Avanqard.net ədəbiyyat portalıdır. Burda ədəbi mətnlər hesab elədiyimiz yazıları çap edirik. Bu belə.
İlkin Fikrətoğlu isə tanınmış və təcrübəli idman jurnalisti və teleaparıcısıdır. Bu da belə.

Kimsə soruşa bilər ki, bəs sarışın oğlanın ədəbiyyata nə aidiyyəti var. Deyirəm ki var. Özü də, hazırda ədəbiyyat ortalığında olan qocalı-cavanlı yazarlarımızın bəzilərindən daha çöx ədəbiyyat, söz adamıdır.

Həm mütaliəsi, həm yaddaşı həm də şeir qoşmağı ilə İlkin Fikrətoğlu bəzi yazarlarımızdan istedadlıdır. Bu fikrimi İlkin Fikrətoğlunun dostları məmnuniyyətlə təstiq edər. Yazarlar arasında isə Kənan Hacı bunu şəxsən şahidi olub. Bir dəfə çay məclisində İlkin Fikrətoğlu gözlənilmədən Kənan Hacıya 3-4 misra həsr elədi. Kənan Hacı isə sözün yaxşı mənasında təəcüblənib əhsən dedi. İnanmayanlar Kənan Hacıdan soruşa bilər. 

İlkin Fikrətoğlu bu günə qədər bəlkə də 5-6 kitablıq bədahətədn şeir yazıb, bədahətən deyib. Əlbət də ki bunlar əhval-ruhiyyə şeirləridir. Lakin dostumuz öz sözlərini kağıza köçürməkdən uzaqdır.

Söz bazası dərindir dostumuzun. Onun heyran olunası yaddaşı var. Bu da təbii ki, mütaliə ilə, kitabla, oxumaqla bağlıdır.

Bir dəfə qədim Şabran torpağında ad günü məclisində idik. Kefimizin yaxşı vaxtında mərasimə aşıq dəvət olundu. Aşıq gəlib hazır qoşmalarından dedi, məclisdəkilərin adlarınına söz qoşdu, şirinlik aldı. Yadıma İlkin dostumuzun qoşmaları, bədahətən dediyi şeirləri düşdü. Yanımda əyləşən, İlkinin qardaşı Aqşinə dedim ki, bu aşığın qoşmalarından İlkin gündə 5-10 bənd deyir, özü də aşıqdan fərqli olaraq pulsuz qoşur şeirlərini. Aşıq da sıra ilə ordakıların adlarına şeir qoşub cibişdanına para doldururdu. Növbə İlkin Fikrətoğluna çatdı, aşıq dostumuzun adına bir bənd şeir dedi. Aşığa diqqətlə qulaq asan İlkin isə cavabında bir bənd şeir dedi. Aşıq tutulub qaldı, əhvalı korlansa da biruzə vermədi. Amma əvvəlki şövqlə deyə bilmirdi. Təbii ki, aşıq İlkin Fikrətoğluna cavab verə bilmədi. Bir necə dəfə İlkindən həmin bəndi təkrar etməsini istədi. Çox uzatmıram, məclisin sonunda aşıq İlkin Fikrətoğluna cavab şeirini desə də çöx mənasız alındı.

İlkin Fikrətoğlu haqqında yazmaq xoşdur. Yeyib içən oğlanların sözü olmasın İlkin canlara dəyən oğlandır. Elə özü də yeyib içən oğlandır. Onu dostları çox istəyir. Dostları da o qədərdir ki, sayıb qurtara bilməzsən. Dostdan danışdıq, gərək düşməni də yada salaq. İnamıram İlkinin düşməni olsun. Olsa da İlkin onlara düşmən gözü ilə baxmaz.

Bu gün İlkin Fikrətoğlunun ad günüdür. Sözü ölçülü-biçili, cümləsi mübtadəli, xəbərli İlkin Fikrətoğlunun.

Onun cəsarətli reoprtajları, jurnalist vicdanı ilə yazdığı mətnləri, aparıcılıq qabiliyyəti gənc jurnalistlər üçün əsl örnəkdir. Və s, və s...

Peygəmbərlik yaşın mübarək, əziz İlkin! Təbrik edirəm!

Mən bu yazını qeydlər kimi yazdım. Yəni qarışıq, ordan burdan. İlkin Fikrətoğlu mənim üçün ədəbiyyat, söz adamıdır. Söz adamı olmaq təkcə yazmaq məsələsi deyil. Həm də bilmək məsələsidir.