Özünün orijinal layihələrilə fərqlənən "Xəyal Production"un təşkilatçılığı ilə keçirilən tədbir bu dəfə miqyasını bir qədər də genişləndirəcək.

 

"Xəyal Production"un rəhbəri, şair-jurnalist Xəyal Rza bildirib ki, bu dəfə tədbirdə əcnəbi ölkələrin söz adamları, ədəbiyyatçılar, sənət adamları və musiqiçilər iştirak edəcək.

Türkiyə, Qırğızıstan, Özbəkistan, Gürcüstan, Ukrayna və Rusiyadan dəvət olunan qonaqların geniş siyahısını təqdim edirik:

Yeşim Ağaoğlu (Türkiyə) - şairə,9 kitab müəllifi,

Ender Balkır (Türkiyə) –Türk xalq musiqisi ifaçısı,

Mehmet Özkaya (Türkiyə) –TRT solisti, Türk sənət musiqi ifaçısı,

Tuğba Akyuz (Türkiyə) –menecer,

Gulay Sezer (Türkiyə) –sənətçi, Ələkbər Tağıyevin "Sən gəlməz oldun" mahnısını Türkiyədə tanıdan müğənni,

Yakup Ömeroğlu (Türkiyə) - Avrasiya Yazıçılar Birliyinin sədri, "Qardaş Qələmlər" jurnalının təsisçisi,

Dmitro Stus (Ukrayna) - Taras Şevçenko adına Ədəbiyyat Muzeyinin direktoru, Prezident yanında Mədəniyyət Şurasının üzvü, Ukrayna Yazıçılar Asosiasiyasının vitse prezidenti,

Mixail Sinelnikov (Rusiya) –şair, akademik, tərcüməçi (Xaqani ,Nəsimi),

Dalmira Tilepbergenova (Qırğızıstan) – Bişek PEN Təşkilatının prezidenti, şair, kinorejissor,

Xurşud Davron (Özbəkistan) -  Xalq shairi 

Giorgi Kekelidze (Gürcüstan) – Milli Parlament Kitabxanasının direktoru, şair 

Mərasimin XX əsr Azərbaycan şeirinin öncüllərindən biri olan unudulmaz şair Mikayıl Müşviqin doğum günü ilə "Şairlər günü"nün üst-üstə düşməsi təsadüfi deyil.

 

Bu həm bütövlükdə poeziyaya, həm də milli şeirimizin çox sevilən nümayəndəsinə olan hörmətin təzahürüdür. Odur ki, tədbirin təşkilatçıları məhz Müşfiqin adını daşıyan mükafatın şairlərə verilməsini məqsədə müfaviq hesab edir.

 

Qeyd edək ki, bu dəfə "Şairlər günü" "Govhar Group"un təşkilati dəstəyi ilə Muğam Mərkəzində keçiriləcək.