Rəbiqə Nazimqızı - Alınmayan tarixçələr
15.07.13

Kafedə oturmuşam. Üzbəüzdə, bəlkə də, son illıər gördüyüm ən yaraşıqlı kişi əyləşib. Təkdi. Elə mənim kimi salat sifariş edib, üstündən də çay. Qırx-qırx beş yaşı olar, ağarmağa başlayan qızılı-şabalıdı saçları hətta kişi üçün belə çox qısa vurulub. Yanında  bel çantası var, ayaqqabısı ilə eyni rəngdə -qəhvəyi. Cins şalvardadı, tünd göy rəngli köynəyinin uzun qolları azacıq qatlanıb. O qatlayıb, ya?.. Mən də təmiz ağlımı itirmişəm e. Mənə nə? Nə olsun ki, bütün üzü xarakterdən xəbər verir. Mənim sevdiyim xarakterdən...

"Gözlərini göstər" deyirəm öz-özümə. Sanki eşidir. Başını oxuduğu kitabdan qaldırıb üzümə baxır. Yosun yaşılı. Mehriban, ilıq baxışları sərt üz ifadəsini yumşaldır. Gülümsəyirəm.Dəli şeytanlar üzərimə hücuma keçir: nə durmusan, adama yaxınlaş, elə-belə düzünü de, de ki, onu tanımaq istəyirsən. Ya da elə belə: sizinlə çayınızı bölüşmək olar? Şeytana cavab verirəm: niyə? Çay içdik, tanış olduq, doğma olduq, sonra?.. Mənə xatirə də lazım deyil, xəyal da, heç o yosun yaşılı gözlərin yiyəsi də... Mən də ona dünəndən lazım deyiləm. Vəssalam, problem yoxdu...Çantamdan kitab çıxarıb oxumağa başlayıram. O, yüz faiz şeir oxumur, məndəsə şeir kitabıdı. Arabir başımı qaldırıb baxıram. Aha, budur arxadan ona bir xanım yaxınlaşır, o xanımı hardasa görmüşəm, hə, hansısa səfirlik əməkdaşıdı. Bəs kişi? Yox, xarici deyil, hərçənd bizimkilərə heç bənzəmir. Görünüşü, davranışı. Amma ofisiantla danışdı. Ya rusca, ya azərbaycanca. Özümü inandırmaq istəyirəm ki, rusca. Azərbaycan dilində unuda bilmədiyim, məni ağrıdan çox söz eşitmişəm. Guya rusca deyilən sözlər az ağrılı ola bilər. Deyirəm də, başım tamam xarab olub... 
 
Hə, qadın onu gördüyünə məmnundur, bəlkə də, daha çox məmnundur - onu sevir, ya xoşu gəlir. Kişi uzun müddət hiss eləmir, ya da oynayır (oynayırsa, əla oynayır, eşq olsun!). Qəfildən qadını görür, soyuq təbəssümlə gülümsəyir. Reaksiyalar adekvat deyil! Qadın ayaqüstə onun yanındaca dayanıb, danışır, bəlkə, 20 dəqiqə danışır. Qadın da qəşəngdi, mütənasib bədəni, kosmetikasız, gözəl üzü, qəşəng təbəssümü, sadə geyimi... Kişi olsam, sevərdim onu... Bu heyvansa özünü dağ başına qoyub. Az qalıram gedib deyəm ki, adam ol, qadına, heç olmasa, mədəniyyət xatirinə oturmağı təklif elə. Əclaf hələ özünə çay da süzür. Qadın isə ayaqüstə danışır, danışır. Sonda saata baxır, guya harasa getməlidir, bəlkə, həqiqətən də, getməlidir. Amma istəmir, əminəm, istəmir...Qadın gedir, bir az - təxminən 10 dəqiqə sonra kişi hesabı istəyir. Daha çox əsəbləşirəm, qadına deyə bilərdi ki, otur, 5 dəqiqə sonra bir yerdə qalxarıq! Mənim də telefonumun sonuncu nəfəsidi - batareyanın gücü ölmək üzrədir, qızımla danışmalıyam. Hesabı ödəyib çıxıram. Bir hekayə yazıb, o kişi ilə o qadının yerlərini dəyişdirmək istəyirəm...  

Avanqard.net

Yenililklər
27.01.22
"Ulduz"un 2022-ci ildə ilk sayı çap olunub
27.01.22
Ramin Allahverdi - Elm nədir? Elmin əsas meyarları hansılardır?
24.01.22
Anar Məcidzadə -  Gecələri göz yaşı, qaranlıq olur səhər
24.01.22
“Yevgeni Onegin” romanı bir milyon rubla satılıb
24.01.22
Fərid Hüseyn - Şeirə bürünmüş İstanbul - REPORTAJ
24.01.22
Azad Qaradərəli - Alpan kömürçüləri
24.01.22
Təbrizdə Qarabağı tərənnüm edən "Xarıbülbüllər" almanaxı çap olunub
18.01.22
Qurban Bayramov - Növbəti erməni məkrinə – erməniləşdirmə faktına münasibət
18.01.22
Rövşən Yerfi - Həyasızlıq kabusu bizi məhv edəcək!..
17.01.22
İlhamə Dağlı - Tobıktıda günəş doğdu
17.01.22
Azad Qaradərəli: "AYB-dan uzaqda qalmaq, təbii çətinliklər yaradıb mənə"
15.01.22
Mübariz Örən Yaradıcılıq Fakültəsinə rəhbər təyin olunub
11.01.22
Gülnar Yunusova -  Fenomen Haruki Murakami 73 yaşında
11.01.22
Kənan Hacı - Vaxt pəncərəsi
11.01.22
Azad Qaradərəlinin hekayəsi Türkiyə saytında yayımlanıb
10.01.22
Nadir Əzhəri - “İsanın qadını” və qadın ifadəsinin keyfiyyəti
06.01.22
Kənan Hacının yeni kitabı çap olundu
30.12.21
Günel Natiq - Ayı dərisi 
29.12.21
“Qarabağ ilmələrdə” sənədli filminin təqdimat mərasimi olub
29.12.21
“Ulduz”dan oxuculara endirim
29.12.21
Hacı Zeynalabdin Tağıyevlə bağlı film çəkiləcək
28.12.21
Habil Yaşar - SMS
28.12.21
Eşqin Məmmədov - Bu il başqa arzum var, hədiyyə istəmirəm
27.12.21
Ramil Əhməd Türkiyədə qalib oldu
27.12.21
Yazıçı Varisin kitabı İranda nəşr edilib
27.12.21
Nemət Mətin - İsanın qadını və ya Səxavət Sahilin "Məhəbbət" obrazı
24.12.21
Azad Qaradərəlinin yeni kitabı çap olunub
23.12.21
İlin son "Ulduz"u nəşr olundu
23.12.21
Fərid Hüseynin İstanbulda imza günü oldu - Foto
23.12.21
Cavanşir Atəşi - Xalqının taleyinə günəştək doğulmusan!
20.12.21
“Leyli və Məcnun” dastan-tamaşası təqdim olundu
20.12.21
“Qobustan” sənət toplusunun qış nömrəsi işıq üzü görüb
20.12.21
“Salnaməfilm” studiyasında il ərzində bir sıra yeni sənədli filmlər çəkilib
20.12.21
“Uşaq Avroviziyası - 2021” müsabiqəsinin qalibi bəlli olub
20.12.21
Minsk şəhərində Nizami Gəncəvinin heykəli ucaldılıb
16.12.21
Küyülü Nəccari Səid - Atam
16.12.21
Üfüqdə hansı cərəyan görünür? - SORĞU
13.12.21
Səxavət Sahil - Əkrəm Əylisli, Axundov, Mirzə Cəlil, Sabir və Türk ədəbiyyatı
13.12.21
Mərahim Nəsib - Əllərim göy üzündə, dodağımda dualar
13.12.21
Bakıda 15-21 dekabrda Milli Kitab Sərgisi keçiriləcək
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.