Əsəd Qaraqaplan - Kişi kişinin yanında olar
16.07.13

Yazdığı gözəl bir yazıya və etmədiyi təhqirə görə əlibaltalı dindarların Aqşin Yeniseyin üstünə düşdüyü, hətta onu ölümlə təhdid etdiyi bir vaxtda ədəbi camiədə də tülkü kimi pusquda durub belə həssas məqamları gözləyənləri gördük.
Gördük ki, bunlar heç də o əlibaltalı dindarlardan geri qalmırlar və daha da təhlükəlidilər. Bir xanım dostumuz demiş, Aqşin Yeniseyi kəlləmayallaq başa düşən təkcə mollalar deyilmiş...
Məgər cahillik, qaragüruh, xılt, paxıllıq təkcə radikal dindarlıqda yox, hətta ondan da çox şəxsən tanıdığımız adamların içindəymiş...
“Aqşin Yenisey Kamal Abdulladan qorxduğu qədər Allahdan qorxsaydı, indi Cəlilabad kəndlərində axundluq eləyirdi” – bunu Cəlil Cavanşir demiş, Əsəd Cahangirin öz əməllərinə alət elədiyi bir uşaq – Emin Piri deyib.
Bu uşağın bu virtual qəhrəmanlığını görəndə - ki, bunu başqa heç vədə edə bilməzdi - etiraf edim, ikrah hissi duydum. Çünki indiki məqamda belə bir murdarlığı, dediyim kimi, başıboş radikal dindarlardan gözləyirdik.
Baxdım ki, bizi satan, ələ verən və ölmümüzə çıxarılacaq fətvalara rəvac yaradan heç də dindarlar yox, elə bu şəxsən tanıdığımız uşaqlarmış...
Baxdım ki, bunlar özlərindən istedadlı və azad adamların qanını içib, sonra da bunu məmnuniyyətlə, məsələn, dindarların üstünə atmağa hazırdılar...
Baxdım ki, dindarların ancaq yalançı səs-küyü var imiş. Əsl “səs-küy” belə böyüklü-uşaqlıların içlərində gizlədikləri və məqam düşən kimi qulaqlara pıçıldamaq istədikləri fətva pıçıltılarındaymış...
Baxdım ki, bunlar böyüklü-uşaqlı hamısı eyni adamlardı və bir-birilərini də yaxşı tapıblar. Bir-birilərinin yanında olmaqdan da qayət məmnundular...
Baxdım ki... daha baxa bilmədim...
Duyduğum bu ikrah hissindən sonra mən də götürüb Facebook-da bir sərt status yazdım: "Dostlar, ədəbi, ictimai və digər sahələrdə də kimin kim olduğunu, hansı yuvanın quşu olduğunu və hansı qabdan yal yediyini də bilirik. Ona görə bu qədər atılıb-düşməyə gərək yoxdu. Məncə, öz xıltımızı, istedad qısqanclığımızı və digər içimizdə saxlı "müqəddəs" dəyərlərimizi bu qədər üzə vurmayaq. Belə şeyləri görüb adamın üzünə çox rahatca tüpürmək olar və şəxsən mən bunu belə özünü çox rahat ələ verən adamların üzünə edə bilərəm... Bu qədər axmaqca ağıllı görünməyə çalışmayın..."
Dostlar tez-tez bu statusu "layk" eləməyində olsun, sizə kimdən deyim, bu uşaqdan - Emindən. İy bilərcəsinə gəlib bir müdrik şərh yazdı və məndən də yaxşı cavab gözlədi, umarım. Ama mənim səbrimin də bir həddi var, axı. Yazdım ki, hə, Emin, həyatı və ədəbiyyatı bu qədər adiyə alanda və bu qədər qısqanc bir içlə ortaya çıxanda olur belə şeylər... Həmişə bir yerdə olan adamlardan qorxmaq lazım deyil, həmişə bir yerlərdə olanlardan qorxmaq lazımdı... Heyif sənin kimi gənclər də özləri uğur qazana bilməyəcəklərini görüb qoltuq altlarına qaçırlar...
Uşaq mənim nəyə işarə elədiyimi görüb başladı rəsmən artislik eləməyə ki, ay siz necə də rəhbərin sifarişini tez tutursuz-falan, bəsməkan, nə bilim nə... Belə olanda mən də ona qısa və konkret yazdım: “Artistlik eləmə, Emin”. Çünki bu adamlarla başqa cür danışmağın yolunu şəxsən mən hələ tapmamışam...
Bu uşaq iddia edir ki, guya Kamal Abdulla onu təhdid edib, döymək, nə bilim neyləmək istəyib. Və qəribəsi də odur ki, bu sözləri deyərkən birinci özünün iki nəfəri təhqir etdiyini, yüngül desək, onların haqqında başından çox yekə ifadələr işlətdiyini unudur...
Faciə də ondadı ki, bu uşaq bir neçə ay bundan qabaq Kamal Abdulla haqqında bunları yazmışdı: “Kamal Abdullayla müsahibə gözəl müsahibədir. Etiraf edirəm ki, cəmiyyətdə önəmli fiqur olan bir şəxslə gəncin bu qədər səmimi söhbətinin və maraqlı müsahibəsinin şahidi olmamışdım. Digər tərəfdən, burda gəncin sərbəstliyindən çox ona bu şəraiti yaradan və özünü bu cür hiss etməsinə nail olan Kamal Abdullanın böyüklüyü görünür. Sözün bütün mənalarında – həm bir yazıçı, həm də bir insan kimi! Əcəba, sizi narahat edən bu səmimiyyətdirmi? Bu münasibət sizi niyə narahat etməlidir? Hanı sizin gənclərə dəstəyiniz, birliyiniz, ürəyinizin genişliyi? Yox, əgər bu deyilsə, deməli Kamal Abdulla imzası sizi narahat etməyə başlayıb”.

Onu da deyim ki, belə uşaqları əlində alətə çevirən Əsəd Cahangir də Kamal Abdullaya və Aqşin Yeniseyə münasibətdə həmişə eyni şəkildə ikili fikrə sahib olub. Yəni bunlar elliycə - böyüklü-uşaqlı eyni adamlar və bir-birinin tayıdılar...

P.S. Yazını oxuyanlar belə başa düşə bilər ki, mən də Bakı Slavyan Universitetində çalışdığıma görə bu mövqedən çıxış edirəm. Bəli, insanlar, xüsusən də azad və rahat insanlar öz mühitlərini də, dostlarını da özləri seçirlər. Heç kəs istəmədiyi halda heç kəsi kölə edə bilməz. Necə ki Emin Piri kimi uşaqlar da kimlərinsə yanındadılar... Burda öz adıma danışaraq qısa və konkret, bayatıda deyildiyi kimi deyirəm: ...Kişi kişini tapar, ... (ardını özünüz bilirsiniz) 

aznews.az

Yenililklər
21.05.24
Azərbaycanda iki teatrın adı dəyişdirilir və işçilərinin maaşı artırılır
20.05.24
“Linqvistik nəzəriyyənin əsasları” kitabı nəşr olunub
20.05.24
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
20.05.24
Fransada azərbaycanlı rəssamın fərdi sərgisi keçirilib
15.05.24
Ülvi Babasoyun “Ədəbiyyatda postmodernizm: oyun estetikası” kitabı təqdim olunub
09.05.24
Həcər Atakişiyeva - Məhəmməd Füzulinin poeziyasının dili və üslubi xüsusiyyətləri
06.05.24
Həmid Herisçi: Öz adıma ədəbiyyat müharibəmi bitirdim
06.05.24
Kino Agentliyi “Qızılalma” Festivalında mükafata layiq görüldü
06.05.24
Kino ictimaiyyəti narahatdır: 38 nömrəli qərar ləğv olunacaqmı?
04.05.24
Cahid Camal “Xalq Əmanəti” layihəsinin 24-cü nəşrində
03.05.24
Gülnar Səma - Ramil Mərzilinin “Qadağan olunmuş şeirlər”i
03.05.24
Asif Rüstəmlinin “Cümhuriyyət məfkürəsi” kitabı çap olunub
03.05.24
Azad Qaradərəli - Şəhid toyu
02.05.24
ARKA-nın Apellyasiya Komissiyası müraciətlərlə bağlı qərar verdi
02.05.24
“Əlyazma abidələri: ənənə və müasirlik” kitabı çapdan çıxıb
02.05.24
Məşhur yazıçı Pol Oster vəfat edib
02.05.24
Azərbaycanlı alimin beynəlxalq konqresdə məruzəsi dinlənilib
02.05.24
Türkiyənin bütün bölgələrində Azərbaycan Mədəniyyət Günləri keçiriləcək.

01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
30.04.24
Ömür gəlib keçər, qalan əməldir
29.04.24
Qulu Ağsəs - 55
29.04.24
 Yazıçı Eyvaz Zeynalovun “Nadir şah” romanı nəşr olunub
26.04.24
Mahir N. Qarayev - Mənə o dünyanı göstər, İlahi
25.04.24
Bakıda Çingiz Aytmatovun abidəsinin açılış mərasimi
25.04.24
Abbasqulu ağa Bakıxanovun “Riyazül-qüds” əsəri nəşr olunub
25.04.24
Mədəniyyət Nazirliyi “Nəşrlərin satın alınması müsabiqəsi”ni elan edir
24.04.24
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib
24.04.24
IV Kitabqurdu Müəllimlərin Oxu Marafonu elan edilir
24.04.24
Nazir: Bakıdakı Qırğız Mədəniyyəti Günləri mədəni əlaqələrdə yeni səhifə açacaq
24.04.24
TRT-Avazın Baş koordinatoru: AzTV ilə birgə çoxlu layihələr reallaşdırırıq - MÜSAHİBƏ
24.04.24
İntiqam Yaşarın yeni şeirlər kitabı çap olunub
24.04.24
Həmid Herisçinin yeni kitabı çap olundu
24.04.24
Saday Budaqlı: Yazan adam gərək sözü hiss eləsin
24.04.24
Bakıda Qırğız kino günlərinin açılışı olub
15.04.24
Qulu Ağsəsin yeni kitabı çap olunub
04.04.24
Kino Agentliyi gənc kinematoqrafçılara dəstək məqsədilə Alternativ Kino  Akademiyası təsis edib
15.03.24
Türk mədəni irsinin qorunması üçün vahid mexanizm formalaşdırılmalıdır
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.