Dekabrın 13-də BAKITAB-da yazar Kənan Hacının "Yaddaş kartı" kitabının təqdimat mərasimi keçirildi.

Mərasimdə tarixçi alim Adıgözəl Məmmədov, naşir Fazil Kərimov, yazarlardan Rasim Qaraca, Səxavət Sahil, Mirmehdi Ağaoğlu, Cəlil Cavanşir, gənc yazar Gülnar Əhməd və digər qələm adamları iştirak edirdi və onlar yazarın təqdim olunan kitabı və yaradıcılığı haqqında fikirlərini bildirdilər.

Tədbirin sonunda yazar oxucular üçün kitabını imzaladı.

Qeyd cedək ki, "Yaddaş kartı” sırf avtobioqrafik əsərdir. Kitabda müəllifin uşaqlıq, yeniyetməlik dövrü, jurnalist fəaliyyəti ilə bağlı olduqca maraqlı məqamlar yer alır. Bu kitab həm də son 25-30 illik tariximizə bir yazıçı baxışıdır.

Müəllif kitabda özünün doğulub boya-başa çatdığı Buzovna torpağının tarixi, dünəni və bu günüylə, öz soy köküylə bağlı unudulmaqda olan faktları, hadisələri də qələmə alıb.


Avanqard.net