Qeysər Əminpurun şeirləri
29.05.13

Fars şairi (1959-2007)


Ariz Tarverdiyevin tərcüməsində








“Qaf”

və  “Q”  
eşqin sonuncu hərfi.
Mənim kiçik adımın başlandığı yer!


Stansiyanın səfəri

Qatar gedir,
Sən gedirsən
Bütün stansiya gedir.

Və mən necə də sadəlövhəm.
İllər boyu
sənin intizarınla
bu getmiş qatarın kənarında dayanmışam,
həmçinin, getmiş stansiyanın pillələrinə
söykənmişəm.


Sən bacararsanmı?

Mən
illər uzunu öldüm
bir dəm yaşamaq üçün.

Bəs
sən necə
bir zərrə,
bir misqal
mənim kimi ölməyi
de, bacararsanmı?


Ov

Balıqçı
yemlərini dənizə tökdü.
Sevincək qayıtdı.
Bom-boş torun arasında
ölüm
çabalayırdı.
təkcə.


Yazılmamış şeir

Yox!
Eşqlə daha işim yoxdu!
Mən heç nəyi, mən heç kimi
daha
bu zəmanədə sevməyəcəyəm.

Sanki
bu ruzigarın gözü yoxdu məni və səni
bir gün
xoşbəxt və kədərsiz görməyə.

Çünki
hər şeyi və hər kəsi
daha çox sevsən əgər,
hətta bir siqareti 
hətta zəhrimarı belə
səndən əsirgəyər...


Mən bütün vücudum ilə
                            Özümü ölülüyə vurmuşam.
Rüzigarın daha mənlə işi olmasın deyə.
                            Bu təzə şeiri də
yazılmamış sayıram...
                            Ruzigar qoxu almasın deyə.

Dedim ki,
           eşqlə işim yoxdu mənim!

                                                         
       
Dünya aşiqlərinin yaşıdı (3)

...Amma
Bizim möcüzəmiz elə bu idi:
Biz eşqi məktəbə apardıq.
Qısa dəhliz boyunca,
o kiçik kitabxanada
əmanət götürdüyümüz o kitabı
-işarələr kitabını-
                     birlikdə bir neçə saniyə 
oxuyaq deyə.



***
Biz səssizcə mütaliə edirdik.
Amma kitabı vərəqləyən zaman,
təkcə,
hərdən bir-birimizə bir nəzər...
Qəfil
“hisss!” barmaqları 
hər tərəfdən 
bizə tuşlanırdı.
Elə bil,
gözlərimizin səs-küyü
kitabxanada
sükuta
riayət eləməmişdi.



Qaçılmaz ahəng

-Bəs nə üçün
şeirlərinin ahəngi belə tutqun, kədərli
rəngi belə acıdır?

-Quzu beləcə aram, başını önə əymiş
öz ayaqları ilə
qaçılmaz təqdirin sallaqxanasına
yaxınlaşarkən
        boynundakı zınqırovun,
ah, necə ahəngi var?
                                              
       
                                                                    
Qürub

Bütün cəngəllik
Günəşin cənazəsinə
namaz qılır.
Amma, ağaclardan
-küləklərin inancına rəğmən-
bu camaat namazında
heç biri səcdəyə getməyəcək
torpaq üzərinə.


Ağappaq sətirlər

Sözbəsöz
sətirbəsətir
Səhifə-səhifə
fəsil-fəsil
Mənim saçlarım ağarır
Sətir-sətir
Dəftərimin səhifələri də
qara rəng alır.


Bütün hövsələn ilə
bəyaz saçlarımı 
dənə-dənə
tək-tək
saymaq istədin
Mehriban əllərin
yolun baçlanğıcında yorular, dedim.
Özünə başqa bir yol seç,

Vərəqlə dəftərimi!
Nöqtə-nöqtə
sözbəsöz
sətir-sətir
şeirlərimi.
Hesabla, 
tükbətük
saçlarımın dənləri tək.



Sabah yenidən...

Növbə
       intizar
növbə
       imza
nömrə
       yenə də
imza.



Sabah yenidən
         növbə
intizar
          imza
nömrə

Ey kaş, külək...
Kaş ki, külək bütün bu kar-kağızı sovurardı!


Kaş külək...
ya da,
bir zərrə etimad...

Ölüm
Biz
səni
bütün ömrümüz boyunca anlamırıq,
amma,
Sən
qəflətən
hamını anlayırsan!

Heyrət
Gedişinlə bütün ağızlar 
qalıb açıq...
Sanki deyirdilər:
Qaç,
aradan çıx!

Böyük arzu
Nə o qədər böyüyəm
kiçik sayam özümü,
Nə o qədər kiçiyəm
özümü böyük ...

“Orta”lıqdan qaçmaq
böyük arzudur?
Məbada günü
Sən olmayınca
Nə varlarımız
Gərəyincədir
Nə də “gərək”lərimiz...
 
Həmişəki tək sözümün sonunu
və son sözümü
qəhərlə yeyirəm.
Bir ömürdü
cılız təbəssümlərimi
ürəyimdə yığıb saxlayıram:
Məbada gününə qalsın deyə!
 
Amma təqvim səfələrində
“Məbada günü” deyə bir gün yoxdur
O gün, hər nə də olsa,
Dünənə bənzər bir gün
Sabaha bənzər bir gün
Lap bu günlərimizə tay bir gündür
Lakin kim nə bilir?
Bəlkə,
Bu gün də məbada günüdür!

 
***
Sən olmayınca
Nə varlarımız
Gərəyincədir
Nə “gərək”lərimiz...
 
Sənsiz hər gün
Məbada günüdür!


Sükut fürsəti

Qalx, bu ürəyin qanıyla abdəst alaq, niyət edək
Bu nəğmənin sularında birgə çimək, təmizlənək.

Ömür qısa, səssizliyin fürsəti çoxdur hələ ki,
Acıdır sükutun dadı, gəl, bir azca söhbət edək.

Yenililklər
24.01.22
Anar Məcidzadə -  Gecələri göz yaşı, qaranlıq olur səhər
24.01.22
“Yevgeni Onegin” romanı bir milyon rubla satılıb
24.01.22
Fərid Hüseyn - Şeirə bürünmüş İstanbul - REPORTAJ
24.01.22
Azad Qaradərəli - Alpan kömürçüləri
24.01.22
Təbrizdə Qarabağı tərənnüm edən "Xarıbülbüllər" almanaxı çap olunub
18.01.22
Qurban Bayramov - Növbəti erməni məkrinə – erməniləşdirmə faktına münasibət
18.01.22
Rövşən Yerfi - Həyasızlıq kabusu bizi məhv edəcək!..
17.01.22
İlhamə Dağlı - Tobıktıda günəş doğdu
17.01.22
Azad Qaradərəli: "AYB-dan uzaqda qalmaq, təbii çətinliklər yaradıb mənə"
15.01.22
Mübariz Örən Yaradıcılıq Fakültəsinə rəhbər təyin olunub
11.01.22
Gülnar Yunusova -  Fenomen Haruki Murakami 73 yaşında
11.01.22
Kənan Hacı - Vaxt pəncərəsi
11.01.22
Azad Qaradərəlinin hekayəsi Türkiyə saytında yayımlanıb
10.01.22
Nadir Əzhəri - “İsanın qadını” və qadın ifadəsinin keyfiyyəti
06.01.22
Kənan Hacının yeni kitabı çap olundu
30.12.21
Günel Natiq - Ayı dərisi 
29.12.21
“Qarabağ ilmələrdə” sənədli filminin təqdimat mərasimi olub
29.12.21
“Ulduz”dan oxuculara endirim
29.12.21
Hacı Zeynalabdin Tağıyevlə bağlı film çəkiləcək
28.12.21
Habil Yaşar - SMS
28.12.21
Eşqin Məmmədov - Bu il başqa arzum var, hədiyyə istəmirəm
27.12.21
Ramil Əhməd Türkiyədə qalib oldu
27.12.21
Yazıçı Varisin kitabı İranda nəşr edilib
27.12.21
Nemət Mətin - İsanın qadını və ya Səxavət Sahilin "Məhəbbət" obrazı
24.12.21
Azad Qaradərəlinin yeni kitabı çap olunub
23.12.21
İlin son "Ulduz"u nəşr olundu
23.12.21
Fərid Hüseynin İstanbulda imza günü oldu - Foto
23.12.21
Cavanşir Atəşi - Xalqının taleyinə günəştək doğulmusan!
20.12.21
“Leyli və Məcnun” dastan-tamaşası təqdim olundu
20.12.21
“Qobustan” sənət toplusunun qış nömrəsi işıq üzü görüb
20.12.21
“Salnaməfilm” studiyasında il ərzində bir sıra yeni sənədli filmlər çəkilib
20.12.21
“Uşaq Avroviziyası - 2021” müsabiqəsinin qalibi bəlli olub
20.12.21
Minsk şəhərində Nizami Gəncəvinin heykəli ucaldılıb
16.12.21
Küyülü Nəccari Səid - Atam
16.12.21
Üfüqdə hansı cərəyan görünür? - SORĞU
13.12.21
Səxavət Sahil - Əkrəm Əylisli, Axundov, Mirzə Cəlil, Sabir və Türk ədəbiyyatı
13.12.21
Mərahim Nəsib - Əllərim göy üzündə, dodağımda dualar
13.12.21
Bakıda 15-21 dekabrda Milli Kitab Sərgisi keçiriləcək
13.12.21
Azərbaycan Yazıçılar Birliyinə qəbul elanı
13.12.21
Koreya-Azərbyacan II Humanitar Forumunu keçirilib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.