Sevinc Elsevər - Qadınların qəribəlikləri
23.02.13

Tanıdığın  evlərə gedirsən, görürsən ki, bahalı mebellər var, içi qiymətli qab-qacaqla da doludur. Amma bircə dəfə də nə evin sakinlərindən bir nəfər, nə də ən əziz qonaq bu stəkanlardan birində bir stəkan çay içməyib, bu boşqabların birində yemək nədir, heç tort yeməyib. Elə bil padşahın özü üçün saxlayırlar bu qab-qacağı…Evin xanımı gətirdiyi bu cer-cehizlə qocalır, bayramdan-bayrama, seyrandan-seyrana əli əsə-əsə həmin qab-qacağı çıxarıb tozunu silir, təzədən yerinə düzür.

Dolabların, servantların, divanların üstü cürbəcür adda oyuncaq heyvanlarla dolu olur. Əlindən tutub qapısından uşağınla  girdiyin bu evlərdə uşaq potensial düşməndi. Evin sahibəsi oyuncaqları əlçatan yerlərdən yığışdırıb aparıb qoyacaq evin ən ucqar nöqtələrinə. Uşaq da baxacaq maddım-maddım, ağlayacaq, üzünü yerə sürtəcək. Evin sahibəsi nəinki utanmayacaq, uşağa düzgün tərbiyə vermək haqqında uzun-uzadı moizə oxuyub başını xarab eləyəcək.

Baxan deyər ki, bu qadın yumşaq oyuncaqları, bu ayıları, itləri, pişikləri  təbiətə olan sevgisindən evinə yığıb. Əsla. Qadının dolabı doludur cürbəcür heyvan dərisindən hazırlanmış şubalarla, ayaqqabılarla, çantalarla. Qapısına ac pişik gəlsə, ayaqqabısının burnu ilə vurub qovasıdır. İti can verən görsə, təpik vurub öldürəsidir. Sanitar epidemioloji mərkəzə  zəng eləyib küçədəki sahibsiz itlərin güllələnməsi  üçün yalvar-yaxardadı bütün günü.

Dekorativ güllərlə evini dolduran sahibələrin pəncərələrində nadir hallarda içində təbii gül yatan dibçəklərə rastlayarsan. Olsa da, o dibçəkləri evin, həyətin ən gözə görünməz yerlərində unudulmuş görərsən. Diblərinə bir qaşıq su tökən də tapılmaz, bu çiçəklər dekorativ ağacları sevən qadınlara ya qayınanalarından, ya analarından qalıb, üzə düşüb tullamırlar.   

Cehizlərini elə əzizləyirlər, elə gözə dürtürlər, baxırsan cehizin hay-hayı gedib, vay-vayı qalıb.  Ət, tikiş maşınıdır, sovetdən qalma soyuducudur, bir anbar işləməyən, heç nəyə yaramayan əşya tutub evin hər yerini. Ər beş dəfə həmin əşyalardan yenisini alıb, işlədiblər, köhnəldiblər, tullayıblar. Amma cehizlik əşyalar eləcə qalıb, ələ-ayağa dolaşmaqda. O səbəbdən ki, bu heç nəyə yaramayan dəmir-dümürü evin sahibəsinin dədəsi verib, qadının vaxtilə cah-cəlallı cehiz gətirdiyinin maddi  sübutudur, tarixi yadigardır.

Mücrü doludur qır-qızılla, ər borcun içindədir, oğul əsgərlikdədir, qız gəlin köçür, cehiz almağa pul yox. Ayağını dirəyir ki, qızıllar mənim bazarlığıma alınıb, satan deyiləm, verən deyiləm, dar günə saxlayıram. “Kəfən pulu saxlamışam”, - deyib oturub filan qədər pulun üstündə. Rəhmətliyin qızı,  kəfəni qızıl sapla tikəcəklər sənə?

Balonları doldurub kompotla, şorabalarla, mürəbbələrlə... Qonaq gələr, açarıq deyə-deyə bir də baxır ki, növbəti yaz fəslinin astanasındadı, balonlar hamısı xarab olub, nə yeməlidi, nə içməli. Başlayır dalbadal açıb tökməyə, evin adamlarını zəhərləməyə.
Üstəgəl bunun lüzumsuz qənaətcilliyi. Stolun üstünə xırda -xırda gətirir  hər şeyi... bir də baxır ki, ərzaqlar o qədər ləng yeyilib yerdə qalanı  xarab olub.

Çox, çox, çox  xoşbəxt olsalar da, xalxın, qonum-qonşunun dərdinə düşürlər, başqalarının problemlərindən danışıb-danışıb kişinin başını xarab eləyirlər, hətta ağlayırlar. Kişi də ayağa qalxıb əl-qolunu ölçə-ölçə hirslə belə deyir: “Mən ölmüşəm də, ağla...ağla... ağlar günə qalmış!”

 Bütün bu gülməli  qəribəliklərinə rəğmən, Azərbaycan qadını dünyanın ən gözəl qadınıdır. İçində də mən olmaq şərtiylə... Bu yazını 8 mart qadınlar bayramından qabaq üzə çıxartdım ki,  oxuyanda qadınların qanı qaralmasın. /teleqraf.com/

Yenililklər
29.11.22
Beynəlxalq Türk Mədəniyyəti və İrsi Fondu iki mədəniyyət paytaxtını bir araya gətirir
29.11.22
"II Sumqayıt Kitab Sərgisi keçiriləcək"
23.11.22
Günay Əfəndiyeva Daşkənddə Maqsud Şeyxzadənin heykəlini ziyarət edib
22.11.22
İntiqam Yaşar Tunisdə Beynəlxalq Poeziya Festivalında ölkəmizi təmsil edəcək
22.11.22
“Hayrettin Hoca” monoqrafiyası  nəşr edilib.
18.11.22
Kürdəmirdə Aşıq Şakirin 100 illik yubileyi keçirildi
17.11.22
Ədəbiyyat İnstitutunda “525-ci qəzet”in 30 illik yubileyinə həsr olunmuştədbir keçirilib
15.11.22
Beynəlxalq Türk Mədəniyyəti və İrsi Fondu Səmərqənd Zirvəsi çərçivəsində beynəlxalq simpozium keçirib
14.11.22
Günay Əfəndiyeva: “Gələcək genişmiqyaslı layihələrin həyata keçirilməsi üçün həvəslə və böyük səylə fəaliyyətimizi davam etdirməkdəyik”.
13.11.22
Dr. Yusuf Gedikli - Dillerin Şifresi - Dillerin Kökeni ve Türeyişi
10.11.22
“II ANAİB Gəncə Kitab Sərgisi” keçiriləcək
10.11.22
Tıxaclarda qalıbdı şad xəbərlər… - YENİ İMZA - Səbuhidən şeirlər
03.11.22
“Qarabağ zəfəri Güney və Quzey Azərbaycan yazarlarının gözü ilə” kitabı çap olunub
03.11.22
Azad Qaradərəli - Xalq şairinin ölümü
31.10.22
Beynəlxalq Türk Mədəniyyəti və İrsi Fondunda “Litva Karaimləri” adlı konfrans keçirilib
27.10.22
“Hüseyn Cavid romantizmi rənglərin işığında” adlı kitab çap olunub.
25.10.22
Tanınmış nəşriyyatların redaktorları bir arada
25.10.22
Vüqar Əhməd Türkiyədə konfransda iştirak edib
25.10.22
Azad Qaradərəli - Zori Balayanın azərbaycanlı vəkilləri yaxud ayı kimin əmisi oğludur?
21.10.22
Görkəmli ədəbiyyatşünas alimlərin anım günü qeyd olunub
19.10.22
Beynəlxalq Türk Mədəniyyəti və İrsi Fondu fəaliyyətini Avropada genişləndirməyə davam edir
17.10.22
“Ustad” dərgisinin 39-cu sayı Hüseyn Cavidə həsr edildi
12.10.22
Türk Dünyası Naşrilər Birliyi yaradıldı
09.10.22
Azad Qaradərəli - Yoxdan var və vardan yox olmağın poetik izləri
07.10.22
Beynəlxalq Türk Mədəniyyəti və İrsi Fondu VIII Beynəlxalq Kitab Sərgisi çərçivəsində yeni nəşrini təqdim edib
06.10.22
Ədəbiyyat İnstitutunda dərsliklərin müzakirəsi keçirilib
04.10.22
Beynəlxalq Türk Mədəniyyəti və İrsi Fondu Nizami Gəncəvinin yeni kitabını nəşr edib
28.09.22
Bölgələrdə kitab sərgisi təşkil olunacaq
28.09.22
Macar şairi Mikloş Radnotinin yaradıcılığına həsr olunmuş musiqili gecə keçirilib
26.09.22
Günay Əfəndiyeva Polşada bir sıra görüşlər keçirib
26.09.22
Şəmsəddin Şəmsinin “Dəh Mürğ” poemasının əlyazma nüsxələri əldə olunub
26.09.22
Azərbaycan Yazıçılar Birliyinin qurultayı təxirə salınıb
26.09.22
Günəş topla mənim üçün... - Etimad Başkeçidin yeni hekayəsi
23.09.22
“Şuşaya salam” Beynəlxalq Poeziya layihəsinin təqdimat mərasimi keçirilib
23.09.22
Polşada keçirilən VI Beynəlxalq Türkologiya Konqresində Azərbaycan təmsilçiləri fəal iştirak edib
22.09.22
Polşada Beynalxalq Türkologiya Kongresi çərçivəsində Azərbaycan musiqi gecəsi keçirilib
22.09.22
ANAİB-dən Ermənistanın son təxribatı ilə bağlı bəyanat
21.09.22
Ədəbiyyat İnstitutunda Dövlətşah Səmərqəndinin “Təzkirətüş-şüəra” kitabını təqdim edilib
21.09.22
Polşada VI Beynəlxalq Türkologiya Konqresi başlayıb
14.09.22
“Metafizika” jurnalının növbəti sayı (2022/3) işıq üzü görüb
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.