Məni

Haqqın qəndilində gizli sirr idim

Anamın elinə endirdin məni.

Ağ mürəkkəb idim, qızıl qan etdin

Cürbəcür rənglərə yandırdın məni.

Anamın qarnında mən nələr gördüm.
Yeddi dərya gördüm, ümmana daldım
Doqquz aylıq yoldan səfərə gəldim
Bir qapısız xana endirdin məni.

Mən də duydum, axır dünyaya gəldim
Təmizlənib bələklərə bələndim.
Bir yaşımda beşikləri əylədim
Anamın südünə qandırdın məni

Beş yaşında ağıl gəldi başıma
On yaşında gedər oldum işimə.
Bir zaman yetəndə on beş yaşına
Bir quru sevdaya saldırdın məni.

On beş yaşdan iyirmiyə yol oldu
Otuzunda dörd bir yanım göl oldu.
Qırxa çatdım, xeyir-şərim bəll oldu
Xeyrimi, şərimi bildirdin mənə.

Əllidə ömrümün yarısı keçdi
Altmışımda yolum yoxşuşa düşdü.
Yetmişimdə bir az təbdilim çaşdı
Mərtəbə-mərtəbə endirdin məni.

Səksənimdə vəsiyyətim yazıldı
Doxsanımda qan damarım üzüldü.
Yüz yaşımda əzalarım pozuldu
Bir sabi-məsuma döndərdin məni

Qaracoğlan der ki, yaxdın, yandırdın
Əcəl şərbətini verdin, qandırdın.
Əmr eylədin, Əzraili göndərdin
Bir də yox dünyada dindirdin məni.