun “Pen Klub” proqramında Şahbaz Xuduolunu, Aysel Əlizadəni dinləyəndə ikinci dəfə şok yaşadım. Həm də utandım. Yazıçısı ilə, ziyalısı ilə kobud davranan, davranışına nəzarət edə bilməyən yetkililərin yerinə xəcalət çəkdim.

Düşünürəm ki, bütün bu təzyiqlər və təqiblər “Qanun” nəşriyyatına yox, nəşriyyatın çap etdiyi kitablara, təbliğ etdiyi yazıçılara yönəlib. Bəli, Vergilər Nazirliyi Nobel mükafatçılarını, dünya klassiklərini, azərbaycan klassiklərini, gənc yazarları, gənc tərcüməçiləri  təqib edir.

Bu təzyiq və təqib kitaba, oxucuya və ədəbiyyata qarşıdır.

“Qanun”a qarşı bütün qanunsuzluqlara son qoyulmalı, ədalətli qərar çıxarılmalıdır. İllərdir ki, insanlar gözlərinin nurunu, istedadını, savadını bu işi inkişaf etdirmək, xalqı kitabla doğmalaşdırmaq, insanlara kitabı sevdirmək üçün xərcləyir. Bu qədər əziyyət hədər gedə bilməz.

Bütün qələm adamlarına, ziyalılara, oxuculara səslənirəm! “Kitabınızın bağlanmasına” imkan verməyin!

“Qanun” çökdürülməyi, yüzlərlə ziyalının işsiz qalması deyil, minlərlə oxucunun kitabsız qalmasıdır.

Kitabsız olmayın!

Yenililklər
12.07.24
Yelisaveta Baqryana - Ah, belə gecələr əzabdır dostum!
11.07.24
Azad Qaradərəlinin əsərlərinin beşinci cildi cap olunub
08.07.24
“Narqız” qısametrajlı animasiya filminin istehsalı davam edir
05.07.24
"Dünya ədəbiyyatı" jurnalının Çeçenistan sayı işıq üzü görüb
03.07.24
“Ulduz” jurnalı oxucuların görüşünə yeni təqdimatda gəlib
02.07.24
Frans Kafka - Hökm
25.06.24
Mədəniyyət Nazirliyi senzura ittihamlarına aydınlıq gətirib
25.06.24
Azərbaycan Kinematoqrafçılar İttifaqı Şirvanda kino günlərinə başlayır
22.06.24
Şahid ifadəsi - Zərdüşt Əlizadə yazır...
13.06.24
“Divanü lüğat-it-türk”ün II və III cildləri nəşr olunub
13.06.24
“Ulduz” jurnalının may nömrəsi çap olunub
13.06.24
Azərbaycanda aparıcı teatrların siyahısı təsdiqlənib, işçilərin maaşları artırılıb
05.06.24
Özbəkistanlı şairlərin şeirləri Azərbaycan dilinə tərcümə edilərək nəşr olunub
05.06.24

Qulu Ağsəs haqqında yeni kitab çap edilib

24.05.24
Kino şirkətlərinə yeni imkan: post-prodakşna dəstək
22.05.24
Kənan Hacı - Salman Mümtaz Leninə nə deyəcəkmiş?
22.05.24
2024-cü ilin Ədəbiyyat üzrə Beynəlxalq Buker Mükafatının qalibi məlum olub
21.05.24
Professor Edmund Herziq: Nizami Gəncəvinin əlyazmalarının vahid kataloqu üç dildə nəşr ediləcək
21.05.24
Azərbaycanda iki teatrın adı dəyişdirilir və işçilərinin maaşı artırılır
20.05.24
“Linqvistik nəzəriyyənin əsasları” kitabı nəşr olunub
20.05.24
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
20.05.24
Fransada azərbaycanlı rəssamın fərdi sərgisi keçirilib
15.05.24
Ülvi Babasoyun “Ədəbiyyatda postmodernizm: oyun estetikası” kitabı təqdim olunub
09.05.24
Həcər Atakişiyeva - Məhəmməd Füzulinin poeziyasının dili və üslubi xüsusiyyətləri
06.05.24
Həmid Herisçi: Öz adıma ədəbiyyat müharibəmi bitirdim
06.05.24
Kino Agentliyi “Qızılalma” Festivalında mükafata layiq görüldü
06.05.24
Kino ictimaiyyəti narahatdır: 38 nömrəli qərar ləğv olunacaqmı?
04.05.24
Cahid Camal “Xalq Əmanəti” layihəsinin 24-cü nəşrində
03.05.24
Gülnar Səma - Ramil Mərzilinin “Qadağan olunmuş şeirlər”i
03.05.24
Asif Rüstəmlinin “Cümhuriyyət məfkürəsi” kitabı çap olunub
03.05.24
Azad Qaradərəli - Şəhid toyu
02.05.24
ARKA-nın Apellyasiya Komissiyası müraciətlərlə bağlı qərar verdi
02.05.24
“Əlyazma abidələri: ənənə və müasirlik” kitabı çapdan çıxıb
02.05.24
Məşhur yazıçı Pol Oster vəfat edib
02.05.24
Azərbaycanlı alimin beynəlxalq konqresdə məruzəsi dinlənilib
02.05.24
Türkiyənin bütün bölgələrində Azərbaycan Mədəniyyət Günləri keçiriləcək.

01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.