Bakı Salvyan Universitetinin “Yaradıcılıq” fakültəsində tanınmış şair İbrahim İlyaslı ilə görüş keçirilib.

Tədbiri çıxış sözü ilə fakültənin dekanı Rüstəm Kamal açıb. İbrahim İlyaslının özünə məxsus yaradıcılıq yolu olduğunu deyən Rüstəm Kamal şairin qoşmalarını yüksək qiymətləndirib.

Görüşdə tələbələr, şairin şeirlərini, öz ifasında dinləyib və ona suallar ünvanlayıb. Mərasimdə tanınmış şair Qəşəm Nəcəfzadə də iştirak edib.

Qeyd edək ki, İbrahim İlyaslı Azərbaycan Yazıçılar Birliyinin üzvü və Əli Kərim adına Sumqayıt Şəhər Poeziya Klubunun rəhbəridir.


Avanqard.net