Qismət - Balansı gözləmək və ya əsəblərimizə elegiya
13.05.13

Yuxusuzlara və suyu çaydanın lüləsindən içənlərə ithaf olunur.
 
Rüneskenin sözüdür : "Sizin planlarınız var, mənimsə əsəblərim." Ədalət tərəzisinin gözü rəqqasəlik edəndə, əsəb ağacı gül-çiçək açır. Bizim ölkədə yəqin ki, çoxunuzun əsəb gülüstanı var, sizi bilmirəm, şəxsən məndə belədir. Kədərli orasıdır ki, get-gedə əsəblə yaşamağa da öyrəşirik və zaman keçdikcə elə bilirik ki, elə belə də olmalıdır. Neynək, olsun.
 
Mühit, xüsusən bizim sənət mühiti qəribə qaydalar icad etməkdə pərgardı. Məsələn, neçə illərdi müşahidə edirəm ki, bizdə yazılmamış bir qanun var: balans siyasəti. Bu balans siyasətinin kobud, qaba izahı belədir : fil boyda haqsızlıq edib, qarışqa boyda ədalətli iş tutmaq. Sizə deyim ki, bununla fəxr etmək çoxdan qanımıza hopub. Balans yaratmaq cəhdi özünüaldatmanın ən estetik formasıdı.Balans bizdən çox şey istəyir.
 
Balans istəyir ki, hamımız buqələmun olaq, dayandığımız yerin rənginə bürünək.
 
Balans deyir ki, balansı gözlə, balansın dolsun.
 
Balans başımıza tumar çəkir ki, mən sənin qiymətini bilirəm, darıxma, səni gələcək nəsillər qiymətləndirəcək.
 
Balans qəzəblənəndə deyir ki, çox atdanıb-düşmə, minnətin olsun ki, səni adam yerinə qoyuruq.
 
Balansın ürəyi yumşaqdı ; o mükafat verirsə, iki yerə bölür, sertifikat verirsə, əlli-altmış yerə.
 
Balansın əsəbləri hamımızın əsəblərindən əzizdir, buna görə də o problemdən danışmağı sevmir.
 
Balans ürəyiaçıqlıq göstərmək üçün özgələrə daha çox kömək edir, yanındakılar isə zatən yanındadır deyə vecinə də almır.
 
Balans arada adamın cibinə pul basır, qonaqlıq verir, tərifləyir, maaşını 50 manat artıq yazır.
 
Balans  çox inanclıdır ; özünə sərf edəndə, özəl marağı olanda,  çox səmimi şəkildə istedadsızın istedadlı olmasına inanır.
 
Balans dil pəhləvanıdır ; o bir cümlənin içində adamı həm təhqir edir, həm də könlünü alır.
 
Balans  çox əminliklə inanır ki, o yenilikçidir.
 
Balans həm də tez-tez deyir ki, yaxşı hər şey o vaxtlarda qaldı.
 
Balans  qohumcanlıdır ; bütün qohumlarını - qızını, oğlunu, əmisioğlunu, xalası uşağını, dayısı nəvəsini, bibisinin ərini, yeznəsini, qaynını hamını işə götürür.
 
Balans səyahətsevərdi ; Parisə özü gedir, Başqırdıstana işçilərini göndərir.
 
Balans düşünür ki, o həmişə yaxşıdır ; inciyir ki, niyə məndən inciyirlər ?
 
Balans şübhəçidir ; onun fikrincə hamını öyrədən var.
 
Balans  şeşələnəndə deyir ki, hər şeydən xəbərim var.
 
Balansın günahkar olanda deyir ki, bütün olanlara məəttəl qalmışam.
 
Balans şeirsevərdi ; 11 hecalı, çarpaz qafiyəli, kvadrat şeirləri çox sevir.
 
Balans nəsr aşiqidir; maqazin jurnallarının dili ilə yazılan, səthi, hər şeyi üzdə olan, birbaşa nəsr əsərlərini yüksək qiymətləndirir.
 
Balans kinosevərdi ; eşqbazlıqdan bəhs edən, ağlamalı sevgi filmlərindən ötrü sinov gedir.
 
Balans ədəbiyyatşünasdı ; fal kitablarını ədəbiyyata tətbiq etməyi çox sevir.
 
Balans ektrasensdir ; hər şeydə ruh axtarır.
 
Balans  bir nəfər deyil, balans çoxluqdur.
 
***
 
Dilində həmişə konservləşdirilmiş şüarları, teatral qəhqəhəsi olan adamlar müdirimiz, qonşumuz, tanışımız, hətta yaxın  qohumumuz belə olsa, onlardan aralı gəzmək fərzdir. Əsəblərin pəncərəsinə barmaqlıq, ürəyə anti-virus lazımdır ; dünyadakı qiymətli yeganə şeyi - İçimizi - bacarıb mümkün qədər qorumaq üçün. /kulis.az/  

Yenililklər
17.01.22
İlhamə Dağlı - Tobıktıda günəş doğdu
17.01.22
Azad Qaradərəli: "AYB-dan uzaqda qalmaq, təbii çətinliklər yaradıb mənə"
15.01.22
Mübariz Örən Yaradıcılıq Fakültəsinə rəhbər təyin olunub
11.01.22
Gülnar Yunusova -  Fenomen Haruki Murakami 73 yaşında
11.01.22
Kənan Hacı - Vaxt pəncərəsi
11.01.22
Azad Qaradərəlinin hekayəsi Türkiyə saytında yayımlanıb
10.01.22
Nadir Əzhəri - “İsanın qadını” və qadın ifadəsinin keyfiyyəti
06.01.22
Kənan Hacının yeni kitabı çap olundu
30.12.21
Günel Natiq - Ayı dərisi 
29.12.21
“Qarabağ ilmələrdə” sənədli filminin təqdimat mərasimi olub
29.12.21
“Ulduz”dan oxuculara endirim
29.12.21
Hacı Zeynalabdin Tağıyevlə bağlı film çəkiləcək
28.12.21
Habil Yaşar - SMS
28.12.21
Eşqin Məmmədov - Bu il başqa arzum var, hədiyyə istəmirəm
27.12.21
Ramil Əhməd Türkiyədə qalib oldu
27.12.21
Yazıçı Varisin kitabı İranda nəşr edilib
27.12.21
Nemət Mətin - İsanın qadını və ya Səxavət Sahilin "Məhəbbət" obrazı
24.12.21
Azad Qaradərəlinin yeni kitabı çap olunub
23.12.21
İlin son "Ulduz"u nəşr olundu
23.12.21
Fərid Hüseynin İstanbulda imza günü oldu - Foto
23.12.21
Cavanşir Atəşi - Xalqının taleyinə günəştək doğulmusan!
20.12.21
“Leyli və Məcnun” dastan-tamaşası təqdim olundu
20.12.21
“Qobustan” sənət toplusunun qış nömrəsi işıq üzü görüb
20.12.21
“Salnaməfilm” studiyasında il ərzində bir sıra yeni sənədli filmlər çəkilib
20.12.21
“Uşaq Avroviziyası - 2021” müsabiqəsinin qalibi bəlli olub
20.12.21
Minsk şəhərində Nizami Gəncəvinin heykəli ucaldılıb
16.12.21
Küyülü Nəccari Səid - Atam
16.12.21
Üfüqdə hansı cərəyan görünür? - SORĞU
13.12.21
Səxavət Sahil - Əkrəm Əylisli, Axundov, Mirzə Cəlil, Sabir və Türk ədəbiyyatı
13.12.21
Mərahim Nəsib - Əllərim göy üzündə, dodağımda dualar
13.12.21
Bakıda 15-21 dekabrda Milli Kitab Sərgisi keçiriləcək
13.12.21
Azərbaycan Yazıçılar Birliyinə qəbul elanı
13.12.21
Koreya-Azərbyacan II Humanitar Forumunu keçirilib
13.12.21
Ləman L.R. - Susaq, sükutumuz danışsın
08.12.21
"Kitabi-Dədə Qorqud" italyan dilində
08.12.21
“Ərəb ədəbiyyatının ehramı Nəcib Məhfuz” kitabı çapdan çıxıb
08.12.21
Hüseyn Cavidin “Topal Teymur” pyesi rus dilində işıq üzü görüb
08.12.21
Tramp prezidentlik fəaliyyəti barədə kitab yazır
08.12.21
Azərbaycanın iki filmi beynəlxalq festivalda mükafat qazanıb
02.12.21
“Məhəmməd İqbal: Eşq və düşüncə şairi” kitabı nəşr olunub
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.