Bahadur Qobustan - Gorbagordan ötrü darıxdı
29.01.14

Kəndin mədəniyyət xəbərləri


1) Gorbagordan ötrü darıxdı


Cümşüdallandı kəndində vəziyyət elə də küləkli deyil. Dünən axşam radələrində Əsəd kişi 101 yaşında dünyasını barter edib.

Yasda şok yaşanıb. Belə ki, mərhumun 65 yaşlı zövcəsi Gülsənəm arvad məclisə gələnləri təzəcə qələmə aldığı bir bənd mərsiyəsi ilə təəcübləndirib:

Aslanım çıxdı getdi,
Qəlbimi sıxdı getdi,
Ordakı gorbagordan-
Ötrü, darıxdı getdi.

Bu mərsiyədən sonra mərhumun birinci arvadından olan üç "qız uşağı" 65 yaşlı Gülsənəmin saçlarını gülünc hala salıblar. Qızlar Gülsənəm arvadı kanalların birində yayımlanan deyişmə yarışmasına dəvət etsə də, Gülsənəm arvad "Mənim o yaşım deyil ki, oğlum yaşlı Mehman Əhmədli mənə baxıb başını o tərəfə, bu tərəfə yelləsin, qafiyə söhbəti eləsin" deyib. Sitatın sonu.

Kəndin mətbuat mərkəzinin bulaqda verdiyi məlumata görə 3 gün aramsız atışmadan sonra vəziyyət nisbətən düzəlib. Atəşkəs elan edilib. Kənd ağsaqqalları bu ədalətsizliyə hələ də dözür.

Qeyd edək ki, Gülsənəm arvad bu dördlüyü bədahətən dediyini bildirsə də, kəndin adlı-sanlı ədəbiyyat müəllimi Qəndalı bunun qeyri-mümkün olduğunu, belə bir dərin məna kəsb edən əsərin saatların məhsulu olduğunu bildirib.

2) Şar yağışları və ya Dablyu

Nəsimi tapıntısı Falabaxan kəndində aramsız yağan şar yağışları bələdiyyə büdcəsinə xeylaq ziyan vurub. Belə ki, yeni il qabağı bələdiyyə sədri işçilərdən birinə 10 manat pul verərək, şar alıb tədbir keçiriləcək binaya asmağı tapşırıb.

İşçi şarları alıb doldurduqdan sonra, otağa atıb ki, hamsı qurtarandan sonra assın. Ancaq qəfil əsən güclü külək otağın qapısını və pəncərələrini taybatay açıb. Şarlar kəndlə bir olub.

Hal-hazırda dəyən ziyanın məbləği hesablanır. Təxminən, 1000 manata qədər bələdiyyə büdcəsindən silinəcəyi gözlənir. Məlum məbləğin şarların traktorla kəndin küçələrindən yığılıb gətirilməsinə, bu işdən əsəbləşən bələdiyyə sədrinin psixoloji müalicəsinə, partlamış şarların yenidən alınmasına, "və ilaxıra, və sairə" sərf olunacağı nəzərdə tutulub.

Bu hadisədən dərhal sonra bələdiyyə işçisi işdən qovulub. Əsl adı sənət aləminə məlum olmayan Dabulyu Nəsimi ləqəbli istedadlı işçi bu hadisədən təsirlənərək, şair olmağı qərara alıb. İlk qəzəlində də şar əhvalatından ürək ağrısı ilə söhbət açıb.

Əfğanım dağlar yıxar, məhv eylər ah-zarlar məni
Sədirdə yoxdur günah, işdən qovdu şarlar məni...

3) İkport geriliyin əlamətidir

Günçıxan kəndinin tam orta məktəbində, tamamilə, qeyri-adi hadisə baş verib. 8-ci sinif şagirdi Dünyamalı gözlənilmədən dərs zamanı telefonunu çıxardaraq qeyri-etik videoya baxmağa başlayıb.

Əmək müəllimi bunu gördükdən sonra telefonu şagirddən alıb, müəllimlər otağına aparıb. Bir qədər sonra direktorla birgə sinif otağına qayıdıb. Direktor Dünyamalını xeyli tənbeh etdikdən sonra onun telefonunda blutuzun olmamasından gileylənərək: "İndi heç kim ikportlu telefon işlətmir, abır-həyan olsun, bir də belə şeylərə baxma" – deyib.

Direktorun öz nitqində blutuz məsələsini qabartmasını əmək müəllimi "O sizə müasir texnologiyadan geri qalmayın deyə belə deyir" – deyə izah edib.

Şagirdlərə belə etik şeylərə baxmağı qadağan edən direktor, eyni zamanda, ədəbiyyat müəllimindən Aşıq Ələsgərin "tulundan xəbərin varmı" şeirini tədris etməməsini də xahiş edib.

4) Xərçəngin müalicəsi tapılıb


Müalicəsi tibb elminə məlum olmayan xərçəng xəstəliyinin müalicəsi tapıldığı iddia edilir. Belə bir iddiayla Şorsatan kəndinin 42 yaşlı sakini Tükəzban xala kəndin ən çox yığışılan bulaqlarının birində çıxış edib.

O, bu xəstəliyin heç bir maddi üsulla sağalmayacağını, bunu ancaq və ancaq şeir ilə sağaldacağını bildirib.

Postmodern üslubda yazan Tükəzban xala: "Mənim şeirlərimə qulaq asandan sonra bədənin bütün hormonları küsür, tərsinə işləməyə başlayır. Eyni zamanda irəliləməkdə olan xəstəlik geriyə gedir. Proses xəstəliyin tam sağalmasına qədər davam etdirilir. Xəstəlik bədəni tərk etdikdən sonra Nizamidən, Müşfiqdən, Füzulidən, Sabirdən, Krılovdan şeirlər oxuyub bədənin anormal inkişafını geri qaytarıram" – deyə vurğulayıb.

5) Malakanlar:

"Azərbaycanlı olduğumuz üçün fəxr edirik". Diskoteka kəndində yaşayan malakanlar və slavyanlar azərbaycanlı olduqları üçün mutlu olduqlarını dilə gətiriblər. Onların belə şad-xürrəm olması səbəbsiz deyil. Belə ki, bu il yeni kolxoz sədri seçilib ki, o da insanların iş vaxtını 8 saatdan 6 saata endirib. Artıq bu kəndin əhalisi günün dörddə üçünü istirahət edə biləcək.

İnsanlar işdən qazandıqları iki saatı dərnəklərə və digər əyləncəli oyunlara sərf edirlər.

Belə bir boşluqdan istifadə edən kəndin nadir türksoylularından olan Əlsəftər kişi “Meyxana” adlı çayxana açıb. Maştağa kəndindən 4-5 say seçmə söz ustalarını da dəvət edib ki "aylıq hərənizə maaş verəcəyəm, siz deyin". Ekspertlər bu çayxanaya müştərilərin gəlməyəcəyini bildirsələr də, artıq çayxanada adam əlindən yer tapılmır. Bakıdakı belə çayxanalardan fərqli olaraq, bu meyxana məktəbinə qadınların da gəlməsi diqqət çəkir. Meyxana çayxanasında müştərilərin bol olmasının əsas səbəbi sözə olan maraq olsa da, burada içkilərin qiyməti çox münasibdir.

Bu kimi elanlar da adamın diqqətini çəkməyə bilmir:

Pivə-50 qəpik
Araq-1 manat 80 qəpik
Çaxır-1 manat 60 qəpik
Çay 6 manat snikerslə bir yerdə verilir.

Bu günə bu qədər. Sizinlə mən idim Bahadur Qobustan. Növbə də isə...
/1937.az/

Yenililklər
22.06.24
Şahid ifadəsi - Zərdüşt Əlizadə yazır...
13.06.24
“Divanü lüğat-it-türk”ün II və III cildləri nəşr olunub
13.06.24
“Ulduz” jurnalının may nömrəsi çap olunub
13.06.24
Azərbaycanda aparıcı teatrların siyahısı təsdiqlənib, işçilərin maaşları artırılıb
05.06.24
Özbəkistanlı şairlərin şeirləri Azərbaycan dilinə tərcümə edilərək nəşr olunub
05.06.24

Qulu Ağsəs haqqında yeni kitab çap edilib

24.05.24
Kino şirkətlərinə yeni imkan: post-prodakşna dəstək
22.05.24
Kənan Hacı - Salman Mümtaz Leninə nə deyəcəkmiş?
22.05.24
2024-cü ilin Ədəbiyyat üzrə Beynəlxalq Buker Mükafatının qalibi məlum olub
21.05.24
Professor Edmund Herziq: Nizami Gəncəvinin əlyazmalarının vahid kataloqu üç dildə nəşr ediləcək
21.05.24
Azərbaycanda iki teatrın adı dəyişdirilir və işçilərinin maaşı artırılır
20.05.24
“Linqvistik nəzəriyyənin əsasları” kitabı nəşr olunub
20.05.24
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
20.05.24
Fransada azərbaycanlı rəssamın fərdi sərgisi keçirilib
15.05.24
Ülvi Babasoyun “Ədəbiyyatda postmodernizm: oyun estetikası” kitabı təqdim olunub
09.05.24
Həcər Atakişiyeva - Məhəmməd Füzulinin poeziyasının dili və üslubi xüsusiyyətləri
06.05.24
Həmid Herisçi: Öz adıma ədəbiyyat müharibəmi bitirdim
06.05.24
Kino Agentliyi “Qızılalma” Festivalında mükafata layiq görüldü
06.05.24
Kino ictimaiyyəti narahatdır: 38 nömrəli qərar ləğv olunacaqmı?
04.05.24
Cahid Camal “Xalq Əmanəti” layihəsinin 24-cü nəşrində
03.05.24
Gülnar Səma - Ramil Mərzilinin “Qadağan olunmuş şeirlər”i
03.05.24
Asif Rüstəmlinin “Cümhuriyyət məfkürəsi” kitabı çap olunub
03.05.24
Azad Qaradərəli - Şəhid toyu
02.05.24
ARKA-nın Apellyasiya Komissiyası müraciətlərlə bağlı qərar verdi
02.05.24
“Əlyazma abidələri: ənənə və müasirlik” kitabı çapdan çıxıb
02.05.24
Məşhur yazıçı Pol Oster vəfat edib
02.05.24
Azərbaycanlı alimin beynəlxalq konqresdə məruzəsi dinlənilib
02.05.24
Türkiyənin bütün bölgələrində Azərbaycan Mədəniyyət Günləri keçiriləcək.

01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
30.04.24
Ömür gəlib keçər, qalan əməldir
29.04.24
Qulu Ağsəs - 55
29.04.24
 Yazıçı Eyvaz Zeynalovun “Nadir şah” romanı nəşr olunub
26.04.24
Mahir N. Qarayev - Mənə o dünyanı göstər, İlahi
25.04.24
Bakıda Çingiz Aytmatovun abidəsinin açılış mərasimi
25.04.24
Abbasqulu ağa Bakıxanovun “Riyazül-qüds” əsəri nəşr olunub
25.04.24
Mədəniyyət Nazirliyi “Nəşrlərin satın alınması müsabiqəsi”ni elan edir
24.04.24
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.