Azərbaycan Yazıçılar Birliyinin “Natəvan” klubunda Rəsul Rza adına Beynəlxalq Ədəbiyyat Fondunun təsis etdiyi Rəsul Rza ədəbi mükafatının 2013-cü il üzrə qaliblərinin adları elan edilmiş və mükafat sahiblərinə təqdim olunmuşdur.

AzərTAc xəbər verir ki, mərasimdə çıxış edənlər Rəsul Rza şəxsiyyətindən və böyük şairin yaradıcılıq xüsusiyyətlərindən söhbət açmışlar.

Fondun rəhbəri, Xalq Şairi Fikrət Qoca bu mükafatın hər il ustad sənətkarın davamçıları olan ədəbiyyat, incəsənət, mədəniyyət xadimlərinə verildiyini bildirmişdir.

Sonra 2013-cü il üzrə ədəbi mükafat - Sayad Mustafa, Asif Cəfərov, Rəşid Faxralı, Mustafa Camal, Şövkət Zərin Horovlu, Güləmail, Zöhrə Əsgərova və Pərvinə təqdim olunmuşdur.