Aprelin 10-da Cəlil Məmmədquluzadənin ev-muzeyində “Molla Nəsrəddin” jurnalının ilk nömrəsinin çapdan çıxması münasibətilə “Molla Nəsrəddin-107” mövzusunda tədbir keçiriləcək.

Muzeyin direktoru Pərixanım Mahmudova bildirib ki, ədəbiyyat, mədəniyyət və elm xadimlərinin iştirakı ilə keçiriləcək tədbirdə görkəmli yazıçı-publisist, mühərrir Cəlil Məmmədquluzadə və onun silahdaşlarının yaradıcılığından danışılacaq, jurnalın məqsəd və məramından söhbət açılacaq.

Tədbirdə “Molla Nədrəddinçilər”, “Molla Nəsrəddin”in maarifçilik fəaliyyəti”, “Molla Nəsrəddin” və müasirlik” və s. mövzularda məruzələr dinləniləcək, jurnalın fəaliyyəti ilə bağlı sərgi nümayiş etdiriləcək. /AzərTAc/