Şərif Ağayar - Ona qız gəlməyəcək
30.05.13

Çərlədib axırına çıxdığımız M.F.Axundovun əsrlərin gödənini yırtaraq gələcəyə doğru təşəxxüslə addımlayan məşhur “Hacı Qara” əsəri, əgər xatırlayırsınızsa, Heydər bəyin monloqu ilə başlayır. Heydər bəy gənc, yaraşıqlı, qoçaq bir oğlandır. O, ailə qurmaq, müstəqil həyata atılmaq, adam balası kimi yaşamaq istəyir. Fəqət bütün yollar bağlıdır. Əldə bir sənət yox, mövcud vəziyyət yaxşı heç nə vəd etmir. Rus hökuməti olmaya, əvvəlki vədələr ola, Heydər bəy kimi igid bir cavan arvad almaqda acizmi qalardı? O saat yol kəsər, xərac alar, lazım gəlsə, adam öldürərdi. Amma indi?! Üf-püf! Kişinin dərdi deyiləsi deyil. Yeganə yol: qaçaqmalçılıqdır! Yəni, nə olur-olsun, qanundan kənar bir iş görməlidir ki, əlinə-ovcuna nəsə gəlsin. 

Vəziyyət sizə tanış gəlmir ki? 

Sizi bilmirəm, şəxsən mənə o qədər tanış gəlir ki, elə bil ağlım kəsəndən bu vəziyyət dediyimiz andırla bir yerdə olmuş, dost-aşina kimi qolboyun yaşamışıq!

Mənim bir tanışım var, gözəl müəllim idi. Orta məktəb maaşı ilə heç cür dolana bilmədiyi üçün texnikuma keçdi. Burda qaz vurub qazan doldurmaq imkanı vardı da, bu başıbatmış bir iş görə bilmədi. Mən pul aldığım uşaqların auditoriyasına girə bilmərəm! Külü qoyum sənin müəllim başına! Elə bil marsdan-zaddan gəlib.
 
Nəsə... Bu da alınmadı. Müəllimlikdə perspektiv görmədiyi üçün keçdi jurnalistikaya. Yenə də maaş! Hərənin gündə bir qəzet açdığı dönəmlər idi. Hələ hörmətli Əflatun Amaşov yoldaşın qara siyahısı da yox idi. Gözümün qabağında neçə adam qəzet-jurnal hesabına varlandı, ev-mülk, var-dövlət yiyəsi oldu. Mənim tanışım yalnız yaxşı yazmaq peşində idi. Deyən yox idi ki, ay ağılsız, tutaq ki, bir kitablıq, ya iki kitablıq nəsə yazdın, nə dəyişəcək? Yaxşı jurnalist olmağına baxmayaraq burda da özünü dolandıra bilmədi. Nə qədər qarın çörəyinə işləmək olar? Yaş da ötüb keçir. Bunun ailə qurması var, toy-düyünü, ev-eşiyi var! Kimdi sənə “komsomolski” qız verən?

Ağlına hardan gəldisə məmurluğa imtahan verdi. Axmaq olsa da savadı var. Sənəd verdiyi yeri qazandı və bir gün gördüm ki, qırmızı qalstuk taxıb. Ancaq az keçməmiş maaşların azlığından gileylənməyə başladı. Gülməkdən uğunmuşam! O məmur ki, maaşın azlığından gileyləndi, alnının çatına paslı bir güllə lazımdır! Adam yanıb-tökülür! Ya, insan oğlu, səndə bir zərrə də olsun qeyrət yoxdurmu? Özündən başqa maaşdan gileylənən məmur gördünmü heç? 

İndi saç tökülüb, qarın başlayıb yekəlməyə... İndən belə pul-parası olsa da ona qız gəlməyəcək.  
      
Hələ bu soxasoxda yaradıcılıqla məşğul olan gənclər var. Bismillah olsun! Adamın canına vicvicə düşür! Nə edəcəklər, hara üz tutacaqlar, hansı qapını döyəcəklər? Bu adamları iki yol gözləyir, ikisi də fəlakətdir. Biri həqiqətin yanında şöngüyən məhrumiyyət, o biri ləyaqətsizliklə şərtlənən rahat həyat!

Nə yapasan, nə edəsən - o məmləkətdə ki, müğənni, idmançı və cinayətkar olmadan pul-para qazanmaq mümkün deyildir?!

İndi qaçalmalçılıq da mümkün deyil. Maşallah bizim gömrük kimsəyə göz açdırmır.

Allah işlərini avand eləsin! /qaynar.info/

Yenililklər
27.01.22
"Ulduz"un 2022-ci ildə ilk sayı çap olunub
27.01.22
Ramin Allahverdi - Elm nədir? Elmin əsas meyarları hansılardır?
24.01.22
Anar Məcidzadə -  Gecələri göz yaşı, qaranlıq olur səhər
24.01.22
“Yevgeni Onegin” romanı bir milyon rubla satılıb
24.01.22
Fərid Hüseyn - Şeirə bürünmüş İstanbul - REPORTAJ
24.01.22
Azad Qaradərəli - Alpan kömürçüləri
24.01.22
Təbrizdə Qarabağı tərənnüm edən "Xarıbülbüllər" almanaxı çap olunub
18.01.22
Qurban Bayramov - Növbəti erməni məkrinə – erməniləşdirmə faktına münasibət
18.01.22
Rövşən Yerfi - Həyasızlıq kabusu bizi məhv edəcək!..
17.01.22
İlhamə Dağlı - Tobıktıda günəş doğdu
17.01.22
Azad Qaradərəli: "AYB-dan uzaqda qalmaq, təbii çətinliklər yaradıb mənə"
15.01.22
Mübariz Örən Yaradıcılıq Fakültəsinə rəhbər təyin olunub
11.01.22
Gülnar Yunusova -  Fenomen Haruki Murakami 73 yaşında
11.01.22
Kənan Hacı - Vaxt pəncərəsi
11.01.22
Azad Qaradərəlinin hekayəsi Türkiyə saytında yayımlanıb
10.01.22
Nadir Əzhəri - “İsanın qadını” və qadın ifadəsinin keyfiyyəti
06.01.22
Kənan Hacının yeni kitabı çap olundu
30.12.21
Günel Natiq - Ayı dərisi 
29.12.21
“Qarabağ ilmələrdə” sənədli filminin təqdimat mərasimi olub
29.12.21
“Ulduz”dan oxuculara endirim
29.12.21
Hacı Zeynalabdin Tağıyevlə bağlı film çəkiləcək
28.12.21
Habil Yaşar - SMS
28.12.21
Eşqin Məmmədov - Bu il başqa arzum var, hədiyyə istəmirəm
27.12.21
Ramil Əhməd Türkiyədə qalib oldu
27.12.21
Yazıçı Varisin kitabı İranda nəşr edilib
27.12.21
Nemət Mətin - İsanın qadını və ya Səxavət Sahilin "Məhəbbət" obrazı
24.12.21
Azad Qaradərəlinin yeni kitabı çap olunub
23.12.21
İlin son "Ulduz"u nəşr olundu
23.12.21
Fərid Hüseynin İstanbulda imza günü oldu - Foto
23.12.21
Cavanşir Atəşi - Xalqının taleyinə günəştək doğulmusan!
20.12.21
“Leyli və Məcnun” dastan-tamaşası təqdim olundu
20.12.21
“Qobustan” sənət toplusunun qış nömrəsi işıq üzü görüb
20.12.21
“Salnaməfilm” studiyasında il ərzində bir sıra yeni sənədli filmlər çəkilib
20.12.21
“Uşaq Avroviziyası - 2021” müsabiqəsinin qalibi bəlli olub
20.12.21
Minsk şəhərində Nizami Gəncəvinin heykəli ucaldılıb
16.12.21
Küyülü Nəccari Səid - Atam
16.12.21
Üfüqdə hansı cərəyan görünür? - SORĞU
13.12.21
Səxavət Sahil - Əkrəm Əylisli, Axundov, Mirzə Cəlil, Sabir və Türk ədəbiyyatı
13.12.21
Mərahim Nəsib - Əllərim göy üzündə, dodağımda dualar
13.12.21
Bakıda 15-21 dekabrda Milli Kitab Sərgisi keçiriləcək
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.