Kənan Hacı - İlanın ağzından necə qurtuldum
05.09.13

Bakının qorabişirən istisindən canımı qurtarmaq üçün girəvə axtarırdım. Masallıda yaşayan qocaman şair Məmməd Kazım neçə dəfə zəng vurub məni kəndə dəvət etmişdi. Günlərin bir günü isti nəfəsimi kəsəndə axır ki, şeytanın qıçını qırıb Masallıya gedən avtobusa əyləşdim və Məmməd əmiyə zəng vurdum ki, gəlirəm. Ağsaqqal mən gəlib çıxınca döşəməplov bişirtdirmişdi.

Məmməd əminin – Güllütəpənin döşündə yerləşən evi bir ayrı aləmdir. Burda təbiətin genişliyi adamın ruhuna sanki sığal çəkir, bütün qayğılar duman kimi başından dağılır, özünü yaşıl səltənətin ağuşuna atırsan və bu duruluq, təmiz dağ havası içinə dolduqca dünyaya yenicə gəldiyini zənn edirsən. Burda dünyanın itmiş rəngləri sanki özünə qayıdır.

Geniş həyətdə palıd, yalanqoz, alma, fındıq ağacları o qədər sıxdır ki, həyətin ətəyi meşəni xatırladır. Üst eyvanda pürrəngi samovar çayından içib yolun yorğunluğunu canımdan çıxarandan sonra Məmməd əmi dedi ki, düşək bir az həyəti gəzək, həm də təmiz hava alaq. Meşəliyə çatanda Məmməd əmi əlinə uzun bir çubuq götürdü və mənə də məsləhət gördü ki, çubuq götür, ətrafda ilan ola bilər.  Bu meşəliyi dəfələrlə gəzmişdim və heç vaxt qarşıma ilan çıxmamışdı. Ona görə Məmməd əminin xəbərdarlığını ciddiyə almadım. Həm də özümü elə göstərirdim ki, guya ilan-çayandan qorxmuram.

Günəbaxan zəmisi arxada qaldı və biz meşəliyə çatdıq. Məmməd əmi  əlindəki çubuğu yerə vura-vura ağır addımlarla irəliləyirdi, mən də ağacların hündür çətirinə boylana-boylana ayağımı hara atmağımın fərqində deyildim. Başımı aşağı endirəndə Məmməd əmi artıq ağacların sıxlığında gözdən itmişdi. Onun gedəcəyi səmti təxmini müəyyənləşdirib addımlarımı yeyinlətdim, qəfildən xəzəllərin arasından uzun bir ilan çıxdı və qıvrılıb açıldı, üstümə atılmaq üçün yastı başını geriyə çəkdi. Tez geri sıçradım, ətrafda daş və ya ağac parçası da yox idi ki, özümü müdafiə edim. Geriyə dönüb qayıtmaq istəyəndə Məmməd əmiylə toqquşdum.

-Noolub, a bala? – dedi, - niyə rəngin qaçdı?

-İndicə qarşıma ilan çıxdı, - dedim.

Məmməd əmi başını bulayıb məni tənbeh elədi:

-Sənə dedim axı, əlinə bir ağac parçası götür. Burda ilan nadir hallarda adamın rastına çıxır. Amma işini ehtiyatlı tutmalısan.

O həndəvərdə xeyli dolaşdıq, amma ilan gözə görünmədi. Məmməd əmi gülüb dedi ki, yəqin ilan gözünə görünüb. And-aman elədim ki, əməlli-başlı ilan idi, fısıldayıb başını dikəltmişdi. Azca diqqətsizlik etsəydim, məni canca bilərdi.

Məmməd əminin ləngərli gülüşü həyəcanıma su səpdi:

-Sənin qorxuluğunu ancaq tut arağıyla çıxarmaq olar.

Eyvana qalxanda artıq döşəməplov süfrədə buğlanırdı.Yüz qram tut arağından sonra ilanın vahiməsi canımdan çıxdı...       

Yenililklər
01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
30.04.24
Ömür gəlib keçər, qalan əməldir
29.04.24
Qulu Ağsəs - 55
29.04.24
 Yazıçı Eyvaz Zeynalovun “Nadir şah” romanı nəşr olunub
26.04.24
Mahir N. Qarayev - Mənə o dünyanı göstər, İlahi
25.04.24
Bakıda Çingiz Aytmatovun abidəsinin açılış mərasimi
25.04.24
Abbasqulu ağa Bakıxanovun “Riyazül-qüds” əsəri nəşr olunub
25.04.24
Mədəniyyət Nazirliyi “Nəşrlərin satın alınması müsabiqəsi”ni elan edir
24.04.24
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib
24.04.24
IV Kitabqurdu Müəllimlərin Oxu Marafonu elan edilir
24.04.24
Nazir: Bakıdakı Qırğız Mədəniyyəti Günləri mədəni əlaqələrdə yeni səhifə açacaq
24.04.24
TRT-Avazın Baş koordinatoru: AzTV ilə birgə çoxlu layihələr reallaşdırırıq - MÜSAHİBƏ
24.04.24
İntiqam Yaşarın yeni şeirlər kitabı çap olunub
24.04.24
Həmid Herisçinin yeni kitabı çap olundu
24.04.24
Saday Budaqlı: Yazan adam gərək sözü hiss eləsin
24.04.24
Bakıda Qırğız kino günlərinin açılışı olub
15.04.24
Qulu Ağsəsin yeni kitabı çap olunub
04.04.24
Kino Agentliyi gənc kinematoqrafçılara dəstək məqsədilə Alternativ Kino  Akademiyası təsis edib
15.03.24
Türk mədəni irsinin qorunması üçün vahid mexanizm formalaşdırılmalıdır
15.03.24
Gülnar Səma - Ulucay Akifin “Pul axtaranlar”ı
13.03.24
“Kinomuzu yaradanlar, Kinomuzu yaşadanlar” layihəsinə start verilir
13.03.24
Mehriban Ələkbərzadə: “Əsrə bərabər gün” tamaşası dünən, bu gün, sabah kontekstində yaşadığımız əsrə baxışdır
13.03.24

Azərbaycan London Beynəlxalq Kitab Sərgisində təmsil olunur

11.03.24
"Oskar" mükafatının qalibləri məlum olub
06.03.24

Dövlət sifarişi ilə “Kür - çaylar anası” sənədli filmi istehsalata buraxıldı

03.03.24
Asif Rüstəmli - Azərtac nə vaxt yaradılıb?
29.02.24
Abbasəli Xankişiyev - Dağlar kimi məğrur saxla başını
29.02.24
Əlirza Zihəq - Şuşa zəfəri
29.02.24
II Kitabqurdu Payız Oxu Marafonunun qalibləri mükafatlandırılıb
27.02.24
Azərbaycan Respublikası Kino Agentliyinin fəaliyyəti qənaətbəxşdir
23.02.24
Kənan Hacı - Korifeyin həyatını cəhənnəmə çevirən Dahi - Mahir Qarayevin "Sonuncu korifey" romanı üzərinə qeydlər
10.02.24
Öz nəğməmlə tək qalmışam indi mən - Höte
08.02.24
Gülnar Səmanın “Sözümüz sözdür-2” kitabı “GlobeEdit” nəşriyyatında çap olunub
01.02.24
Rus poeziyasının Gümüş dövrü - Seçmə şeirlər
01.02.24
Rəşad Səfər - Çığıranlar və çığırmayanlar
29.01.24
“İsveç nəsr antologiyası” ilk dəfə Azərbaycan dilində
29.01.24
Küyülü Nəccari Səid - Olumla ölüm arasında
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.