Mədəniyyət və Turizm Nazirliyi əməkdar incəsənət xadimi, dövlət mükafatı laureatı, fəlsəfə elmləri doktoru., professor Aydın Dadaşovun, AMEA-nın Nizami adına Ədəbiyyat İnstitutunun Elmi Şurasının qərarı ilə çapa məsləhət görülən “Müasir Azərbaycan dramaturgiyası” monoqrafiyasını “Elm və Təhsil” nəşriyyatında çap etdirmişdir.

Kitabın elmi redaktoru mərhum akademikimiz Bəkir Nəbiyev, rəyçiləri f.e.d., professor Nizaməddin Şəmsizadə, fəlsəfə elmləri doktoru.,, professor Həsən Quliyevdir.

Monoqrafiyada müstəqillik dövründə ərsəyə gəlmiş və əsasən tamaşaya qoyulmuş pyeslər struktur, üslub və janr istiqamətində sistemləşdirilərək nəzəri baxımdan tədqiqata cəlb olunub. Kitab mütəxəssislərlə, tələbələrlə, teatrsevərlərlə yanaşı, teatr rejissorlarımız üçün təhlilə cəlb olunan əsərlərin gələcək səhnə yozumunda da dəyərli elmi mənbə sayıla bilər.


Aydın Dadaşovun həmçinin "İran kinosunun inkişaf təmayülləri" kitabı da çap olunub.

Azərbaycan Milli Elmlər Akademiyasının Memarlıq və İncəsənət İnstitutunun elmi şurasının qərarı ilə “İran kinosunun inkişaf təmayülləri” monoqrafiyası nəşr olunmuşdur.

Monoqrafiyanın müəllifi Əməkdar İncəsənət Xadimi, Dövlət mükafatı laureatı, filologiya elmləri doktoru, professor Aydın Dadaşovdur.

“Elm” nəşriyyatında çapdan çıxmış monoqrafiyada İranın ekran sənətinin formalaş­ma­sına təkan verən tarixi hadisələr dini-ideoloji amillər fonunda ölkənin neorealizm, “Yeni dalğa” cərəyan­la­rı­nın ustad kino sənətkarları ilə yanaşı, çağdaş nəsil və qadın rejissorlarının da filmləri mövzu, struktur, üslub, janr kontekstində xronoloji ardıcıllıqla təhlil olun­­­­muşdur.
Azərbaycan Dövlət Mədəniyyət və İncəsənət Universitetinin kinoşünaslıq kafedrasının müdiri Aydın Dadaşov, həmçinin “Dramaturgiya”, “Ekran dramaturgiyası”, “Ssenari yaradıcılığı” dərsliklərinin, “İslam və demokratiya”, “KİV-də reklam və marketinq problemləri”, “Televiziya reklamı demokratiya və bazar iqtisadiyyatı kontekstində” monoqrafiyalarının müəllifidir.