“Qanun” nəşriyyatı Azərbaycan və dünya ədəbiyyatı seriyasından kitab nəşrini davam etdirməkdədir. Nəşriyyat son günlərdə Cəmşid Əmirov, və Ştefan Svayq kimi yerli və xarici müəlliflərinin kitablarını çap edib. Çap olunan kitablar arasında ikinci dəfə yenidən nəşr olunan kitablar da var. Aşağıdakı sıyahılda çap edilən kitablar haqqında ətraflı məlumatla tanış ola bilərsiniz.  


İskender Pala - ŞAH&SULTAN
 
“Şah və Sultan”ı yazanda bir çox adamdan təşviq və kömək gördüm. Bunlardan:
Mövzuyla bağlı İran səyahətimi asanlaşdıran İran İs­tan­bul konsulluğu mədəniyyət attaşesi Mahmud Sid­qi­za­dəyə;
İran hüdudlarında məni qonaq eləyib köməklərini əsirgəməyən Çaldıran fərmandarlığı əməkdaşları Cə­fərza­də, Nəcəfi, Aysəfəri bəylərə və Təbrizdə mənə bir həftə ər­zin­də yol göstərən taksiçi Hüseynə;
Ələviliklə bağlı fikirlərini mənimlə bölüşüb yazmağıma yol göstərən Dəyanət İşləri Komitəsi Din İşləri Baş Məclisi üzvü hörmətli dos. dr. İlyas Üzümə;
Yazdıqlarımı oxuyub Ələviliklə bağlı fikirlərini bildirən as­sistentimiz dəyərli Kayahan Şahana və Şah İsmayıl ba­rədə yüksək dilçilik tezisi hazırlayan tələbəm Nilufər Ko­tana;
Yazdıqlarımı oxuyub tarixi cəhətdən tənqidlərini əsirgə­məyən dəyərli dostlarım prof. dr. Əbdülqadir Özcan və dos. dr. Ərhan Afyonçuya;
“Şah və Sultan”ın ortaya çıxması üçün daim iş­lə­rimi asanlaşdıran “Alfa” Nəşriyyat Qrupunun mü­rüvvət sahibi, əziz qardaşım Faruk Bayakla nəş­riy­yat­da kitaba əməyi ke­çən hamıya,
Nəhayət, yazdıqlarımın həmişəki ilk oxucusu və tən­qid­çim, sevimli həyat yoldaşım F.Hülya Palaya tə­şək­kür eləyirəm.

İsgəndər Pala  ŞAH və SULTAN
Bakı, Qanun  Nəşriyyatı, 2013, 404 səh., 8 AZN
Türkcədən tərcümə: Nəriman Əbdülrəhmanlı
Redaktor: Əsgər Rəsulov



Cəmşid Əmirov  - QARA VOLQA 

Cəmşid Əmirovun “Brilyant məsələsi” və “Qara Volqa” kitabları 60-cı illərdə yazılmış və oxucuların böyük marağına səbəb olmuşdur. Yazıçının “Qara Volqa“ əsəri Azərbaycanda cinayətkar qrupun törətdiyi saysız-hesabsız cinayətlərdən və nəhayət, hüquq-mühafizə or­qan­ları tərəfindən aşkarlanmasından bəhs edir.

Bakı, Qanun Nəşriyyatı, 2013, 412 səh., 6.50 AZN


Ştefan Svayq  - NOVELLALAR  

“Yad qadının məktubu” Ştefan Svayqın ən məşhur novellalarından biridir. Əsərdə məşhur romançı R. tanımadığı, bəlkə də xatırlamadığı yad bir qadından məktub alır. Məktubu oxuduqca məlum olur ki, bu qadın bütün ömrü boyu yalnız onu sevib. Qadın həyatda R. ilə qarşılaşdığı bütün məqamları xırdalığına kimi təsvir edir.
“Bir qadının həyatından iyirmi dörd saat” novellasının baş qəhrəmanı qırx iki yaşlı bir qadındır. Həyatda onun başına gələn ən böyük macəra cəmi bir gün çəkib. Lakin iyirmi ildən çox vaxt keçməsinə baxmayaraq, o, bu hadisəni  heç kimə danışa bilmir. Utanan, vicdan əzabı çəkən qadın, nəhayət, bir gün iztirablarını dilə gətirir.

Dünya şöhrətli Avstriya yazıçısı Ştefan Svayq (1881-1942) yəhudi əsilli tacir ailəsində anadan olub. Müxləlif insan talelərini fərqli və bir-birindən maraqlı süjetlərlə oxucuya təqdim edən Svayq Birinci Dünya müharibəsi başlayanda müharibəyə etiraz edən bir sıra yazıçıya qoşulub. Fanatizm və dözümsüzlüyü həmişə pisləyib. Yazıçının “Jozef Fuşe - siyasi xadimin portreti”, “Bəşəriyyətin ulduzlu saatları”, “Dünənin dünyası” və s. əsərləri dilimizə tərcümə olunub.

Ştefan Svayq  NOVELLALAR                                  
Bakı, Qanun Nəşriyyatı, 2013 160 səhifə. 3.90 AZN
Tərcümə edən: Zahid Məmmədov
Həmid Arzulu