Çarlz Bukovski - Mənə eşqini gətir
03.07.13


Tərcümə: Cəlil Cavanşir

Harri pilləkəndən enib bağçaya girdi. Xəstələrin çoxu bağçada idi. Arvadı Qloriyanın da bağçada olduğunu demişdilər. Arvadını gördü, masaların birində tək-tənha oturmuşdu. Astaca arxadan ona yaxınlaşdı. Masanın ətrafını fırlanıb üzbəüz oturdu. Qloria dimdik oturmuşdu. Çox solğun idi. Harriyə baxdı, amma onu görmədi. Sonra gördü. 
-Konduktor sənsənmi? deyə soruşdu.

-Nəyin konduktoru?

-Mümkün olanın konduktoru.

-Xeyr, deyiləm.

Üzü solğun, gözləri solğun idi, solğun mavi.

-Necə hiss edirsən özünü, Qloriya?

Oturduqları ağ rənglə  boyanmış bir əsrlik dəmir masa idi. Masanın ortasına kiçik dibçək qoyulmuşdu. Hüznlü, əyiri budaqlarından sallanan cansız çiçəklər.

-Sən bir qəhbə xəstəsisən Harri. Qəhbə s...irsən.

-Bu düzgün deyil Qloriya.

-Ağızlarına da alırlarmı? Əmirlərmi?

-Ananı da gətirəcəkdim Qloriya, amma qripdən yatır.

-O yaşlı yarasanın həmişə narahatçılığı olur...Konduktor sənsənmi? 

Xəstələrin bəziləri masalara oturmuş, bəziləri ağaclara söykənmiş, bəzilər isə çəmənlikdə uzanmışdılar. Hərəkətsiz və səssiz idilər. 

-Yeməklər necədir Qloriya? Yoldaşın varmı?

-Qorxunc və xeyr, qəhbə s...ən!

-Oxumaq üçün nə isə istəyirsənmi, Qloriya?Oxumağın üçün nə gətirə bilərəm?

Qloriya cavab vermədi. Sonra sağ əlini qaldırdı, əlinə baxdı, yumruğunu sıxıb burnuna endirdi. Sərt. Harri uzanıb qadının əllərini tutdu. 
-Qloriya, lütfən.

Ağlamağa başladı Qloriya. 
-Niyə şokolad gətirmədin mənə?
-Şokoladda nifrət etdiyini demişdin mənə, Qloriya."

Qadının gözlərindən yaş axmağa başladı. 

-Şokoladda nifrət etmirəm! Şokolad çox xoşuma gəlir!

-Qloriya ağlama, lütfən... Şokolad gətirəcəyəm sənə, hər istədiyini gətirəcəyəm... Bura yaxın bir moteldə yerləşmişəm Qloriya, sənə yaxın olmaq üçün.

Qadının solğun gözləri böyüdü. 

-Motelə? Lənətə gəlmiş qəhbələrin biriylə bir yerdəsən! Porno filmlərə baxırsınız, tavan başdan-ayağa güzgüdür!

-Bir neçə gün sənə yaxın olacağam Qloriya, Harri təskinlik verici bir tonla dilləndi. Nə istəsən gətirəcəyəm.

-Elə isə eşqini gətir mənə, deyə qışqırdı Qloriya. Eşqini niyə gətirmirsən allahın bəlası?
Xəstələrdən bir neçəsi dönüb baxdı.

-Qloriya, kimsənin səni mənim qədər sevmədiyindən əminəm.
-Mənə şokolad gətirmək istəyirsən? G...nə sox o şokoladları!
Harri bir kart çıxardı cibindən. Motelin kartı idi. Qadına uzatdı. 
-Unutmadan bunu sənə verim. Zəng etməyinə icazə verirlər? Bir şeyə ehtiyacın olsa mənə zəng elə.

Qloriya cavab vermədi. Kartı götürüb qatladı, kiçik bir kvadrat elədi. Sonra əyilib ayaqqabısını çıxardı, kartı ayaqqabının içinə qoydu və ayaqqabısını təkrar geyindi.

Harri doktor Censenin onlara doğru gəldiyini gördü. Doktor Censen dişini ağardaraq yaxınlaşdı və "vay, vay, vay..." dedi.

-Salam doktor Censen, Qloriya soyuq bir səslə dilləndi.

-Otura bilərəmmi?  Həkim soruşdu.

-Əlbəttə. Qloriya cavab verdi.

Həkim gombul bir adamdı. Dikbaşlıq, məsuliyyət və nüfuz qoxusu gəlirdi ondan. Qaşlarının gur və ağır bir görünüşü vardı. Gur və ağır idilər. Sanki aşağı sürüşüb yumru ağızına girmək istəyirlər lakin həyat icazə vermirdi.

Həkim, Qloriyaya baxdı. Sonra Harriyə döndü. 

-Bəli, son günlərdə qeyd etdiyimiz irəliləmədən son dərəcə məmnunam...

-Bəli doktor Censen,  bir az əvvəl Harriyə özümü çox balanslı hiss etdiyimi, konsultasiya və qrup müalicələrinin nə qədər faydalı olduğunu deyirdim. Məntiqsiz əsəbim, səbəbsiz çılğınlığım, dağıdıcı özümə acıma hissim azaldı...

Qloriya əllərini qoynuna qoyub, gülümsəyirdi.

Həkim Harriyə gülümsədi. 

-Qloriyada fövqəladə irəliləmə var!
-Bəli, dedi Harri, fərqindəyəm.

-Məncə yaxın vaxtda səninlə evə gedəcək, Harri.

-Siqaretinizdən bir dənə götürə bilərəm? deyə soruşdu Qloriya.

-Əlbəttə, dedi həkim. Cibindən ekzotik bir siqaret qutusu çıxarıb bir dənəsini ona uzatdı Qloriya siqareti götürdü. Həkim qızılı alışqanını uzadaraq siqareti yandırdı. Qloriya bir nəfəs alıb tüstüsünü havaya üfürdü...

-Xariqüladə əlləriniz var dokto Censen, dedi Qloriya.

-Təşəkkür edirəm canım.

-...və xilaskar bir xasiyyətiniz, ovsunlayıcı..."

-Hamımız əlimizdən gələni edirik burada... dedi doktor Censen yavaşca. İndi icazənizi istəyirəm. Digər xəstələrlə də maraqlanmalıyam.

Cəmdəyini stuldan rahatlıqla qaldıraraq başqa bir masaya, xəstəsini ziyarət edən bir qadının yanına getdi.

Qloriya gözlərini Harriyə tikdi. 
-İyrənc gombul! Günorta yeməyi əvəzinə tibb bacılarının poxunu yeyir..."

-Səni görmək çox gözəl idi Qloriya, amma uzun yoldan gəlirəm, istirahət etməyə ehtiyacım var. Həkim haqlıdır məncə. Səni daha yaxşı gördüm. Qadın bir qəhqəhə çəkdi. Coşğulu bir qəhqəhə deyildi amma. Səhnədə çəkilən əzbərlənmiş qəhqəhələrdən biriydi. -Heç irəliləmə olmayıb, gerilədim hətta...

-Doğru deyil...

-Xəstə mənəm, balıqbaş. Hər kəsdən daha yaxşı diaqnoz qoya bilərəm.

-Balıqbaş nə deməkdir?

-Başının balığı xatırlatdığını deyən olmayıbmı bu günə qədər?
-Xeyr.

-Təraş olarkən aynaya diqqətli bax. Çalış üzgəclərini kəsməyəsən.

-Mən gedirəm...Sabah yenə gələcəyəm...

-Gələn səfər konduktoru gətir.

-Niyə istəmirsən ki, sənin üçün nə isə gətirim? 

-Qəhbənlə s...işməyə gedirsən.

Sənə “New York” jurnalı gətirimmi? Əvvəllər sevərdin o jurnalı...

-"New York” jurnalını g...nə sox, balıqbaş! Və “TIME” ilə davam elə!
 Harri uzanıb qadının öz özünü yumruqladığı əlini sıxdı. 
-Güclü ol, özünü buraxma. Tezliklə yaxşılaşacaqsan...

Qloriya onu eşitdiyini hiss etdirmirdi. Harri yavaşca qalxdı, döndü və pilləkənə doğru addımladı. Yarı yolda dönüb Qloriyaya yüngülcə əl elədi. Qadın heç tərpənmədi də...



Telefona zəng gələndə qaranlıqda özlərində deyildilər
Harri dayanmasada telefon  da susmadı. Çox narahat idi. Yumşalmağa başladı.

-Allah lənət etsin! dedi və qadının üstündən qalxdı. Lampanı yandırıb telefonu açdı.

-Alo?

-Qəhbənlə s...işirdin? Zəng vuran Qloriya idi.

-Qloriya, bu saatda zəng vurmağa icazə verirlər? Yuxu həbi vermirlər, sənə?

-Niyə bu qədər geç açdın telefonu?
-Sən heç sıçmırsanmı? Sıçarkən yaxaladın məni. Tam ortasında...
-Ümid edirəm... Mənimlə danışdıqdan sonra bitirəcəksənmi? 
-Qloriya, lənətə gəlmiş paranoyana görə ordasan.
-Balıqbaş. Get adamı s..k qurtar
Qloriya dəstəyi asdı.
Nanın əynində gecəliyi vardı. Yatağın kənarına oturmuşdu, su qatılmış viskisi tumbanın üstündə idi. Bir siqaret yandırıb qıçını qıçının  üstünə aşırdı

-Həəəə, necədir sənin sevimli qancığın? deyə soruşdu.

-Harri özünə içki süzüb onun yanında oturdu.

-Təəssüf edirəm Nan...

-Niyə, kimin üçün? Mənim üçünmü, yoxsa onun üçünmü? 

Harri viskisini başına çəkdi. 

-Lənətə gəlmiş teleseriala çevirməyək olanları.

-Eləmi? Yaxşı, nəyə çevirək? Samanlıqda seyranamı? Qurtarmaq istəyirsənmi? Yoxsa hamama gedib əlinə qurtaracaqsan?" Harri Nana baxdı. 
-Düşüklük eləmə. Vəziyyəti ən azı mənim qədər başa düşürdün. Gəlmək istəyən sən idin!

-Səninlə gəlməsəydim bura qəhbənin birini uzadacağını bildiyim üçün!

-Allah lənət eləsin! dedi Harri. Yenə o söz.

-Hansı söz! Hansı söz? Nan içkisini başına çəkib stəkanı divara tolazladı.

Harri gedib stəkanı qaldırdı, doldurdu, Nana verdi və özünə yenə içki süzdü.

Nan stəkanına baxdı, bir qurtum içdikdən sonra tumbanın üstünə qoydu. 
-Zəng edəcəm ona, hər şeyi izah edəcəyəm!

-Elə şey etməyəcəksən! O xəstə bir qadındır.

-Bəs sən? Sən də xəstəsən, qəhbə balası!

O an telefona zəng gəldi. Telefon Harriın qoyduğu yerdə, otağının ortasında yerdə idi. İkisi də yataqdan telefona tərəf atıldılar. İkinci zəngdə ikisi də telefona çatmış, dəstəkdən yapışmışdılar. Xalçanın üstündə, təngnəfəs, qollarla qıçlar çarəsizlik içində birləşmiş halda diyirlənməyə başladılar. Bütün tavanı əhatə edən güzgüdə də beləcə əks olundular.

Yenililklər
22.06.24
Şahid ifadəsi - Zərdüşt Əlizadə yazır...
13.06.24
“Divanü lüğat-it-türk”ün II və III cildləri nəşr olunub
13.06.24
“Ulduz” jurnalının may nömrəsi çap olunub
13.06.24
Azərbaycanda aparıcı teatrların siyahısı təsdiqlənib, işçilərin maaşları artırılıb
05.06.24
Özbəkistanlı şairlərin şeirləri Azərbaycan dilinə tərcümə edilərək nəşr olunub
05.06.24

Qulu Ağsəs haqqında yeni kitab çap edilib

24.05.24
Kino şirkətlərinə yeni imkan: post-prodakşna dəstək
22.05.24
Kənan Hacı - Salman Mümtaz Leninə nə deyəcəkmiş?
22.05.24
2024-cü ilin Ədəbiyyat üzrə Beynəlxalq Buker Mükafatının qalibi məlum olub
21.05.24
Professor Edmund Herziq: Nizami Gəncəvinin əlyazmalarının vahid kataloqu üç dildə nəşr ediləcək
21.05.24
Azərbaycanda iki teatrın adı dəyişdirilir və işçilərinin maaşı artırılır
20.05.24
“Linqvistik nəzəriyyənin əsasları” kitabı nəşr olunub
20.05.24
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
20.05.24
Fransada azərbaycanlı rəssamın fərdi sərgisi keçirilib
15.05.24
Ülvi Babasoyun “Ədəbiyyatda postmodernizm: oyun estetikası” kitabı təqdim olunub
09.05.24
Həcər Atakişiyeva - Məhəmməd Füzulinin poeziyasının dili və üslubi xüsusiyyətləri
06.05.24
Həmid Herisçi: Öz adıma ədəbiyyat müharibəmi bitirdim
06.05.24
Kino Agentliyi “Qızılalma” Festivalında mükafata layiq görüldü
06.05.24
Kino ictimaiyyəti narahatdır: 38 nömrəli qərar ləğv olunacaqmı?
04.05.24
Cahid Camal “Xalq Əmanəti” layihəsinin 24-cü nəşrində
03.05.24
Gülnar Səma - Ramil Mərzilinin “Qadağan olunmuş şeirlər”i
03.05.24
Asif Rüstəmlinin “Cümhuriyyət məfkürəsi” kitabı çap olunub
03.05.24
Azad Qaradərəli - Şəhid toyu
02.05.24
ARKA-nın Apellyasiya Komissiyası müraciətlərlə bağlı qərar verdi
02.05.24
“Əlyazma abidələri: ənənə və müasirlik” kitabı çapdan çıxıb
02.05.24
Məşhur yazıçı Pol Oster vəfat edib
02.05.24
Azərbaycanlı alimin beynəlxalq konqresdə məruzəsi dinlənilib
02.05.24
Türkiyənin bütün bölgələrində Azərbaycan Mədəniyyət Günləri keçiriləcək.

01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
30.04.24
Ömür gəlib keçər, qalan əməldir
29.04.24
Qulu Ağsəs - 55
29.04.24
 Yazıçı Eyvaz Zeynalovun “Nadir şah” romanı nəşr olunub
26.04.24
Mahir N. Qarayev - Mənə o dünyanı göstər, İlahi
25.04.24
Bakıda Çingiz Aytmatovun abidəsinin açılış mərasimi
25.04.24
Abbasqulu ağa Bakıxanovun “Riyazül-qüds” əsəri nəşr olunub
25.04.24
Mədəniyyət Nazirliyi “Nəşrlərin satın alınması müsabiqəsi”ni elan edir
24.04.24
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.