Qulu Məhərrəmli: "Əkrəm Əylisliyə qarşı hücumlar uğursuz şoudur"
01.02.13

“Görkəmli Azərbaycan yazıçısı Əkrəm Əylislinin “Daş yuxular” romanı ilə bağlı davranışlar bədii əsərə etiraz çərçivəsini aşaraq, qisas kampaniyasına və tragikomik şouya çevrilir”. Bu sözləri tanınmış jurnalist, professor Qulu Məhərrəmli deyib.

Onun sözlərinə görə, milli heysiyyətin böhranlı anlarında, xalqın minillik dəyərlərinin tapdandığı situasiyalarda susqunluq göstərənlərin hamılıqla və eyni vaxtda Azərbaycan bədii nəsrinin parlaq simalarından birinin üzərinə hücüma keçməsi yolverilməzdir: “Ötən əsrin 60-cı illərində Anar, Elçin, Sabir Əhmədov, Sabir Azəri kimi qüdrətli qələm ustaları ilə birlikdə yeni Azərbaycan nəsrini formalaşdırmış Əkrəm Əylisli bir-birindən maraqlı əsərlərində xalq ruhunu, parlaq milli mənəviyyatımızı yüksək sənətkarlıqla ifadə edib. İndi sözə, sənətə və ədəbiyyata yad çoxluğun belə bir yazıçını xalqı aşağılamaqda ittiham etməsi nə dərəcədə ədalətlidir? Kimsə Əkrəm Əylislinin xarakterini bəyənməyə, onun bəzən axına qarşı çıxmaq tərzini anlamaya, əsərlərinə dodaq büzə, hardasa rəngləri tündləşdirdiyini söyləyə bilər, amma heç kim onun istedadına və bu xalqa bağlılığına kölgə sala bilməz.

Əlbəttə, istənilən oxucunun bədii əsərdəki hansısa epizoda, hətta sözə və cümləyə görə yazıçıya etiraz etmək hüququ var, amma yazıçı da öz həqiqətini Tanrının ona verdiyi istedadla ifadə etmək haqqını daşıyır. Axı yazıçının Tanrı və oxucu qarşısında ilahi missiyası var. Bu missiya bədii obrazlar vasitəsilə şərə qarşı çıxmaq, ümumbəşəri ideyaları yaymaqdır. Əkrəm Əylisli də bütün böyük yazıçılar kimi bu missiyanın uğurunu hadisələri insan taleyindən keçirməkdə, məhz bu yolla bədii həyəcan yaratmaqda görür. Burada hansı xalqı aşağılamaqdan, hansı təhqirdən söhbət gedə bilər?! Bəyəm haqqında söhbət gedən romanın baş qəhrəmanı işıqlı düşüncə sahibi olan, iblisanə istəklərin meydan suladığı indiki mürəkkəb zamanda mənəvi dəyərləri yaşadan, bəşəri ideallardan çıxış edən azərbaycanlının obrazı deyil?

Təbii ki, mən belə həssas məqamda məlumatsız insanların kontekstdən ayrılıb verilən bədii parçalardakı ayrı-ayrı coşdurucu mənfi enerjinin təsirinə məruz qalmasını, yazıçıdan hadisələrin fotoqrafik təsvirini umanların həyəcanını anlayıram. Bu situasiyanın yaranmasından səmimi narahatlıq keçirənləri və əsərdəki bəzi məqamlara görə yazıçını qınayanları da başa düşürəm. Lakin prosesin qərəzli kampaniyaya çevrilməsi, vətənpərvərlik çuxası geyənlərin sayının birdən-birə artması adamı ciddi şübhələrə salır. İstər-istəməz bu qənaətə gələnlər olur ki, bu hay-həşir Əkrəm Əylislinin son dövrdəki tənqidi çıxışları ilə bağlıdır. Yazıçının özünün ona hücumların ölkədəki gündəmi dəyişmək cəhdi olduğunu deməsi də, görünür, təsadüfi deyil”.

Qulu Məhərrəmli sonda bildirib ki, istər diqqəti ciddi problemlərdən yayındırmağa cəhd və ya başqa siyasi texnologiya, yaxud sosial konfliktlərin idarə edilməsi mexanizminin işə salınması olsun – bütün hallarda Əkrəm Əylisliyə hücumlar azad düşüncəyə qarşıdır və mahiyyətə varmayan insanların hissləri ilə oynamağa yönəlmiş uğursuz şoudur: “Həm də bu addım neçə illərdən bəri cəmiyyətdə söz sahibi kimi nüfuzu olan həqiqi alim, yazıçı və şairlərə qarşı müxtəlif formalarda aparılan məkrli oyunun davamıdır. Ona görə bu oyun nə qədər tez dayandırılsa, Azərbaycan mənəviyyatı bir o qədər az zərər çəkmiş olar”. /"Media forum"/

Yenililklər
06.01.25
Sevil İrevanlı - Türkiyat Araştırmaları Enstitüsünün 100. Milletlerarası Kongresinden gözlemler, izlemler
11.12.24
İzzəddin Həsənoğlu və Mirzə Ələkbər Sabirin Türkiyədə nəşr olunmuş kitablarının təqdimatı olub
05.11.24
Azərbaycanlı alim Özbəkistanın Milli televiziya  kanalının məşhur “Shirchoy” verilişinin qonağı olub
29.10.24
Kinonun işğala dirənişi - İstanbulda müzakirə
19.10.24
Bədirxan Əhmədlinin “XX əsr Azərbaycan ədəbiyyatı tarixi” 3 cildlik kitabı çap olunub
15.10.24
Cəfər Cabbarlı Mükafatı təqdim olunub
15.10.24
Füzulinin həyat və yaradıcılığının tədrisinə dair yeni kitab nəşr olunub
11.10.24
Ədəbiyyat üzrə Nobel mükafatı laureatının adı açıqlanıb
10.10.24
XV Bakı Beynəlxalq Film Festivalının bağlanış mərasimi keçirildi
09.10.24
Mikayıl Azaflının “Haqq aşığı yaranıbdı qəm çəkə” kitabı işıq üzü görüb
09.10.24
Asif Rüstəmlinin “Cəmo bəy Cəbrayılbəyli: həyatı və bədii yaradıcılığı” kitabı işıq üzü görüb
09.10.24
Anar Məcidzadə - Nə yaltaqlıq elə, nə quyruq bula...
03.10.24
Azərbaycan dastanlarınıın folklor semantikası
27.09.24
“Əta Tərzibaşı Kərkükün milli tədqiqatçısı” adlı kitabın təqdimatı olub
27.09.24
Lütviyyə Əsgərzadənin “Şeyx Məhəmməd Rasizadə” kitabı işıq üzü görüb
27.09.24
“Azərbaycan ədəbiyyatşünaslığı” jurnalının növbəti sayı çap olunub
27.09.24
Vaqif Yusiflinin “Məmməd Araz dünyası” kitabı işıq üzü görüb
27.09.24
Azad Qaradərəli - Kədərli yazların doğurduğu sevinc
09.09.24
Azərbaycan yazıçısının kitabı Təbrizdə nəşr olunub
09.09.24
“Əbdürrəhim bəy Haqverdiyev. Nəşr edilməmiş əlyazmaları”  kitabı nəşr edilib
09.09.24
Venesiya Film Festivalında “Qızıl Şir” mükafatının qalibi məlum olub
08.09.24
Venesiya Film Festivalında Azərbaycan filmləri nümayiş olunub
07.09.24
Şərqşünaslıq İnstitutunda “Əhməd Nədimin poetikası” kitabı çapdan çıxıb
27.08.24
Azad Qaradərəli - Alman şərqşünasın hekayələrim haqqında yazdıqları
09.08.24
Milli kino günündə “Tənha insanın monoloqu”
08.08.24
Turan Film Festivalı Laçın şəhərində keçiriləcək
02.08.24
Federiko Qarsia Lorka -  Bu çılpaq bədən at nalları dəyməyən...
12.07.24
Yelisaveta Baqryana - Ah, belə gecələr əzabdır dostum!
11.07.24
Azad Qaradərəlinin əsərlərinin beşinci cildi cap olunub
08.07.24
“Narqız” qısametrajlı animasiya filminin istehsalı davam edir
05.07.24
"Dünya ədəbiyyatı" jurnalının Çeçenistan sayı işıq üzü görüb
03.07.24
“Ulduz” jurnalı oxucuların görüşünə yeni təqdimatda gəlib
02.07.24
Frans Kafka - Hökm
25.06.24
Mədəniyyət Nazirliyi senzura ittihamlarına aydınlıq gətirib
25.06.24
Azərbaycan Kinematoqrafçılar İttifaqı Şirvanda kino günlərinə başlayır
22.06.24
Şahid ifadəsi - Zərdüşt Əlizadə yazır...
13.06.24
“Divanü lüğat-it-türk”ün II və III cildləri nəşr olunub
13.06.24
“Ulduz” jurnalının may nömrəsi çap olunub
13.06.24
Azərbaycanda aparıcı teatrların siyahısı təsdiqlənib, işçilərin maaşları artırılıb
05.06.24
Özbəkistanlı şairlərin şeirləri Azərbaycan dilinə tərcümə edilərək nəşr olunub
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.