İtaliyada “Əsəd bəy, azərbaycanlı yazıçı Pozitanoda” kitabı çapdan çıxmışdır.

Nəşrin müəllifi Romulus Erkolino kitabda Məhəmməd Əsəd bəyin (Qurban Səid) Pozitanoda keçirdiyi həyatının son illərindən bəhs edir.

Kitab ilk dəfə Venesiyanın Ka Foskari Universitetində oxuculara təqdim olunmuşdur.
Nəşrdə tanınmış Azərbaycan yazıçısının əlyazmaları, dərc olunmamış məktubları və ömrünün son dörd ilini keçirdiyi Pozitano ilə bağlı xatirələri yer almışdır.

Kitab artıq İtaliyanın bir çox nüfuzlu kitabxanalarına paylanılmışdır. Məqsəd bu “sirli” Azərbaycan yazıçısı haqqında oxucuları daha geniş məlumatlandırmaqdır. /AzərTAc/