Svetlana Turan - Şit aktyorlar
19.07.13

Bu həyatda nəyisə dəyişmək istəyirsənsə, özündən və övladlarından başlamalısan. Bu mənim həyat prinsipimdir. Mən də yaxşı olmaq istəyən bir ana kimi övladlarıma, onların dünya görüşünün artmasına və düzgün təhsil almalarına lazımi diqqəti yetirməyə çalışıram. Ona görə də onlara çoxlu kitab alır, onları tez-tez teatra aparıram.
 
Düzdür, bu haqda məhz Kulis.Az saytında yazdıqda əlim birdən dayanır. Çünki Sevda Sultanova olan yerdə kinodan, aktyordan, Aliyə Dadaşova olan yerdə teatrdan, yenə də aktyordan danışmaq mənə düşməz.
 
Amma bu mövzu məni narahat etdiyi üçün bir tamaşaçı olaraq öz sözümü demək istəyirəm.
 
Uşaqlarımı təxminən iki-üç yaşından Kukla Teatrına aparmağa başladım. Elə yaşlarına uyğun sayda tamaşaya baxdıqdan sonra qızlarım daha oraya getmək istəmədilər. Uşaqları necə qınayaydım? Eybəcər kuklalar, xeyli dəyişdirilmiş və mənasız hala salınmış nağıllar, üstəlik nağıl qəhrəmanlarının addımbaşı oxuduğu və körpələrin anlamadığı xarici dildəki mahnılar...
 
Kukla Teatrını dəyişdik Gənc Tamaşaçılar Teatrına. Baxdığımız ilk tamaşa “Yatmış gözəl” oldu. Nicat Kazımovun rejissorluğu ilə qoyulan bu tamaşanın lap əvvəlində tamaşanın sonunda yatmış gözəli oyadacaq şahzadə o qədər şitlik edib həvəsimi öldürdü ki,  rolunu daha yaxşı oynayan aktyorların oyunundan heç bir zövq ala bilmədim. Ona görə də qızlarımla şərt kəsdim ki, bundan sonra tamaşaya gəldikdə onlar parterdə oturub tamaşanı izləyəcəklər, mənsə onları foyedə gözləyəcəyəm. Razılaşdılar və artıq neçə vaxtdı ki, biz tamaşalara bu razılığa əməl edərək gedirdik.
 
Ancaq teatrın yay tətilinə bağlanmazdan əvvəl verdiyi son uşaq tamaşası “Balaca və Karlson”a getdikdə balaca qızım ağladı və şərtimizi pozub məndən içəridə qalmağımı istədi. Premyera olmasına baxmayaraq, içəridə boş yer çox idi, nəzarətçilər də sağ olsunlar, icazə verdilər ki, uşaq sakitləşənədək içəridə qalım.
 
Onu da qeyd etmək lazımdır ki, Astrid Lindqren çox sevimli uşaq yazıçılarımdan biridir. Hələ uşaq vaxtı Lindqrenin “Uzuncorab Peppi”, “Balaca və Karlson”, “Lönniberqidən olan Emil” əsərlərini sevə-sevə oxumuşam, bir neçə il əvvəl isə uşaq jurnallarından biri üçün Lindqrenin bir hekayəsini də tərcümə etmişəm. Sovet dövründə çəkilmiş əzbər bildiyim cizgi filmi də var...
 
Amma...
 
Tamaşaya gələndə əvvəlcədən ona baxmayacağımı düşünürdüm, ona görə də içimi yeyib-dağıdan bircə fikir var idi ki, gərək özümə də bilet alaydım, heç olmasa, Karlsona baxmaq üçün. Qızım mənə belə bir fürsəti verdi. Ancaq içəridə olduğum 20-25 dəqiqə ərzində razı qaldığım təkcə dekorasiyalar və “ata” obrazını canlandıran aktyor oldu.
 
Şitlik edən Balaca, bacısı, bacısının dostu, rolunu yaxşı oynaya bilməyən ana obrazı... Ən əsası da, bütün ümidlərimi puç etmiş Karlson, daha doğrusu, bu rolu ifa edən hədsiz dərəcədə arıq, qarabuğdayı, şitlik etməkdə teatr yoldaşlarından geri qalmayan aktyor.
 
Elə obrazlar var ki, onları özününküləşdirmək bəzən mümkün olur.  Amma dünya ədəbiyyatının elə qəlibləşmiş obrazları var ki, onları istər forma, istər məzmun cəhətdən bu dərəcədə kökündən dəyişmək tamamilə səhv addımdır. “Balaca və Karlson” tamaşasının da rejissoru bu səhvə yol vermişdi.
 
Deyirəm, görəsən, teatrlarımızın hər tamaşadan sonra nə qədər gözdən düşdüklərindən, nə qədər tamaşaçı itirdiklərindən xəbəri varmı? Gələcəyin potensial tamaşaçısı kimi hazırlaya biləcəkləri uşaqları teatrdan necə ayrı saldıqlarından xəbərləri varmı? /kulis.az/

Yenililklər
05.12.23
Kənan Hacının hekayəsi - Cin qapını bağlayır
05.12.23
Elçin Hüseynbəylinin hekayəsi - Dərs
05.12.23
Yevgeni Rezniçenko - Çağdaş rus poeziyası
30.11.23
Anar Məcidzadə - Canına dərd düşsün, ayrılıq salan
29.11.23
Həmin işıqlı günlər - Cavid Zeynallının yeni hekayəsi
29.11.23
Musiqili Teatr dekabr repertuarını təqdim edib
29.11.23
Pyes müsabiqəsi qaliblərinə mükafatlar təqdim olunub
29.11.23
Beynəlxalq Türk Mədəniyyəti və İrsi Fonduna yeni prezident təyin olunub
28.11.23
Xuana İnes de la Krus - Günah keçisi kimi görürsünüz qadını
28.11.23
Mahir N. Qarayevdən iki şeir
23.11.23
Fəxri Uğurlu - Uzaqda təkbaşına dolaşan qəhrəmanlar
22.11.23
Kanadada “Yeddi gözəl” musiqi qrupunun konserti keçirilib
22.11.23
Fərid Hüseyn XIV İstanbul Beynəlxalq Ədəbiyyat və Şeir Festivalında iştirak edir
22.11.23
Bakıda Mədəniyyət və Yaradıcı Sənayelər Forumu keçiriləcək
22.11.23
Vaqif Sultanlının “İnsan dənizi” və “Ölüm yuxusu” romanları İngiltərədə yayımlanıb
22.11.23
Elnarə Qaragözova - Ali diqqət və rəğbətin dəyişməz ünvanı: Yusif Səmədoğlu
22.11.23
"Nobel mükafatına aparan yolun dərsləri: mif, reallıqlar, uğurlar və çağırışlar" beynəlxalq elmi konfrans keçirilib
22.11.23
Fərid Hüseynlə kürdəmirli oxucuların görüşü olub
06.11.23
"Mədəni diplomatiya vasitəsilə əlaqələr quraraq müxtəlif sivilizasiyaları bir araya gətirdik"
04.11.23
Astanada “Yıldız Sarayı Foto Kolleksiyasında XIX Əsr Türk Dünyasının Mədəni İrsi” adlı sərgi təşkil olunub
04.11.23
Beynəlxalq Türk Mədəniyyəti və İrsi Fondunun və Türk Akademiyasının rəhbərliyi Qazaxıstanın Xarici İşlər naziri ilə görüşüb
01.11.23
Beynəlxalq Türk Mədəniyyəti və İrsi Fondu Bern şəhərində qədim türk yazılarına həsr olunmuş sərgi açıb
31.10.23
Türkiyə Respublikasının 100 illiyi İsveçrənin Bern şəhərində qeyd olunub
27.10.23
“Netflix” “The Crown” serialının son sezonunun ilk treylerini yayımlayıb
27.10.23
Özbəkistanda Yusif Vəzir Çəmənzəminli adına Azərbaycan mədəniyyəti və ədəbiyyatı Mərkəzi açılıb
27.10.23
Bədirxan Əhmədli - Akademik Kamal Talıbzadənin portret cizgiləri üzərinə
27.10.23
Türkiyədə XX əsr Cənubi Azərbaycanda ədəbi prosesin önündə gedən şəxsiyyətlərdən bəhs edən kitab çap olunub
27.10.23
Beynəlxalq Türk Mədəniyyəti və İrsi Fondu Haaqada yubiley tədbirləri keçirib
26.10.23
Varşavada “Polşa və Türk Dünyası” mövzusunda konfrans keçirilib
25.10.23
Elman Cıvıroğlu - İbranice ve Ortak Türk Dili
25.10.23
İstanbulda görkəmli xanəndə Məşədi Məhəmməd Fərzəliyev haqqında kitabın təqdimatı olub
25.10.23
“Ulduz” jurnalının 650-ci yubiley nömrəsi işıq üzü görüb
25.10.23
Yazıçı-tərcüməçi Nəriman Əbdülrəhmanlı Qazaxıstanın “Dostluq” ordeni ilə təltif olunub
25.10.23
Osip Mandelştamın yaradıcılığına həsr olunmuş poeziya gecəsi keçirilib
25.10.23
Azərbaycanı Tədqiq və Tətəbbö Cəmiyyətinin yaradılmasının 100 illik yubileyinə həsr olunmuş tədbir keçirilib
20.10.23
Qars Kafkas Universitetində “Heydər Əliyev və Türkiyə” adlı multidisiplinar beynəlxalq elmi konfrans keçirilib
19.10.23
Elman Cıvıroğlu - Xudu Məmmədov və Ziya Gökalp
19.10.23
Akademik Kamal Talıbzadənin 100 illik yubileyinə həsr olunmuş elmi sessiya keçirilib
16.10.23
Beynəlxalq Türk Mədəniyyəti və İrsi Fondu ilə Qazax-Türk Universiteti arasında Anlaşma Memorandumu imzalanıb
05.10.23
Mədəniyyət Nazirliyinin dəstəyi ilə XVIII Bakı Beynəlxalq Caz Festivalı keçiriləcək
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.