Böyük fransız yazıçısı, Nobel mükafatı laureatı Alber Kamünün çap edilən son romanı “Çöküş” Azərbaycan oxucusuna təqdim edilib. “Qanun” nəşriyyatında çap edilən romanı fransız dilindən Cavanşir Yusifli tərcümə edib. 

Romanın süjeti günah və günahsızlıq, azadlıq və insan varlığı kimi məsələlər kontekstində inkişaf edir. Bütün bu təsvirlərin, mühakimə və mülahizələrin son nəticəsi odur ki, həyat absurddan başqa bir şey deyil. Jan-Pol Sartrın fikrincə, “Çöküş” Kamünün ən anlaşıqlı və ən gözəl romanıdır.

“Çöküş” romanını Kamünün şah əsəri olan “Yabançı”nın davamı kimi də oxumaq mümkündür. “ Romanda əsas məqam – keçmiş vəkil Klamansın yağışlı bir gecə özünü göz yaşları içində körpüdən atan qızı seyr etməsi bütün mətndə özünü göstərir. Həyat, ölüm, varlıq, günah, azadlıq… kimi anlayışlar bir anda bütün mənasını itirir. /aznews.az/